Read Lelemi Hosea 13 Bible Online

Hosea 13 - Lelemi bible

Hosea 13

¹Si bina batɔnkune baatɛmi ni, lɛlɔ lɛɛtɔ́ ukyuli biala ku liƒu na bɛɛbu-ma geen. Nsu bɛ́bla likpidi na ɔni na bísie bɛɛkpá Baal baƒiɔ ɔsu na báyii udu.

²Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

³Ɔmmɔ ɔsu na bɛdubo udu bɔyii ƒui kede kede aani kalɛ na ulɔyɔ ɔɔyii taakya, na amii aakwii na ala lɛlɔ, na ɔƒɛƒɛɛ uuti aƒaƒaa na kemo taatɔlɔku, na uyɔ lɛnɔ ɔɔyii taakya na asi kemmo.

⁴“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.

⁵Lɛ́nu-mii lɛlɔ na kalɔ kakwiidi kemmo kesii kani na ntu buuubo mmɔ.

⁶Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

⁷“Ɔƒaani ni, ndubo-mii bukpoku aani gyata, na libi kesii kadi ntaatu-mi aani ebuoƒuala.

⁸Na lɛduli-mii ligyingya aani kegidi kani bebi na béƒie bátɔlɔku. Na ndubo-mii ekubi bɔbwɛ aani eƒiebuo bamba ɔdi kalɛ.

⁹“Israel, awɔ ɔdi ɔ́sa. Sɔ tasia lɛnu anii adubɔkɛ kebunku kadi asiku-mi kudɔ.

¹⁰Aasu anii ɔga ku lɛlɔ badine na aawia ɔƒaani ka lise lite-ɔ. Ama nɔɔ? Lɛma lɛmani kemmo na bakya na bebebunku-ɔ?

¹¹Kɔnyi kemmo na líte-ɔ ɔga ɔni na aawia na líti-nwu lɛ́tɔlɔku na livoƒi kemmo.

¹²“Israel, bénweni ƒula alaekpidi bonwu bonwu ammɔ bése, na báklibi-nya buse béte-ɔ.

¹³Adi ubi ɔdɔlɔdi ɔni néni ɔnii batawɔ-nwu uwi ɔni na nka údu bɔwɔ.

¹⁴“Ami Unwoti ndubɔƒɔ-mii na lidie-mii kukpi kemmo na bileduo kaƒiɔtɔ kemmo. O kukpi, wɛ na ƒula ɔlɛ ɔni na aakya bekyuli lɛlɔ ɔkya? O kukpi, wɛ na ƒula ala bubile bɔkya? “Na líni nnii lɛɛɛdubo-mii kɔnyana bɔnu.

¹⁵Ina bi lɛkɛ na bɛ́kɛ na lɛ́kɔ katɔ dɛ ni, ami Unwoti ndubo-ni kemmo bubile ƒui na lɛyila-ni aani kalɛ na kaƒɛndi ɔƒɛƒɛɛ ɔni mɔɔkula ala na kalɔ kakwiidi kemmo ɔɔkula ntukpa. Ndubuƒie bina lɛkɛ lɛmmɔ lɛƒɔ-mii kudɔ.

¹⁶Ndubo Samaria kɔtu bɔni geen na ɔni na ɔ́ta únye-mi lɛlɔ ɔsu. Na bayila-nwu udu na kekpokɔ. Na bebo-nwu bebi baƒiɛmi atakpɛ lɛlɔ na bekpi. Na bawawa bana baƒɔndane.”