Read Lelemi Lɛnu Ƒui Ɔnu 8 Bible Online

Lɛnu Ƒui Ɔnu 8 - Lelemi bible

Lɛnu Ƒui Ɔnu 8

¹Si banii mina ɔnwani ɔnanabi na adi ni, nka ndubɔkana na lɛkya-a kɔgbu uwi biala na ukyuli ɔdi ulasu ɔnii lɛ́ƒiɔ.

²Na ndubɔkana na lɛkpanku-ɔ lisienku mina uni ɔni nátina-mi lɛla biala lɛni na ngyi kesii. Na ndubute-ɔ ntɛ bɔni mbo emini geen ku adingyii ebi ntu lɛnɔ na ani.

³Ti ƒula kɔmii kɔnu kya-mi lili kalɔ na eti ƒula kɔdianu kɔnu abala-mi kayi.

⁴Yerusalem begblebi, muubó-mii ɔda ɔkɛnku bakwa ku bete ɔ yikun lɛlɔ, na bise-mi kenye ka bɛɛɛdubo busie butágyila tɔ bɔyɔ wetédu ka uwi údu ka ulu ɔ́lɛmi úte bɔyɔ bɔmmɔ alati.

⁵Ukyuli ɔmani ndi uleku ɔni nási kalɔ kakwiidi lɛlɔ ɔdubo mɛni na ɔ́kada úkpo nwuna ɔyɔne lɛmangba lɛlɔ lɛni? Lɛ́gyila mina bɔyɔ na kɔdingyii kɔni kalɔ na báda-a kaƒɔ na báwɔ-ɔ mmɔ.

⁶Mɔɔwia ka ami kani mina lɛlɔ litemi lɛkya-a kayi kemmo uwi ndi uwi, na akya kakwɛnimi kamɛni kɔnu na eti eteenyimo-mi. Bɔyɔ kogyulo bukpo kɔni mɔɔda ogya kubo ɔkplu kutulo kukpi na kutulo kaƒiɔtɔ.

⁷Ɛpu muedi iye ketu kadi buyi bulakana bɔyɔ buƒie na wanyina-mu wakya ntu kalɔ na ɔɔɔdi lɛla lɛni na beye lɛnɔ si ina bi kayu na ukyuli ɔdi ɔnii waƒɔ.

⁸Bubo ɔnwani ulekubi ɔni anyibɛɛ nátalɛ tɔ. Na si ukyuli ɔdi ɔnii ɔɔwia-nwu uti ni, bi na ɔlɛka bɔbla?

⁹Si banii kowodu na kɔdi ni, nka badubɔtu sika ɔƒualadi kɔgyumanakɔ bunyene-nwu lɛlɔ. Na si kayakun na kadi lɛnɔ ni, nka sida kugyii kpakplaa na bɔdubɔnwi bɔbala-ka.

¹⁰Nse aani kowodu na lɛ́ka lɛ́mana ɔma unengudi. Na mina kayi anyii adi kagumanakɔ kete-nwu. Na mina bɔnu kplu kplu muedi búdu-nwu ɔkwɛ.

¹¹Salomo ubo adingyii kemo kadi na kesii kani baalɔ banii Baal-Hamon. Na uusé-ka ɔkpa teete bekyuli taaƒɔ sika ɔƒualadi ebi apim unwi taasiku ukyuli biala kudɔ.

¹²Nsu mina adingyii kemo ni, ami lɛti kadi na kadi. O Salomo, nwuna sika ɔƒualadi apim unwi ɔdi ƒula ɔdi. Na bani mɔɔnu-ka lɛlɔ ni, bana ɔdi ndi sika ɔƒualadi koƒo kunwi.

¹³Mina kayi, awɔ ku ƒula bakpana nkya adingyii kemo kammɔ kemmo, ya na lɛsɔ linu-ɔ lɛdi!

¹⁴Ɔyɔne, babla na ebo-mi kudɔ mɛni! Keli momoomo tulo kalɛ na akwa uukeli bo kɔbi lɛlɔ kesii kani na kutu akyala ƒɛƒɛɛ akya mɛni.