Read Lelemi Yeremia 8 Bible Online

Yeremia 8 - Lelemi bible

Yeremia 8

¹“Na uwi ɔmmɔ kemmo ni, badubuku Yudaƒuɔ baga ekubi ku bana lɛku batine ku bakpane ku kenye bediene bedie kalɔ kemmo mmɔ ku bekyuli bamba ƒui bani nkya Yerusalem.

²Na badubugyingya bana ekubi ammɔ bewi kalɔ mmɔ bamana na kesii kani na ɔƒɛ ku kɔbuli ku ayabi ammɔ ataalɛ teewi-nya, ɔsika anya na bátaakpa.

³“Amii Yudaƒuɔ kadi bekyuli badi bɛdubo bubu bulie ngba, nsu ndubunye-mii lɛlɔ na beƒie-mii besienku baƒɔ kalɔ lɛlɔ. Na ami Unwoti Ɔyikune Ƒui násu kenye kamɛni.”

⁴Unwoti ɔnini, “Amii Yerusalemƒuɔ, si ukyuli útulo na úbuli ni, bɔta na ɔsɔ ɔɔta. Na si ulu ukpidi lɛlɔ na ɔ́sia úsela ni, bunwini na uunwíni kama.

⁵Na bi ɔsu na amii bíni bɛnii bilasɔ bilénwini bilebo-mi kudɔ? Na bɛmu bɛsiaku bina baƒiɔ kpakplaa lɛni?

⁶Mɔɔsia-mii atu geen na ɔdi biala ulaƒɔ enu ɔnii bɛ́bla likpidi. Na bɛ́sɔ bítabla kasusu biala bítasia kama asa na bínwini bɛ́sia ulu ukpidi ɔmmɔ lɛlɔ bísela aani bekpone bani nlie ɔpɔnkɔ lɛlɔ na bábi basiaku bana bekisine na kekpokɔ.

⁷Betusɛ ku babloduma ku bakpaƒɛɛlɛ ku baasɛ bamba bagyi uwi ɔni na beeveyi taatɔlɔ na beekeli kɔyɔ uwi ku uwi na bɔsɔ benwini bebo. Nsu amii mina bekyuli bɛɛɛgyi lɛla lɛni mɔɔwia ka bɛbla.

⁸“Bɛɛsu bɛnini, ‘Bɔ́da anu, ɔsika bula enu kemmo na Unwoti ala ani na ɔɔtina ku nwuna ɔda bubo ƒui bɔkya.’ Nsu mɔɔyá na bɛti ka bina ala batinane ƒui bátu mina etemila bénwini ɔkɔ ala!

⁹Bina banundane béni mina etemila ani na lɛ́su, anwuɔsu basɔ beeebo lɛnunda lɛdi. Na ala ényimi-ma na kɔƒa kuukpó-ma na basɔ baaagyi lɛla lɛni na babla.

¹⁰Ndubo bana beleku ku mmo ƒui buti bute baƒɔ. Balakɛne ku bawabane, na kenye bediene ku bakpane ƒui basɔ baaadi bekyuli bani lɛlɔ na beti anumi basia. Bana ƒui bénwini badivone ku ɔkɔ banyine.

¹¹Lɛla lɛni kani na baakana mina bekyuli bani na ala eekpóku bɔsu ndi ka bese-ma kayi kekpludi ka badubɔkɛ keyi buɛɛ.

¹²Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

¹³“Ndubo-ma udu bɔyila budie kalɔ kammɔ lɛlɔ ƒui. Ɔsika bese aani egyiibi kɔbuli kɔni lɛlɔ na egyiibi aaasia iye kɔnwingyie kɔni lɛlɔ na ebi iye evete aaasia. Na ala ani na lɛ́su-ma ƒui bátabla ɔdi! Ami Unwoti násu lɛni.”

¹⁴Yudaƒuɔ básu lɛlɔ banini, “Bi ɔsu na bɔ́sɔ bunye bɔɔnu? Bɛya na bukeli buteesie lɛma lɛni na bátu bámana-ni kemmo na butékpi na mmɔ. Bɔ́ta búnye Unwoti lɛlɔ na bádu-bu kɔtɔ banii bɔni ugyulo ukpidi na bukpi.

¹⁵Bula anu asia ka bɔdubɔkɛ keyi buɛɛ na bɔnwanya bɔsiku lɛlɛ lɛni na buuƒi kudɔ. Nsu liƒu ku agyala kani mɔɔsiáku-bu.

¹⁶Bula bekisine béedu ɔma ɔnii baalɔ Dan na kalɔ kammɔ katɔ kakɛ na buunú kalɛ na bana bapɔnkɔ beeƒwi ala taalɛku bana enwu kemmo ku kɔnyi na baayá na bɔɔyia geen. Bekisine bammɔ badubo Yerusalem bɔbwɛ na bebile kalɔ kammɔ ƒui na ɔdi ɔsɔ ulébu ulelie ngba.”

¹⁷Unwoti ɔnini, “Binye kagyumana, ɔsika ndubo bɔya na balakpi bekpidi bebo babadu-mii na ɔdi ulakana-ma kuƒi butile.”

¹⁸Kayi kaakpulu-mi geen aani ala na nti mɔɔnɔ na mɔɔyɔ́ lite lili.

¹⁹Mina bekyuli bakya kaƒɔ lɛma beewulo keku. Nu kalɛ na beewulo teeye banini, “Buni na Unwoti úni Sion na ɔsɔ ɔɔɔdi nwuna ɔga?” Na muunú ka Unwoti uudie kenye ɔnini, “Bi ɔsu na bɛ́kya-mi kɔnyi na uwi na bina baƒiɔ bani neeebo kɔsia bɔkpa ɔsu?”

²⁰Bekyuli bamɛni baadɔ taasu banini, “Edula ɔkyawi ku liwulu uwi úubo úbavi, na Unwoti útedie-bu.”

²¹Mina bekyuli lɛnunsia ƒui líbie. Na lɛni kani na use ami lɛnɔ na mina kayi kemmo. Na liƒu líduo-mi na muuwulo kɔnyana.

²²Bi ɔsu na balábwi mina bekyuli si evogyii ku ana bablane bakya Gilead?