Read Lelemi Yesaia 4 Bible Online

Yesaia 4 - Lelemi bible

Yesaia 4

¹Na emeyi ammɔ kemmo ni, beleku maatɛ ndubo ɔnana unwi bɔnwanɛ, na basu-nwu banini, “Ya na bulieku-ɔ, abu alati bɔdubɔwia bula lɛdila ku adala, na bekyuli badubɔnu-bu bamana-a aani ƒula beleku na baláma-bu aani bakinsi. Die kɔƒa kɔmmɔ lɛti lɛti na bula lɛlɔ.”

²Nsu na uwi ɔni mebo kemmo ni, bekyuli bani na Unwoti ɔdubɔya na balɛ sɛɛn babla aani kugyii kagba kawɔdi kani mɔɔdia bɔnu na keekeye na kana ebi ndubɔya na Israelƒuɔ bani nébu mmɔ baƒɔ lɛnyi na beteekeye.

³Na bani ƒui nébu na Sion na bése-ma likpo na Yerusalem mmɔ ka belie ngba ni, badubɔlɔ-ma bekyuli kedee.

⁴Na Unwoti ɔdubɔkpila Yerusalem beleku bammɔ ƒui sɛɛn na bana ekpidi ɔsu. Na udie ubugya ɔni na ɔ́dɔli Yerusalem ƒui na nwuna lɛlɔ, ku kɔyu kɔni mɔɔtɛ litemi siin na kuse aani ogya ɔni mɔɔkyula ala.

⁵Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.

⁶Na ɔdubɔbla kabɛkɔ ute-ma na limeyi liwulu ɔsu ku ɔƒɛƒɛɛ ku ɔnantu lɛnɔ kudɔ.