Read Lelemi Bumomo Bɔka 24 Bible Online

Bumomo Bɔka 24 - Lelemi bible

Bumomo Bɔka 24

¹Ɔƒɛni ka Bileam ɔ́nu ɔ́ti ka ɔ́da Unwoti kubiti ka úte Israelƒuɔ kusɛ kusɛ ni, ɔsɔ útebo like lɛdi aani kalɛ na ɔɔyɔ́ bɔbla, anwuɔsu únwini anumi ɔ́tina kalɔ kakwiidi kammɔ.

²Ka Bileam únwini na ɔ́nu ka Israelƒuɔ básala lɛlɔ bélie kaba kaba kenye ni, Unwoti kɔyu kúbaƒɔ-nwu lɛlɔ kemmo,

³na údie Unwoti kenye kamɛni. “Kenye kamɛni na Beor ubidi Bileam ubo na udie. Etemila ani na ukyuli ɔni mɔɔnu kaduɛ,

⁴ubo na udie aani ukyuli ɔni muunú lɛla lɛni na Katɔti ɔɔsu ubo na udie, ukyuli ɔni mɔɔnú budie bɔtina taasiku Ɔyikune Ƒui kudɔ, ukyuli ɔni náyu ɔtɛ na nwuna anumi ebi kalɔ, nsu ɔɔnu nwaa.

⁵“Yakob kadi bekyuli! Bɛnu kalɛ na bina nvo bɔɔdia bɔnu. Na bɛnu kalɛ na amii Israelƒuɔ kakyakɔ lɛnɔ kese.

⁶“Kese aani kalɛ na bégyingya kɔwɛ béwi. Na use aani kemo kani bátuma na ketudɔ. Na use aani Unwoti nálɛ egyii ebendi adi. Na use aani sida egyii nlɛ ketudɔ.

⁷Bana kutubui kɔdubo buyi buteewiakun. Na bana egyiibi adubɔkɛ ntu kaduɛ. “Na bana ɔga ɔdubɔƒɔ kuye utulo Agag. Na bana lɛgadi lɛdubɔkɔ katɔ.

⁸Unwoti náda-ma údie Egyipte kalɔ lɛlɔ. Na bebo ɔyikun aani ɔmantɛ akɔ unengudi geen na baduli bana bekisine. Na báƒɛ bana ekubi kɔkɛ kɔkɛ. Na beti bana kɔtaminta baƒuaala-ma.

⁹Na kadi bekyuli bammɔ bese aani gyata ɔyikune ɔdi. Na si ɔtɛ ɔlɛɛ ni, lɛla biala lɛɛyia-nwu bɔgyila. “Ukyuli biala mete Israel kusɛ kusɛ ni, kusɛ kusɛ ɔdubɔsiaku-nwu. Na ukyuli biala mewida Israel ni, ewida adubɔsiaku-nwu.”

¹⁰Mmɔ na Balak úti kɔnyi kati kati ɔ́kya Bileam. Na ɔ́gya anukpɛ na ɔ́su-nwu ɔnini, “Bɔlɔ na lɛ́lɔ-ɔ ka bo na ebewida mina bekisine. Mmomu kusɛ kusɛ na éte-ma kɔtɛ kɔmɛni sɛɛn.

¹¹Ɔƒɛni gyu lɛgba na atɔlɔ eteesie ƒula ɔma! Líse kenye ka nka mete-ɔ lɛyuƒɔla nsu Unwoti únye útile-ɔ ka akɛ lɛyuƒɔla lɛmmɔ!”

¹²Amu na Bileam údie-nwu kenye ɔnini, “Lɛ́su bekyuli bani na átala akya-mi mmɔ ka,

¹³‘Ina Balak úti sika ugyiedi ku ɔƒualadi úyile nwuna kaduli kani kemmo na ulie ɔɔdi lɛga ute-mi muedi, naaakana na lini mina Unwoti Katɔti ɔda ɔni na úbo-mi na ulu biala lɛlɔ, na lɛbla lɛla lɛni ami ɔlati mɔɔyɔ́. Na mɔɔsu-ɔ ka lɛla lɛni kani na Unwoti ɔ́su-mi ka lɛsu-ɔ ni, ani kani ndubɔsu-ɔ.’ ”

¹⁴Amu na Bileam ɔ́su Balak ɔnini, “Ɔƒɛni lisela mina bekyuli kudɔ. Nsu asa na matɔlɔ ni, muubó-ɔ ɔda ɔmɛni na lɛsu-ɔ lɛla lɛni Israelƒuɔ badubo ƒula bekyuli bɔbla limeyi lɛdi.”

¹⁵Mmɔ na Bileam úse kalɔ uudie Unwoti kenye kamɛni ɔnini, “Kenye kani na Boer ubidi Bileam udie. Etemila ani na ukyuli ɔni mɔɔnu kaduɛ ubo na udie.

¹⁶Etemila ani na ukyuli ɔni muunú lɛla lɛni na Katɔti ɔɔsu ubo na udie, ukyuli ɔni úbo lɛlati ɔsiku Katɔti kudɔ, ukyuli ɔni mɔɔnu budie bɔtina taasiku Ɔyikune Ƒui kudɔ, ukyuli ɔni náyu ɔ́tɛ na nwuna anumi ebi kalɔ nsu ɔɔnu nwaa.

¹⁷“Mɔɔnu-nwu nsu ɔɔɔdi ɔƒɛni mɔɔnu taati nsu uuude. Kayabi kadi kadubo bɔbwɛ bɔlɛ Yakob kaba kemmo. Ɔgagyii ɔdi ɔdubɔlɛ Israelƒuɔ akɔ, na ubo Moabƒuɔ batɔnkune ƒui uwi kalɔ, na ɔƒɛ Set bekyuli ƒui uwi kalɔ.

¹⁸Na ɔdubɔdi nwuna bekisine bani nkya Edom lɛlɔ. Na ɔdubɔdi Seirƒuɔ bani muukpóku-nwu lɛlɔ. Nsu Israelƒuɔ ama ni, bana ɔyikun katɔ kani ɔdubɔkɔ.

¹⁹Lɛlɔ ɔdine ɔdubɔlɛ bɔsiku Yakob kaba kemmo, na ɔyila bekyuli bani nébu ɔma unengudi udu.”

²⁰Amu Na Bileam ɔ́nu Amelekƒuɔ na údie kenye kamɛni ɔnini, “Amalekƒuɔ ndi bekyuli bedeedi na kadi akɔ. Nsu badubo bɔyii udu na kawɔlɔkɔ.”

²¹Amu na ɔ́nu Keniƒuɔ na údie kenye kamɛni ɔnini, “Bɛgyumana bina keliekɔ kaduɛ na bɛtu bina ayu bɛkya atakpɛ kemmo.

²²Nsu badubo-mii udu bɔyila si uwi ɔni Asiriaƒuɔ bébeƒie-mii ɔni na bɛɛɛgyi biiise.”

²³Amu na údie kenye kamɛni ɔnini, “Aa! Ɔma ndubɔkana bunye bɔnu uwi ɔni Katɔti ɔɔbla ɔmɛni?

²⁴Lɛkɔlɔ libendi lɛdubɔsia Kittim Ɛpu kɔtu na badi Asiriaƒuɔ ku Eberƒuɔ lɛlɔ. Nsu ama lɛnɔ badubɔyila-ma udu.”

²⁵Ka Bileam ɔ́wɔlɔ ni, ɔ́ta na ɔ́tɔlɔ úsie nwuna ɔma, na Balak lɛnɔ ɔ́wia nwuna ulu ɔ́sia.