Read Lelemi Esekiel 35 Bible Online

Esekiel 35 - Lelemi bible

Esekiel 35

¹Unwoti ɔnini,

²“Esekiel, ɔyawine ubi, du Edom kadi bekyuli kukpi kɔtɔ

³na asu-ma anini, ‘Ami Unwoti Katɔti ɔƒɛni amu línwini-mii ukisine! Na ndububo bina kalɔ bunwini bɔbla kalɔ kebiedi kani kemmo na lɛla lɛdi lɛsɔ lilakya.

⁴Na bina lɛma lɛbwɛ liwi ukpludi na mmɔ kenwini kalɔ kakwiidi. Na bɛdubɔnu bɛti ka ami ndi Unwoti.

⁵“ ‘Amii Edom kadi bekyuli ni, ɔɔɔdi bekisine kani na bɛdi bite Israelƒuɔ ɔ́si kukuuku, mmomu lɛlɔ lɛ́yɔ-mii na bínye bɛ́nu uwi ɔni na ɔgbankpi úbo-ma lɛlɔ na baadú-ma ƒui ku kuwii teewi kalɔ aani bana lɛtuni na ekpidi ani na bábla ɔsu.

⁶Anwuɔsu geen ni, muudie-mii bɔƒiɔ ka bɛ́du ukyuli na ɔlɛka badu amii lɛnɔ.

⁷Ndubo bina kalɔ bubile na kayii udu na badu ukyuli biala ɔni masia-ka kemmo lɛnɔ malɛ.

⁸Bekpine badubɔƒɔ bina abi lɛlɔ ku awɛ kemmo ƒui tɛɛ.

⁹Na bina kɔlɔ kɔdubɔsɔ kuwi ukpludi uwi ƒui. Na ukyuli biala ɔdi usɔ ulakya bina lɛma lɛmmɔ kemmo kudii. Na bɛdubɔnu bɔti ka ami ndi Unwoti.

¹⁰“ ‘Bɛ́bu bɛnii Yuda ku Israel kadi bekyuli kɔlɔ kúnwini amii kɔdi na bɛkana biti bana kɔlɛkɛ kɔmmɔ binwini amii ɔdi uwi biala kemmo. Nsu ami ndi bana Katɔti.

¹¹Na mɔɔsu-mii geen nnii ɔni na nli uwi ƒui mɛni ni, ndubɔnu ka lɛ́ni-mii kɔtu na kalɛ na bɛ́bla-ma na kɔnyi kemmo na bíkisi-ma lɛnɔ ɔsu. Na badubɔnu ka ami mɔɔní-mii kɔtu lɛni.

¹²Na amii alati bɛdubo bɔnu bɔti ka línu kalɛ na binye bɛɛlɛ́-ma uwi ɔni na bana ɔgbankpi úbo-ma lɛlɔ na bɛɛsu ka bana kɔlɔ kɔdubunwini amii kɔdi na biti-ku.

¹³Na bidumi ami ɔlati muedi na línu ɔnaƒui kede kede.

¹⁴“ ‘Lɛlɔ lɛdubo ukyuli biala bɔyɔ si uwi ɔni na lɛ́yila-mii udu lɛ́wɔlɔ

¹⁵kalɛ kani na lɛlɔ lɛ́yɔ-mii uwi ɔni na báyila Israel udu. Na bina Edom kalɔ ƒui kadubo bubie na kasɔ kewi ukpludi lɛla biala tadia tadia. Na ukyuli biala ɔdubɔnu ɔti ka ami ndi Unwoti.’ ”