Read Lelemi Hosea 14 Bible Online

Hosea 14 - Lelemi bible

Hosea 14

¹Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

²Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

³Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

⁴“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

⁵Na ndubuse lite-mii aani amii ani mɔɔyu na bɛlɛ lili aani egyii anwula ani muubimi na bidie ligyiitu aani kugyii kalɛ.

⁶Na bɛdubudie kɔgba na kusie ɔgyu na kɔdia bɔnu aani ntɛ kugyii kalɛ. Na ɔnyi ɔni na egyii ammɔ anwula adubudie ni, adubunwenyi ƒɛƒɛɛ aani Lebanon lɛku kemmo egyii kalɛ.

⁷Bɛdubɔkɛ ɔƒɛ na mina ɔyuli kalɔ. Na bina edula alɛ lili. Bɛdubuwi anwula pii aani ntɛ adingyii kemo na bɛƒɔ lɛnyi aani ntɛ bɔni nási Lebanon.

⁸Israel, die ƒula lɛƒiɔkpa atu na ndubunu ƒula buvele na lɛnu-ɔ lɛlɔ. Ami ɔlati ndi kugyii kɔni muukeye mmɔ. Na ami ndubɔya na bɛnwu ebi pii.

⁹“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”