Read Lelemi Kɔgya 83 Bible Online

Kɔgya 83 - Lelemi bible

Kɔgya 83

¹O Katɔti, tedie-bu atu na asɔ enye ataanu-bu lɛni na alasu iye abla lɛla lɛdi.

²Nu kalɛ na ƒula bekisine bani náta bénye-ɔ lɛlɔ mmɔ báta yuu ku lɛsɛ badubo.

³Na básala ku bekyuli bamba na baakya kɔkwɛ kukpidi na ƒula bekyuli bani na ada aanu lɛlɔ geen mmɔ lɛlɔ.

⁴Na baasu lɛlɔ banini, “Bibo na bɔyila kadi bamɛni budie mɛni, na ɔdi ɔsɔ ulenyimo ka baalɔ kadi badi banii Israelƒuɔ.”

⁵Sɔsɔ geen na ɔdi ka lɛni na bábla kasusu kenwi na bényimi kpakplaa na ƒula lɛlɔ.

⁶Na kadi bani násala bábla ɔmɛni ndi Edom ku Ismael kadi bekyuli ku Moab ku Nagrit ku

⁷Gebal ku Amon ku Amalek ku Ƒilistia ku Tire kadi bekyuli.

⁸Na Asiria kadi bekyuli lɛnɔ bétébunku-ma. Na ama ndi bekpone kpakplaa bani násala bábla unwi ku Moab ku Amon bani ndi Lot kaba kemmo bebi.

⁹Ɔmɛni ɔsu na buuvele-ɔ ka ani-ma kɔtu kalɛ na áni Midian kadi bekyuli kɔtu na ádu Gisera ku Ɔga Yabin lɛnɔ na Kisai Ketu kɔtu

¹⁰kesii kani nde ɔma ɔni baalɔ Endor na bana ɔlɔna úbun únwini lɛti na mmɔ.

¹¹Bla bana batɔnkune aani kalɛ na ábla Oreb ku Seeb. Na abla bana bagadine aani kalɛ na ábla Seba ku Salmuna.

¹²Bekyuli bamɛni násu banini, “Bɛya na bukpoku kadi bamɛni na buti bana kalɔ kabuni kani ndi Katɔti kalɔ mmɔ bunwini abu kadi.”

¹³O Katɔti, bla-ma aani ɔtumu ku aƒaaƒa ani na ɔƒɛƒɛɛ uubó taavinku.

¹⁴Na aya na bayii udu aani kalɛ na ogya ɔɔkyula lɛku na abi lɛlɔ.

¹⁵Anwuɔsu ni, Katɔti, bɔku-ma na akya-ma liƒu geen ku ƒula ɔƒɛƒɛɛ kpakplaa ɔni muubile ala.

¹⁶Ya na kɔƒa kukpo-ma geen utédu ka bánu-ɔ báti na benwini babataakpa-a.

¹⁷Ya na kɔƒa kukpo-ma na babla gyugyuugyu na bekpi na kɔƒa kɔmmɔ kemmo.

¹⁸Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.