Read Lelemi Kɔgya 67 Bible Online

Kɔgya 67 - Lelemi bible

Kɔgya 67

¹Katɔti, nu-bu kɔnyana na ete-bu kusɛ kusɛ. Bla-bu lɛƒɔndia na ekeye na bula akɔ.

²Na aya na bekyuli ƒui banu ƒula lɛƒɔyɔ bati. Na banu bati lɛnɔ kalɛ na aaƒɔ́ teete bekyuli na kayawi ƒui.

³Amii bekyuli ƒui, bimwi Unwoti! O Katɔti, ya na bekyuli ƒui bemwi-ɔ.

⁴Ya na lɛlɔ lɛyɔ kadi bekyuli ƒui na bedie ebiti lɛnu. Ɔsika awɔ mɔɔtɛku bayawine ƒui litemi na ulu siin lɛlɔ. Na awɔ mɔɔtɔnku kadi bekyuli ƒui na kalɔ lɛlɔ.

⁵Ya na bekyuli bakpali-ɔ lɛnyi bemwi. O Katɔti, ya na kadi ƒui bemwi-ɔ.

⁶Na kalɔ kete kuƒi na bekyuli báƒɛ edula geen. Unwoti ɔni ndi bula Katɔti ndubute-bu kusɛ kusɛ lɛni.

⁷Buuvele bɔnii Katɔti ute-bu kusɛ kusɛ ubu na ukyuli biala ɔbu-nwu na kalɔ kamɛni lɛlɔ.