Read Lelemi Bumomo Bɔka 33 Bible Online

Bumomo Bɔka 33 - Lelemi bible

Bumomo Bɔka 33

¹Kalɛ na Israelƒuɔ bélie báta na bana esu esu kemmo uwi ɔni na Mose ku Aaron bátɔnku-ma na bésie ulu bási Egyipte kalɔ ndi ɔmɛni.

²Na Unwoti ɔda bubo kenye ni, Unwoti ɔ́ya na Mose únweni kalɛ na Israelƒuɔ bélie báta bélie bata na bana ulu busie kemmo na anwu ndi ɔmɛni.

³Israelƒuɔ báta bási Rameses ɔma na kɔbuli kudeedi limeyi leevu-lɛlɔndi lɛlɔ na Kukpi Lili Bɔvia Limeyi bɔdi kadi kegye. Na básia bálɛ ɔma ɔmmɔ kemmo ku kayi buse na Egyipteƒuɔ anumi

⁴uwi ɔni na Egyipteƒuɔ bákya bátaava bana bebi bedeedi, bani na Unwoti ɔ́du mmɔ, ɔsika Unwoti ɔ́ni bana baƒiɔ bammɔ kɔtu.

⁵Israelƒuɔ báta Rameses na bátáda keliekɔ na Sukot.

⁶Báta Sukot bátáda keliekɔ na Etam ɔni nkya ketele kalɔ kakwiidi kenye.

⁷Báta Etam mmɔ bénwini bébo Pi-Hahirot ɔni nkya Baal-Seƒon ɔƒɛ katukɔ kakɛ na bátáda keliekɔ na Migdol kudɔ.

⁸Báta Pi-Hahirot anumi mmɔ bátávia ɛpu bésie ketele kalɔ kakwiidi kemmo. Na bésie bávi Etam ketele kalɔ kakwiidi kammɔ emeyi atɛ na bátáda keliekɔ na Mara.

⁹Báta bási Mara bétéduo Elim kesii kani na abiɔ leevu-anyɔ ku ebo liti ku aavlanyɔ ákya, na báda keliekɔ na mmɔ.

¹⁰Báta Elim bátáda keliekɔ na Ɛpugyie kɔtu.

¹¹Báta Ɛpugyie kɔtu bátáda keliekɔ na Sin ketele kalɔ kakwiidi kemmo.

¹²Báta Sin ketele kalɔ kakwiidi kemmo mmɔ bátáda keliekɔ na Doƒka.

¹³Báta Doƒka bátáda keliekɔ na Alus.

¹⁴Báta Alus bátáda keliekɔ na Reƒidim, na mmɔ ni, Israelƒuɔ bátakɛ ntu bɔni na bani.

¹⁵Báta Reƒidim bátáda keliekɔ na Sinai ketele kalɔ kakwiidi kemmo.

¹⁶Báta Sinai ketele kalɔ kakwiidi kemmo mmɔ bátáda keliekɔ na Kibrot-Hataawa.

¹⁷Báta Kibrot-Hataawa bátáda keliekɔ na Haserot.

¹⁸Báta Haserot bátáda keliekɔ na Ritma.

¹⁹Báta Ritma bátáda kelie na Rimon-Peres.

²⁰Báta Rimon-Peres bátada keliekɔ na Libna.

²¹Báta Libna bátáda keliekɔ na Risa.

²²Báta Risa bátáda keliekɔ na Kehelata.

²³Báta Kehelata bátáda keliekɔ na Seƒer Kɔbi lɛlɔ.

²⁴Báta Seƒer Kɔbi lɛlɔ bátáda keliekɔ na Harada.

²⁵Báta Harada bátáda keliekɔ na Makhelot.

²⁶Báta Makhelot bátáda keliekɔ na Tahot.

²⁷Báta Tahot bátáda keliekɔ na Tare.

²⁸Báta Tare bátáda keliekɔ na Mitka.

²⁹Báta Mitka bátáda keliekɔ na Hasmona.

³⁰Báta Hasmona bátáda keliekɔ na Moserot.

³¹Báta Moserot bátáda keliekɔ na Bene-Yaakan.

³²Báta Bene Yaakan bátáda keliekɔ na Hor-Hagidgad.

³³Báta Hor-Hagidgad bátáda keliekɔ na Yotbata.

³⁴Báta Yotbata bátáda keliekɔ na Abrona.

³⁵Báta Abrona bátáda keliekɔ na Esion-Geber.

³⁶Báta Esion-Geber bátáda keliekɔ na Kades na Sin ketele kalɔ kakwiidi kemmo.

³⁷Báta Kades bátáda keliekɔ na Hor Kɔbi na Edomƒuɔ kalɔ ɔmii lɛlɔ.

³⁸Na Unwoti ɔda bubo lɛlɔ ni, ɔkpane Aaron ɔ́kɔ úsie Hor Kɔbi lili kesii kani na útékpi na lɛkwa aavlenedi kuna kɔbuli kɔlɔndi limeyi lideedi lɛlɔ ɔni na Israelƒuɔ bálɛ Egyipte kalɔ lɛlɔ.

³⁹Na Aaron ɔ́kɛ akwa eti anyɔ ku aavlanyɔ-ɛtɛ (123) asa na úkpi na Hor Kɔbi lili mmɔ.

⁴⁰Uwi ɔmmɔ kemmo ni, Kanaan ɔga ɔni mɔɔdi Arad ɔma lɛlɔ na ulie Negev únu ka Israelƒuɔ bási badubo.

⁴¹Israelƒuɔ báta Hor Kɔbi lɛlɔ bátáda keliekɔ na Salmona.

⁴²Báta Salmona bátáda keliekɔ na Ƒunon.

⁴³Báta Ƒunon bátáda keliekɔ na Obot.

⁴⁴Báta Obot bátáda keliekɔ na Iye-Abarim na Moab ɔmii lɛlɔ.

⁴⁵Báta Iyim bátáda keliekɔ na Gibon-Gad.

⁴⁶Báta Gibon-Gad bátáda keliekɔ na Almon-Diblataim.

⁴⁷Báta Almon-Diblataim bátáda keliekɔ na Abarim Kɔbi lɛlɔ na Nebo.

⁴⁸Báta Abarim Kɔbi lɛlɔ bátáda keliekɔ na Moab kalɔ ƒiaa lɛlɔ na Yordan kakɛ kani kede Yeriko.

⁴⁹Na báda keliekɔ na Yordan Ketu ɔ́si Bet-Yesimot útédu Abel-Sitim na Moab kalɔ ƒiaa lɛlɔ.

⁵⁰Na Moab kalɔ ƒiaa kani ntɛ késie Yordan Ketu ɔ́via ɔ́si Yeriko ni, Unwoti ɔ́su Mose ɔnini,

⁵¹“Kɔ lɛsa na asu Israelƒuɔ anini, ‘Si bɛ́via Yordan Ketu na bitéduo Kanaan ni,

⁵²na bɛbɔku bekyuli bani ƒui nlie kalɔ kammɔ kemmo na bina anumi. Na bibile bana ala anwidi ku ala ani béti ogya banwami babla baƒiɔ na bibile bana baƒiɔ bani na bátu bálɛ abi eli mmɔ ƒui.

⁵³Na biti kalɔ kammɔ na bilie mmɔ, ɔsika ami Unwoti néti kalɔ kammɔ muute-mii ka biti-ka bɛbla bina kadikɔ.

⁵⁴Bɛtu egulabi na bɛnu kalɔ kammɔ bule. Na kaba kani bekyuli mmomo ni, bite-ma kadikɔ na kemomo. Na bani nse blii suɛ ni, bite ama lɛnɔ blii suɛ. Na lɛla lɛni nédu ɔdi biala na kalɛ na bɛ́tu egulabi ammɔ bɛ́nu kenye ni, mmɔ ndubɔbla bana kadikɔ. Na si atu egulabi ammɔ kesii kani nésie kaba biala kakɛ ni, ti-ka ute kaba kammɔ. Na ele-ka na kaba bati bammɔ kenye.

⁵⁵“ ‘Na si bíni na bítagya-ma bítalɛku ni, badubunwini kugyiikɛ bakya-mii anumi na benwini atula alɛ-mii lɛƒɛnyi. Na badubo-mii buteekpoku na kalɔ kammɔ kemmo.

⁵⁶Na lɛla lɛni na nka ndubo-ma bɔbla ni, amii mmomu na ndubo-ni buti bɔbla.’ ”