Read Lelemi Yona 3 Bible Online

Yona 3 - Lelemi bible

Yona 3

¹Amu na Unwoti ɔ́sɔ ɔ́tɛmi úte Yona ɔnini,

²“Ta na esie Niniwe, ɔma unengudi ɔmmɔ kemmo, na atákɔ mina lɛsa lɛni lɛ́su-ɔ ete ɔma ɔmmɔ bekyuli ka ndubo ɔma ɔmmɔ bɔkyula.”

³Ɔmɛni ɔsu Yona únu Unwoti litemi na ɔ́ta úsie Niniwe ɔma ubendi ɔmmɔ kemmo na úti emeyi atɛ usie ɔ́vi ɔma ɔmmɔ kemmo ƒui.

⁴Yona úse kalɔ uusié taavi ɔma ɔmmɔ kemmo limeyi limodi, na uute-ma bɔti ka, “Badubɔkyula Niniwe ɔma udu ƒui na emeyi aavlene kama.”

⁵Niniweƒuɔ ƒui báƒɔ litemi lɛmɛni bádi. Ɔmɛni ɔsu bábla kasusu ka ɔ́si benengu útálɛ banamu ƒui ni, badubunyimi kenye na bényimi adikpi beti batina ka bana ekpidi éduo-ma.

⁶Lebo lɛni na Niniweƒuɔ ɔga únu litemi lɛmmɔ ni, ɔ́ta ɔ́lɛ nwuna lɛga kadikɔ ɔtɔ ɔmmɔ kemmo na údie nwuna agala uwi, na únyimi adikpi na ɔ́sɔ úlie ntɔ lɛlɔ.

⁷Ɔga ɔmmɔ ku nwuna benengu bátala na bakɛ beete Niniweƒuɔ ƒui bɔti banii, “Bekyuli ku ɔmantɛ bakɔ ku baƒonu ƒui badubo kɔka bulie, na baaadubo ntu muedi bɔni.

⁸Bekyuli ku bebuo ƒui báda lɛlɔ na béti bátina ka bana alaekpidi éduo-ma. Na ukyuli biala ɔ́kpali Katɔti ku nwuna kayi kemmo ƒui, na báda bana likyulikpi ku ekpidi ƒui bɔbla báya.

⁹Ɔƒaalɛ Katɔti ɔdubo bɔvumana nwuna kasusu, na ɔnu-bu kɔnyana na nwuna kɔnyi kɔsɔ kulebo-bu lɛlɔ na ɔyila-bu ku udu.”

¹⁰Ka Katɔti ɔ́nu kalɛ na bávumana na báda bana likyulikpi báya ɔsu ni, ɔ́vumana nwuna kasusu na ɔ́sɔ útani-ma kɔtu aani kalɛ na ɔ́su use kalɛ.