Read Lelemi Kɔgya 95 Bible Online

Kɔgya 95 - Lelemi bible

Kɔgya 95

¹Bibo na budie lɛlɔyɔ lɛnu bute Unwoti. Na bubo-nwu kudu, ɔsika anwu ndi bula lɛtakpɛ ku ngba bɔƒɔ.

²Bɛya na bɔgya-nwu enu na bumwi-nwu ku ebiti lɛnu momoomo.

³Ɔsika Unwoti ɔdi Katɔti ɔni na úbomo, na ɔdi ɔga unengudi ɔni na utulo baƒiɔ ƒui.

⁴Anwu mɔɔdi kalɔ kammɔ ƒui lɛlɔ. Na ɔ́si kalɔ kemmo ɔgyu ƒui útédu abi ammɔ eli ƒui ɔyikun ɔkya-nwu lɛkɔkɔ.

⁵Anwu nédie ɛpu na ɔɔdi-nwu lɛlɔ. Na anwu néti nwuna enu ɔ́bla kalɔ kammɔ ƒui.

⁶Bibo na bɔkya lili kalɔ bɔkpa Unwoti. Na bɔlɛ-nwu akɔnkɔ kalɔ, ɔsika anwu ndi bula Unwoti na anwu nédie-bu.

⁷Anwu ndi bula Katɔti, na abu ndi nwuna kadi bekyuli bani na ɔɔnu lɛlɔ. Buse aani nwuna baƒonu bani na ɔɔkpanku teesienku kadikɔ. Si bínu Katɔti lɛdi ɔmwi ni,

⁸bitabla atuɔkplu aani kalɛ na badi bábla na Meriba ku Masa kalɔ kakwiidi kammɔ lɛlɔ limeyi lɛmmɔ.

⁹Mmɔ na bina bati kuuku bákɔku-mi bánu banii baanu ɔyikun ɔni na mbo na ala ebendi ani na lɛ́bla na bánu kama.

¹⁰Na ɔmmɔ ɔsu akwa aavlene sɔɔn na líti kɔnyi lɛ́kya-ma geen na lɛ́su nnini, “Badi likyulikpi ala bablane bani naaasia mina ulu lɛlɔ.”

¹¹Anwuɔsu na lɛ́kpali lɛlɔ lɛ́su na mina kɔnyi kemmo nnii, “Baláni beléde-mi na bakɛ bɔnwuna kudii.”