Read Lelemi Yeremia 34 Bible Online

Yeremia 34 - Lelemi bible

Yeremia 34

¹Nebukadnesar ubo bekpone lisu bonwu lɛdi na bakya nwuna lɛga kadikɔ. Na ɔ́ƒuna-ma ɔ́siku kɔlɛkɛ kɔni lɛga kɔdikɔ nkya-nwu kalɔ kemmo. Anwu ku nwuna bekpone bamɛni bakya beekpóku Yerusalem ku kɔlɔ kɔni na amadɔ mmɔ asa na Unwoti ɔ́su-mi ɔnii

²ntásu Ɔga Sedekia ɔnini, “Ami ndi Unwoti na ndubo bɔya na Nebukadnesar ɔka ɔma ɔmɛni ɔkya na ɔkyula-nwu.

³Kekpo kadubo-ɔ buƒie na beti-ɔ bete Nebukadnesar na bɛtɛmi anumi ku anumi. Na ɔmmɔ kama na beti-ɔ besienku Babilon kalɔ lɛlɔ.

⁴“Sedekia, líse kenye ka baaadubo-ɔ bɔdu na kekpokɔ.

⁵Awɔ ɔlati adubo bukpi buɛɛ na bekyuli bewulo-ɔ na ƒula kukpi kalɔ. Na badubo agyavonku bɔsala beti bete ƒula lɛnyi ɔbu aani kalɛ na bábla bete ƒula bati kuuku bani nádi lɛga asa na úbedu-ɔ.”

⁶Amu na lísie Sedekia kudɔ na ńtásɔku ala ani ƒui na Unwoti ɔ́su-mi mɛni lɛ́su-nwu.

⁷Na uwi ɔmɛni kemmo ƒui ni, na Babilon ɔga unye momoomo ɔɔwia kuƒi kɔni na ɔbwɛ Lakis ku Aseka ku Yerusalem lɛma awodu na uduo-ma lɛlɔ. Na lɛma ɛtɛ lɛmɛni kani ndi Yudaƒuɔ lɛma lɛni nébu na útabwɛ tɔ.

⁸Ɔga Sedekia ku nwuna bakutine benengu ku Yerusalemƒuɔ bammɔ ƒui bényimi bunyimi bɔdi ka badubute bana Hebriƒuɔ banwani bani mɔɔbla bekyuli bamba kabla bɔnwuna.

¹¹Nsu batɔlati bani mbo kabla bablane bamɛni bávumana bana kasusu na básɔ béténye-ma lɛlɔ na bénwini bébo baabla-ma kabla.

¹²Mmɔ na Unwoti ɔ́su-mi ɔnii nsu bekyuli bammɔ ɔnini,

¹³“Ami ndi Unwoti, Israel Katɔti, na línyimi bunyimi bɔdi ku bina bati kuuku uwi ɔni na lɛ́kpanku-mii lɛ́siku Egyipte kalɔ lɛlɔ kesii kani na nka badi bekyuli bamba kabla bablane.

¹⁴Na aani bunyimi bɔmɛni kakɛ kadi ni, ɔlɛka amii lɛnɔ bɛya na Hebrini ɔnwa ɔni na ɔdi ƒula kabla ɔblane ni, ete-nwu bɔnwuna na ulie ute lɛlɔ na akwa aku kama. “Bina bati kuuku betenu-mi litemi na badi-ni lɛlɔ.

¹⁵Nsu amii bɛ́lɛ ugyii ka bɛdubunu-mi litemi na bɛbla lɛla lɛni na lɛ́manku bite bina banwani bammɔ na bite-ma bɔnwuna ƒui kede kede. Na ɔɔɔdi kesii bamba kadi na bínye bɛ́su ɔmɛni mmomu mina kakpakɔ kemmo geen na bíduo bísie bítálɛ ɔmɛni ugyii na mina lɛnyi lɛlɔ. Nsu bítabu-mi lɛnyi munu munu mmomu bíbile bunyimi bɔmmɔ na bɛ́sɔ bísie bítenye bina kabla bablane bammɔ lɛlɔ na básɔ bénwini bébo baabla-mii kabla.

¹⁷“Ka bítete bina kabla bablane bɔnwuna ɔsu ni, bítadi mina litemi lɛlɔ. Anwuɔsu ami ndubute-mii bɔnwuna ƒaa na bɛƒuna ka bikpi na kekpokɔ iye ɔlɛ ukpidi ubo-mii iye kɔka kɔdu-mii. Na ndubɔya na binwini lɛla lɛni muusé lɛlɔ na kadi bekyuli ƒui anumi na kalɔ lɛlɔ mɛni.

¹⁸“Na bunyimi bɔmɛni ɔdi bɔbla kemmo ni, bɛ́du ɔmantɛ akɔ ubi na bɛ́bwɛ-nwu kemmo akpa anyɔ. Na bisie bɛ́vi kɔkɛ kɔmmɔ ntɛ na bɛ́su bɛnii ami nnye bina bunyimi bɔmɛni kama ka bɛdubute bina banwani bɔnwuna. Nsu amii Yerusalemƒuɔ bíni na bítadi bunyimi bɔmɛni iye ami bɔdi bɔni na línyimiku Israel lɛlɔ. Anwuɔsu lɛla lɛni na bɛ́bla ɔmantɛ akɔ ubi ɔmɛni ni, ani kani na ndubo-mii bɔbla.

¹⁹Ndubo bɔya na bina bekisine beƒie-mii ƒui batɔlɔku. Amii Yudaƒuɔ batɔnkune bammɔ ku baga kesii bakutine ku bakpane ku bekyuli bammɔ ƒui bani nésie bávi ɔmantɛ akɔ ubi kɔkɛ kɔmmɔ ntɛ. Bina bekisine bamɛni badubo-mii bɔdu na bada-mii bewi kalɔ ntɛ ute baasɛ ku alakpi akɔ bebuo na bakun.

²¹“Na bekisine bamɛni ndi Ɔga Nebukadnesar ku nwuna bekpone bani nási Babilon. Báada Yerusalem bukpoku baya na baawia Ɔga Sedekia ku nwuna bakutine kani badu. Nsu ndubo lɛdi budie bute-ma na basɔ benwini bebekpoku Yerusalem. Na ɔƒaani ni, badubɔka Yerusalem ɔma ɔmmɔ bakya na badi-nwu lɛlɔ na bakyula lɛla biala. Na beƒie Ɔga Sedekia ku nwuna bakutine bammɔ. Na ndubɔya na babwɛ Yuda lɛma lɛmmɔ ƒui na ɔdi ɔsɔ ulelie mmɔ.”