Read Lelemi Esekiel 15 Bible Online

Esekiel 15 - Lelemi bible

Esekiel 15

¹Na uwi ɔdi kama ni, Unwoti ɔ́su-mi ɔnini,

²“Esekiel, ɔyawine ubi, bi mɔɔlɛ́ku atoo kabuli si béde ebi bédie-ka lɛlɔ ƒui báwɔlɔ? Kabuli kammɔ keeese aani lɛku kemmo egyii bamba.

³Ɔsika kabuli kammɔ kaaadi kugyii kɔni na kubo ɔkplu na ɔdia lɛla lɛdi bɔbla. Na nwuna kɔgba lɛnɔ kuladia bukulo bɔbla ewele na bebo balɛ kesii kadi na baƒala ala.

⁴Bɔmɛnɛ kani na bakana bamɛnɛ-ku bakya ogya. Na si ekuku ammɔ ákywi áwɔlɔ na énwini ntɔ ni, ɔsɔ uuubo kɔsia kɔdi.

⁵Kabuli kammɔ keeebo kɔsia kɔdi asa na badubo bɔkyula-ka muedi. Na si bákyula-ka báwɔlɔ lɛnɔ ni, ɔsɔ uuubo lɛblakula lɛdi munu munu.

⁶“Ami Unwoti Katɔti muusé kenye nnii kalɛ na baakyula atoo kabuli aani ekyweni kalɛ ni,

⁷lɛni na ndubo ogya buti bɔkyula Yerusalem bekyuli. Na si uwi ɔni na ala amɛni álɛ ni, awɔ Esekiel adubɔnu ati ka ami ndi Unwoti.

⁸Ndubo bɔya na bana kalɔ kenwini kalɔ kekpludi kani neeebo kɔsia kɔdi, ɔsika kaladia lɛla lɛdi bɔbla na ɔni na baládi litemi geen lɛlɔ teete-mi ɔsu. Ami Unwoti Katɔti násu.”