Read Lelemi Sakaria 6 Bible Online

Sakaria 6 - Lelemi bible

Sakaria 6

¹Kawɔlɔkɔ ni, lɛ́nu katɔ na lɛ́nu bapɔnkɔ kɛɛkɛ ine lɛdi ka lɛ́si lɛdubo na abuala egyiedi abi anyɔ adi ntɛ.

²Kɛɛkɛ udeedi ni, bapɔnkɔ begyiedi badi mɔɔní-nwu. Na unyɔdi ni, bapɔnkɔ batondi mɔɔní-nwu.

³Na ɔtɛdi ni, bapɔnkɔ baƒualadi mɔɔní anwu. Na unedi ni, bapɔnkɔ bani nse nwana nwana mɔɔní anwu lɛnɔ. Na bapɔnkɔ bammɔ ƒui bebo ɔlɔkplu.

⁴Amu na líye ɔtu ɔmmɔ nnini, “Ati, bi na ala amɛni ƒui enye ete?”

⁵Mmɔ na údie kalɔ ɔnini, “Ayu ene ani nási katɔ béti lɛlɔ atátina Unwoti ɔni mɔɔdi kalɔ kammɔ ƒui lɛlɔ asa na badubusie batávi na badi.

⁶Kɛɛkɛ ɔni na bapɔnkɔ batondi baaní ni, úti úsela katɔ kakɛ. Na kɛɛkɛ ɔni na bapɔnkɔ baƒualadi baaní ni, úti úsela ɔƒɛ kanukɔ. Na bani nse nwana nwana ni, ama lɛnɔ báni ama ɔdi bésela kada kakɛ.”

⁷Na bapɔnkɔ bayikune bammɔ bálɛ bébo, na bana atu áta enye ka baayɔ́ ka besie bavi kalɔ kammɔ ƒui lɛlɔ. Amu na ɔtu ɔmmɔ ɔ́su-ma ɔnini, “Bise kalɔ na bisie bɛsɔ kalɔ kammɔ lɛlɔ.” Na béti bana ulu bésela.

⁸Na ɔtu ɔmmɔ ɔ́va momoomo na ɔ́su-mi ɔnini, “Nu! Bani nétiku lɛlɔ bésela kalɔ na katɔ kakɛ ni, badubo Unwoti Kɔyu lɛyɔla lɛni na ɔɔwia bɔbla.”

⁹Unwoti ɔ́su-mi ɔnini,

¹⁰“Sie na atáƒɔ sika ɔƒualadi ku ugyiedi asiku Heldai ku Tobia ku Yedaia bani nénwini bási Babilon kalɔ lɛlɔ bébo na eti abla kagabwa. Na bɛsiaku lɛlɔ bisie Seƒania ubidi Yosia kaduli na eti kagabwa kammɔ ebi Yehosadak ubidi Yosua ɔni ndi ɔkpane unengudi lili.

¹²Na asu-nwu ka ami Unwoti Ɔyikune Ƒui násu nnii, ‘Ukyuli ɔdi ɔdubɔkɔ ɔlɛ mɛni aani kugyii kagba kalɛ na ɔtu mina kakpakɔ ute-mi. Na ndubɔlɔ-nwu nnii Kugyii Kagba na anwu ndubo bekyuli lɛlɔ bɔdi aani ɔga ɔni mbo ɔbu kalɛ. Na ɔkpane ɔdi ɔdubunye-nwu kɔmadɔ na nwuna lɛgaboku kudɔ. Na bana inyɔ badubɔbla kabla basala ku ebiti ku keyi buɛɛ.’

¹⁴Na kagabwa kammɔ kadubuse mina kakpakɔ aani likposela ute Heldai ku Tobia ku Yedaia ku Seƒania ubidi Yosia.

¹⁵“Na si bekyuli bani nási ɔlɔgyu bébo na bébebunku na bɛ́tu Unwoti Ɔyikune Ƒui kakpakɔ kammɔ ni, bɛdubɔti ka Unwoti ndi ukyuli ɔni nátala-mi ɔ́kya-mii. Na ɔmɛni ɔdububo-nwu kemmo lɛni si bínu na bɛ́di Unwoti bina Katɔti litemi lɛmmɔ lɛlɔ.”