Read Lelemi Bumomo Bɔka 36 Bible Online

Bumomo Bɔka 36 - Lelemi bible

Bumomo Bɔka 36

¹Uwi ɔdi ni, kɔduli batɔnkune bani nási Gilead ɔni ndi Makir ubidi na ɔdi Manase uwɔ kɔdua bekyuli bani nási Yoseƒ kaba kemmo bésie na bátánu Mose ku Israelƒuɔ batɔnkune na básu-ma banii,

²“Uwi ɔni na Unwoti úbo-mii ɔda ɔnii bɛtu egulabi na bile kalɔ kammɔ bite Israelƒuɔ ni, ɔ́su kpakplaa ka beti bula ɔnwani Seloƒehad kadikɔ bete nwuna bebi belekubi.

³Na si ɔƒɛni kalɛ bésie bétélieku Israel kaba bamba bekyuli ni, bana kadikɔ kadubo bunwini kaba kammɔ kadi na ɔkɛnku ɔmmɔ ɔsu bula kadikɔ kani béti béte-bu mmɔ kadubo bɔƒana.

⁴Na si Israelƒuɔ kayu bɔkyiɛ lɛkwa limeyi bɔdi lídu ni, na badubuti bana kadikɔ kammɔ bebunku kɔdua kɔni kemmo na bélie kɔgya mmɔ na abu bula ɔtɔ kemmo bati kalɔ kalɛ-bu enu.”

⁵Anwuɔsu Mose úbo Israelƒuɔ ɔda ɔni na ɔ́ƒɔ ɔsiku Unwoti kudɔ ɔnini, “Lɛla lɛni na Manase kaba bekyuli baasu mmɔ ɔdi ulu lɛlɔ geen.

⁶Ɔmmɔ ɔ́su Unwoti ɔɔsu ɔnini, Seloƒehad bebi belekubi bebo kuƒi ka belieku ukyuli biala na baayɔ́ si bana kaba kammɔ kemmo na ukyuli ɔmmɔ ɔ́si.

⁷Na Israelni ɔtɔ ɔdi bati kadikɔ utalɛka kenwini ɔtɔ bamba bekyuli kadikɔ kalɛ na ɔtɔ biala bati kalɔ kadikɔ keteese teete ɔtɔ ɔmmɔ bekyuli kani.

⁸Na uleku biala na ɔti kadikɔ kadi kédu-nwu na Israel kaba kadi kemmo ni, ɔlɛka ulie kɔgya na ɔti kaba kammɔ kani kemmo kalɛ na badi biala bataadi bana bati kalɔ kani.

⁹Na utalɛka kadikɔ kadi kasi kaba kadi kemmo kesie kaba bamba kemmo. Na kaba biala kadikɔ kadi bana ɔdi kani úsela ƒui.”

¹⁰Na Seloƒehad belekubi bábla básia kalɛ kani na Unwoti úbo Mose ɔda.

¹¹Na Seloƒehad belekubi bani ndi Mahla ku Tirsa ku Hogla ku Milka ku Noa bélieku bana ɔti banwani bebi na bana ɔti kaduli.

¹²Na bana ƒui bélie agya na Manase ɔni ndi Yoseƒ ubidi ɔtɔ kemmo. Na bana ɔti kadikɔ kammɔ kasɔ kakya bana ɔtɔ ku kaba kani bási mmɔ kemmo.

¹³Na ɔda bubo ku ala bamba amɛni na Unwoti úte Mose ka ɔkɔ lɛsa ɔ́su Israelƒuɔ na Moab kalɔ kani kewi ƒiaa lɛlɔ na Yordan Ketu kakɛ kani kede Yeriko.