Read Lelemi Bumomo Bɔka 29 Bible Online

Bumomo Bɔka 29 - Lelemi bible

Bumomo Bɔka 29

¹“ ‘Na kɔbuli maatɛdi limeyi lideedi lɛlɔ ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi. Limeyi lɛmmɔ ndi limeyi lɛni lɛlɔ bɛdubɔvwi kɔkpɛɛ.

²Bɛdu ɔmantɛ akɔ ɔkɔdi ku koƒonu kɔgyani ku baƒonu bakɔdi maatɛ bani nákɛ lɛkwa na bɔsɔ bɔdi buuubo-ma lɛlɔ bɛbla akpala amɛni bite Unwoti na uyɔ ɔmmɔ ɔnyi ƒɛƒɛɛ ɔyɔ-nwu kaƒɔ.

³Na si bíti akɔ bɛɛbla akpala ni, na bɛwia edula ebi ɔlaaƒɔ akyami aku ɔni básala ku nnɔ na koƒonu kɔgyani akpala ni, bɛwia edula ebi ɔlaaƒɔ akyami ene

⁴na baƒonu bakɔdi maatɛ bammɔ ni, bɛwia edula ebi akyami anyɔ bite koƒonu biala.

⁵Lɛnɔ ni, bite ketukpa kenwi na bɛti babla likpidi lili buvele akpala na Unwoti udie likpidi kɔtu bɔni bina lɛlɔ.

⁶Na bɛdubo akpala amɛni bɔbla bubunku abuli ku emeyi edula ebi akpala ku ntɛ akpala ani bɛɛbla aani kalɛ libo-mii ɔda ḿbavi. Na uyɔ ɔmmɔ ɔnyi ƒɛƒɛɛ ɔyɔ Unwoti kaƒɔ.

⁷“ ‘Na limeyi leevudi na kɔbuli maatɛdi lɛlɔ ni, bɛsala Israelƒuɔ ƒui na bɛsa bɔsa kedee na mina lɛnyi lɛlɔ. Na bikisi lɛlɔ na bitabla kabla kadi limeyi lɛmmɔ lɛlɔ.

⁸Biti akɔ unwi ku koƒonu kɔgyani kunwi ku baƒonu bagyani bakɔdi maatɛ bani nákɛ lɛkwa linwi na bɔsɔ bɔdi buuubo-ma lɛlɔ bɛbla akpala bite Unwoti na uyɔ ɔmmɔ ɔnyi ƒɛƒɛɛ ɔyɔ-nwu kaƒɔ.

⁹Na akɔ akpala ni, bɛwia edula ebi akpala ɔni ndi ɔlaaƒɔ akyami aku na bɛsala-nwu ku nnɔ. Na koƒonu kɔgyani kɔmmɔ ni, bɛwia ɔlaaƒɔ akyami ene.

¹⁰Na baƒonu maatɛ bammɔ ni, bɛwia akyami anyɔ bite koƒonubi biala.

¹¹Na biti ketukpa kenwi bɛbla likpidi lili buvele akpala úte likpidi kɔtu bɔni budie úbunku limeyi ndi limeyi akpala ku ana edula ebi akpala ku ntɛ akpala.

¹²“ ‘Na limeyi leevu-lɛlɔndi na kɔbuli maatɛdi kemmo ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi. Na bɛdi limeyi bonwu bite Unwoti emeyi maatɛ.

¹³Na bɛkyula akpala bite Unwoti na uyɔ ɔmmɔ ɔnyi ƒɛƒɛɛ ɔyɔ-nwu kaƒɔ. Na biti bakɔ leevu-ɛtɛ baƒonu bagyani inyɔ ku baƒonu bakɔdi leevu-ine bani náƒɔ lɛkwa linwi na beeebo bɔsɔ bɔdi bɛbla akpala ammɔ.

¹⁴Na bakɔ leevu-ɛtɛ bammɔ ɔdi biala ni, biti edula ebi ɔlaaƒɔ akyami aku ani básala ku nnɔ bɛbla akpala ammɔ. Na koƒonu kɔgyani biala ni, biti edula ebi ɔlaaƒɔ akyami ene.

¹⁵Na baƒonu bakɔdi leevu-ine bammɔ ɔdi biala ni, biti edula ebi ɔlaaƒɔ akyami anyɔ.

¹⁶Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

¹⁷“ ‘Na limeyi linyɔdi biti bakɔ leevu-inyɔ ku baƒonu bagyani inyɔ ku baƒonu bakɔdi leevu-ine bani náƒɔ lɛkwa linwi na bɔsɔ bɔdi buuubo-ma lɛlɔ.

¹⁸Na bakɔ bammɔ ku baƒonu bagyani bammɔ ku baƒonu bakɔdi bammɔ ni, biti edula ebi ɔlaaƒɔ akpala ku ntɛ akpala ani na bálɛ ugyii bése.

¹⁹Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

²⁰“ ‘Na limeyi lɛtɛdi biti bakɔ leevu-unwi ku baƒonu bagyani inyɔ ku baƒonu bakɔdi leevu-ine bani náƒɔ lɛkwa linwi na bɔsɔ bɔdi buuubo-ma lɛlɔ.

²¹Na bakɔ bammɔ ku baƒonu bagyani bammɔ ku baƒonu bakɔdi bammɔ ni, biti edula ebi ɔlaaƒɔ akpala ku ntɛ akpala ani na bálɛ ugyii bése.

²²Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

²³“ ‘Na limeyi linedi lɛlɔ ni, biti bakɔ leevu ku baƒonu bagyani inyɔ ku baƒonu bakɔdi leevu-ine bani náƒɔ lɛkwa linwi na bɔsɔ bɔdi buuubo-ma lɛlɔ.

²⁴Na bakɔ bammɔ ku baƒonu bagyani bammɔ ku baƒonu bakɔdi bammɔ ni, biti edula ebi ɔlaaƒɔ akpala ku ntɛ akpala ani na bálɛ ugyii bése.

²⁵Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

²⁶“ ‘Na limeyi lɛlɔndi lɛlɔ ni, biti bakɔ yaalenwi ku baƒonu bagyani inyɔ ku baƒonu bakɔdi leevu-ine ku bani náƒɔ lɛkwa linwi na bɔsɔ bɔdi buuubo-ma lɛlɔ.

²⁷Na bakɔ bammɔ ku baƒonu bagyani bammɔ ku baƒonu bakɔdi bammɔ ni, biti edula ebi ɔlaaƒɔ akpala ku ntɛ akpala ani na bálɛ ugyii bése.

²⁸Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

²⁹“ ‘Na limeyi lɛkundi lɛlɔ ni, biti bakɔ maane ku baƒonu bagyani inyɔ ku baƒonu bakɔdi leevu-ine bani náƒɔ lɛkwa linwi na bɔsɔ bɔdi buuubo-ma lɛlɔ.

³⁰Na bakɔ bammɔ ku baƒonu bagyani bammɔ ku baƒonu bakɔdi bammɔ ni, biti edula ebi ɔlaaƒɔ akpala ku ntɛ akpala ani na bálɛ ugyii bése.

³¹Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

³²“ ‘Na limeyi maatɛdi lɛlɔ ni, biti bakɔ maatɛ ku baƒonu bagyani inyɔ ku baƒonu bakɔdi leevu-ine bani náƒɔ lɛkwa linwi na bɔsɔ bɔdi buuubo-ma lɛlɔ.

³³Na bakɔ bammɔ ku baƒonu bagyani bammɔ ku baƒonu bakɔdi bammɔ ni, biti edula ebi ɔlaaƒɔ akpala ku ntɛ akpala ani na bálɛ ugyii bése.

³⁴Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

³⁵“ ‘Na limeyi maanedi ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi.

³⁶Na biti akɔ unwi ku koƒonu kɔgyani kunwi ku baƒonu bakɔdi maatɛ bani nákɛ lɛkwa na bɔsɔ bɔdi buuubo-ma lɛlɔ bɛbla akpala na ɔnyi ƒɛƒɛɛ ɔmmɔ ɔyɔ Unwoti kaƒɔ.

³⁷Na akɔ ɔmmɔ ku koƒonu kɔgyani kɔmmɔ ku baƒonu bakɔdi bammɔ ni, biti edula ebi ɔlaaƒɔ akpala ku ntɛ akpala ani na bálɛ ugyii bése bibunku.

³⁸Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

³⁹“ ‘Bɛbla akpala bɔkyula amɛni ku edula ebi akpala ku ntɛ akpala ku unwi bɔbla akpala amɛni bite Unwoti na emeyi bɔdi ani na bédie bése lɛlɔ úbunku bina kenye kani bíse ku bina kaƒɔ ƒaa etela.’ ”

⁴⁰Na Mose ɔ́kɔ lɛsa ɔ́su Israelƒuɔ ala ani ƒui na Unwoti úbo-nwu ɔda.