Read Lelemi Kɔgya 75 Bible Online

Kɔgya 75 - Lelemi bible

Kɔgya 75

¹Bɔɔgyá-a enu, O Katɔti, na buumwi-ɔ, ɔsika ede-bu! Na bɔɔká ƒula akɔla ala budie taatina taasu bekyuli.

²Ásu-bu anini, “Líse uwi ɔni ndubɔtɛku bekyuli litemi líse. Na ami ndi ukyuli ɔni mɔɔtɛ litemi ulu siin lɛlɔ.

³Ina dɛ na lɛlɔ lɛɛtɔ́ kayawi ala ediedi ƒui na kalɔ kemodi kammɔ kaakunku dɛ ni, ndubɔda-ka linyene kana ɔka lɛlɔ na kalɔ kemmo lɛtabi kpakplaa lɛlɔ.

⁴Na ndubɔsu bani mɔɔtalaku lɛlɔ katɔ mmɔ ka bada bana lɛmɛnɛ bɔkun baya.

⁵Na lɛya na bada lɛlɔ katɔ bɔkɔliku baya.”

⁶Litemi ɔtɛne ɔdi ɔɔɔdubo bɔsi ɔƒɛ katukɔ iye kanukɔ. Na ɔdi lɛnɔ ulási kalɔ kakwiidi lɛlɔ ulebo.

⁷Mmomu Katɔti ɔmmɔ ɔlati ndubɔtɛ litemi na ɔkɔliku badi katɔ na uboku badi kalɔ.

⁸Ɔsika Katɔti ɔdubɔda ntɛ bɔni na básala ku ala bamba ɔɔƒɛɛ keyile bɔni na nwuna kɔnyi kɔ́ya na buuƒuƒuo. Na Katɔti ɔdubo ntɛ bɔmmɔ buwilimi bute balalane na kayawi ƒui na bani utédu eku.

⁹Nsu ami ni, lɛɛɛdubo ebiti bɔda bɔkɛ bɔya. Mmomu ndubudie bumwi lɛnu lite Katɔti ɔni na bula nana Yakob ɔ́kpa.

¹⁰Na ɔdububile balalane ɔyikun ƒui. Na bekyuli bani na bese siin ni, bana ɔyikun ɔdubɔkɔ katɔ uwi ƒui.