Read Lelemi Esekiel 39 Bible Online

Esekiel 39 - Lelemi bible

Esekiel 39

¹Unwoti ɔnini, “Esekiel, ɔyawine ubi, du Ɔga Gog kukpi kɔtɔ na asu-nwu anini, “ ‘Awɔ mɔɔdi Mesek ku Tubal lɛlɔ, nsu ami Unwoti ndi-ɔ ukisine!

²Ndubo-mii bɔtɔnku kama kama na lɛkpɛ-mii lɛsiku katɔ mmɔ liboku Israel abi kudɔ.

³Ndubo ƒula kataminta bubo bɔlɛku-ɔ kɔmiinu kɔnu kemmo na libo atula ammɔ lɛnɔ lɛlɛku ƒula kɔdianu kɔnu kemmo.

⁴Na awɔ ku ƒula bekpone ƒui bɛdubo bukpi na abi ammɔ lɛlɔ. Na baasɛ bakun bina bekpine

⁵bani ndubo bukpi buwi alakpi akɔ kesi kesii mmɔ. Ami Unwoti násu.

⁶“ ‘Ndubɔya na batu ogya bakya Magog ku kadi bani nli ɛpu kɔtu na baakali ka beli ƒaa na lɛla lɛdi lɛɛɛda-ma mmɔ. Na badubɔti ka ami ndi Unwoti.

⁷“ ‘Mina kadi bekyuli badubo-mi bɔti na basɔ balakya-mi lɛnyi kɔƒa. Na badubɔti ka ami ndi Israelƒuɔ Ukyuli Kedee.

⁸Limeyi lɛsia ulu lɛdubo lɛni na ala amɛni adubo bɔlɛ kalɛ kani na líse kenye.

⁹“ ‘Na si limeyi lɛmmɔ lídu ni, Israelƒuɔ badubo bana bekisine bani nebekpi-ma kudɔ mmɔ ekpola bɔla na bana lɛma lɛni kemmo na beli mmɔ. Na kɔtaminta ku atula lidu ku kekpo agyumanala ani bada mmɔ ku bana ligyii buti butaakya ogya. Na ɔmmɔ ɔdubɔbla bana ekyweni akwa maatɛ sɔɔn.

¹⁰Ekpola amɛni na badubo butaakyula na egyii ani na ɔlɛka bada iye ekyweni ani na bawia bavi kenye. Lɛni na Israelƒuɔ badubo bekyuli bani néyu-ma na bédumi-ma bábla-ma kalala udu biala kasi budie. Ami Unwoti násu.

¹¹“ ‘Si báyila Ɔga Gog udu báwɔlɔ ni, ndubɔya na bava-nwu na nwuna bekpone akɔ na Israel mmɔ na kesii kani baalɔ banii Belusiene Kɔwɛ si éti ésela Ɛpugyie ɔƒɛ katukɔ kakɛ. Na bekyuli kavakɔ kammɔ kadubo bubomo ɔni na kadubutile ukyuli biala masu ɔnii ɔɔsia mmɔ ɔvi ulu. Anwuɔsu na badubɔlɔ mmɔ ɔmmɔ kama banii Gog ku nwuna bekpone kɔwɛ.

¹²“ ‘Abuli maatɛ na Israelƒuɔ badubo buti bɔva bekpine bammɔ na babla bana kalɔ kammɔ sɛɛn.

¹³Na kalɔ kammɔ ukyuli biala ɔdubo bubunku na bekyuli bammɔ bɔva kemmo. Na limeyi lɛni na badubɔnu mina bukeye ni, ɔdubɔbla limeyi lɛni na ɔdi biala ɔdubɔkɛ ɔbu.

¹⁴“ ‘Si abuli maatɛ ammɔ ávi áwɔlɔ ni, mina kadi bekyuli bammɔ badubo bekyuli badi bɔƒuna na bavi banu si bekpine badi básɔ bébu bakya kesii kadi na bátava ama. Na badubɔbla ɔmɛni abuli maatɛ bamba kalɛ na bati nwaa ka ukpine ɔdi útaƒɔ lɛlɔ ɔɔɔtɛ kesii kadi na ubile ekisila adi na kalɔ kammɔ kalabla sɛɛn.

¹⁵Na kesii biala na bánu ukyuli likubi ni, badubɔbla likposela bese mmɔ. Na ɔmmɔ kama na beyitaƒu bebeti-nwu batáva na Belusiene Kɔwɛ kemmo mmɔ

¹⁶na ude kesii kani na badubo lɛnyi bɔsia banii Gog Bekpone Ɔma. Na kalɔ kammɔ kadubɔsɔ kabla sɛɛn na ɔmmɔ kama.’ ”

¹⁷“Esekiel, ɔyawine ubi, ndubo limeyi bɔdi na Israel abi lɛlɔ na lɛbla akpala na mmɔ. Anwuɔsu ya na baasɛ ku bebuo ku alakpi akɔ bebuo na basi lɛƒɛnyi ƒui bebo na babakun akpala lɛna na bani ubugya lɛnɔ.

¹⁸Badubo bekpone ku baƒɔ lɛlɔ badine lɛna bɔkun. Bekyuli bammɔ na ndubo bɔdu bɔbla akpala aani kalɛ na baadú baƒonu ku bese ku ɔmantɛ bakɔ taabla akpala.

¹⁹Mɔɔwia ka baasɛ bammɔ bakun lɛna bemo na bani ubugya lɛnɔ na udu-ma ɔkwɛ aani kalɛ na baaní ntɛ teekpi.

²⁰Badubo babadi mina kadikɔ na bakun bapɔnkɔ lɛna ku bekpone lidu lidu lɛna beyile eƒi. Ami Unwoti násu.”

²¹Unwoti ɔnini, “Si lɛ́ni kalɔ lɛlɔ kadi bekyuli kɔtu ni, badubɔnu kalɛ na muukeye.

²²Na ɔ́si uwi ɔmmɔ lɛlɔ lɛnɔ ni, Israelƒuɔ badubɔnu bɔti ka ami ndi Unwoti, bana Katɔti.

²³Na baƒɔ lɛnɔ badubɔnu bati ka bunye na bénye Israelƒuɔ lɛlɔ na bábɔku-ma bálɛku bana kalɔ lɛlɔ ka bábla ekpidi báƒiɔ-mi ɔsu. Línwini kama lɛ́kya-ma na bana bekisine békpoku-ma na bádu-ma.

²⁴Ulikplu ku bubie lidu lidu lɛ́ƒɔ-ma keliela kemmo, anwuɔsu na bámanku ka lɛni-ma kɔtu.

²⁵“Ɔƒaani ni, ndubo Israelƒuɔ kɔnyana bɔnu na lɛkpanku-ma lɛsiku baƒɔ lɛma lɛni kemmo na bákya mmɔ lɛsɔku liboku bana kalɔ lɛlɔ. Ɔsika Yakob bebi ku bawɔ na badi, anwuɔsu ndubute-ma kusɛ kusɛ na lɛtina-ma ka nse kedee.

²⁶Na badubo bulie ku keyi buɛɛ na ama alati kalɔ lɛlɔ. Na kɔƒa kukpo-ma si bényimo alaekpidi ani na bábla bábavi na bákya-mi kɔƒa.

²⁷Kadi bamba bekyuli bani ndi baƒɔ badubunye banu kalɛ na ndubɔƒɔ Israelƒuɔ lɛlɛku bana bekisine enu kemmo lɛsɔku liboku bana ɔma. Na kadi bammɔ bekyuli badubɔnu ka nse kedee.

²⁸“Mina bekyuli badubɔnu bati ka ami Unwoti, bana Katɔti, nábɔku-ma lɛ́lɛku bana kalɔ lɛlɔ aani batɔntɛne kalɛ. Na ɔƒaani ndubɔsɔku-ma liboku ama alati bana kalɔ lɛlɔ.

²⁹Nsɔ lɛɛɛdubo kama bunwini bɔkya mina kadi bekyuli Israelƒuɔ kudii, na mina Kɔyu kɔdubo bulieku-ma. Ami Unwoti násu.”