Read Lelemi Yesaia 20 Bible Online

Yesaia 20 - Lelemi bible

Yesaia 20

¹Na uwi ɔni kemmo na Asiria Ɔga Sagon ɔ́tala nwuna bekpone ɔtɔnkune ƒui kekpo ka usie útékpo na ɔ́ƒɔ Ƒilistiƒuɔ ɔma unengudi ɔni baalɔ Asdod ni,

²uwi ɔmmɔ kemmo na Unwoti Katɔti ɔ́su Amos ubidi Yesaia kenye kadi ɔnini, “Da ƒula lɛgbanvuo ku lɛla lɛni na asabla die.” Na Yesaia lɛnɔ ɔ́bla lɛni ɔni na ɔsɔ ɔɔɔkya lɛgbanvuo iye adala adi.

³Amu na Unwoti ɔ́sɔ ɔ́su ɔnini, “Kalɛ na mina kabla ɔblane Yesaia úsie ɔ́vi akwa atɛ na ɔɔɔda lɛla lɛdi na ɔɔɔkya lɛgbanvuo lɛnɔ úti ɔ́tina lɛla lɛni ndubo bɔlɛku Egyipte ku Kus lɛlɔ ni,

⁴lɛni na Asiriaƒuɔ ɔga ɔdubo Egyipteƒuɔ ku Kusƒuɔ benengu ku banamu ƒui buƒie bɔtɔlɔku ku kasɔngya na balada adala iye bakya lɛgbanvuo lɛdi, na ɔdubɔbla Egyipteƒuɔ kɔƒa geen.

⁵Kadi bani mɔɔsia Kusƒuɔ anu na baakun lɛmɛnɛ na Egyipte lɛlɔ ni, badubɔnu ɔmɛni na bayia geen na kɔƒa lɛnɔ kukpo-ma.

⁶Na uwi ɔmmɔ kemmo ni, kadi bani nli Ƒilistia ɛpu kɔtɔ badubɔsu banii, ‘Bɛnu lɛla lɛni nálɛku kadi bani bekyuli na bɔɔkali ka bukeli butátamiku na bebunku-bu na bɔlɛ Asiriaƒuɔ enu kemmo. Bi na badubo bɔbla ɔƒɛni? Na wɛ na bɔdubɔsɔ bukeli busie?’ ”