Read Lelemi Lɛkpa Ulu 21 Bible Online

Lɛkpa Ulu 21 - Lelemi bible

Lɛkpa Ulu 21

¹Si bɛ́nu ka ukyuli ɔdi úkpi ɔtɛ kemo na kalɔ kani kemmo na bina Unwoti ɔ́su ka wete-mii mmɔ lɛlɔ na bɛɛɛgyi ukyuli ɔni nádu-nwu ni,

²lɛla lɛni na ɔdi ka bɛbla ndi ka bina benengu ku litemi batɛne besie kemo kani na ukyuli ɔmmɔ úkpi ɔtɛ na batákɔku eluku ani nkya mmɔ bɔgyu ɔ́si kemo kammɔ útédu lɛma lɛni nde mmɔ banu.

³Na ɔmɛni kama ni, ɔma ɔni nde kesii kani na ukpine ɔtɛ benengu bawia ɔmantɛ akɔ ɔkɔdi ɔni na béteti-nwu bátabla kabla kadi kudii.

⁴Na beti ɔmantɛ akɔ ɔmɛni besienku kɔwɛ kɔni kemmo na ketu kani nátakwii kudii katɛ na bátatuma mmɔ iye bátava edula adi mmɔ kudii. Na si bésie mmɔ ni, na beti lɛla lɛdi baƒiɛmi ɔmantɛ akɔ ɔmmɔ limɔ kama badu.

⁵Na bɛya na Katɔti bakpane bani ndi Lewiƒuɔ badi basiaku-ma uwi ɔni na bésela batábla ala ammɔ. Ɔsika ama na Katɔti ɔ́ƒuna ka bakpa-nwu na benye-nwu lɛnyi kenye bete bekyuli kusɛ kusɛ na batɛ etemila aani kalɔ etemila ku ukyuli bubo bɔkya ɔlɛ etemila.

⁶Na si bekyuli bamɛni ƒui bása báwɔlɔ ni, na benengu bani nde ɔma ɔni na ukyuli ɔmmɔ úkpi ɔtɛ mmɔ baƒɔ bana enu bewi ɔmantɛ akɔ ɔmmɔ kama.

⁷Na si baaƒɔ bana enu ammɔ ni, na basu banini, “Ɔɔɔdi abu nádu ukyuli ɔni nékpi mmɔ. Na bɔɔɔgyi ukyuli ɔni nádu-nwu.

⁸Anwuɔsu Unwoti, ti ƒula bebi Israelƒuɔ bani na áda édie Egyipte kalɔ lɛlɔ ekpidi kyiɛ-ma. Ti kyiɛ-bu na tasu anii abu nádu ukyuli ɔni nékpi mmɔ.” Na ɔmɛni ɔdubɔya na kɔtɔ bɔdu bulasia benengu bammɔ lɛlɔ.

⁹Na si bɛ́bla lɛla lɛni na Unwoti ɔ́su-mii mɛni ni, uleti ukyuli ɔni nékpi mmɔ kɔtɔ bɔdu ulasia bina kadi bekyuli lɛlɔ.

¹⁰Si bísie kekpo kadi na bina Unwoti Katɔti ɔ́ya na bɛ́di-ma lɛlɔ na bíƒie bekyuli badi

¹¹na ɔdi ɔ́nu uleku ɔni mɔɔdia-nwu bɔnu na bana akɔ na ɔɔyɔ́ ka uti-nwu ni, kuƒi kɔtɛ.

¹²Nsu asa na ɔdi weti uleku ɔmmɔ ɔdi ni, ɔlɛka uti uleku ɔmmɔ usienku kaduli na ukpeyi-nwu lili na ukulo-nwu aƒiɔ.

¹³Na ɔvumana-nwu adala ani na unyimi. Na ɔya na uleku ɔmmɔ ulie-nwu kaduli kɔbuli kumodi na uwulo nwuna bawɔne. Na si ɔ́bla ɔmɛni ƒui ɔ́wɔlɔ ni, asa na uti-nwu.

¹⁴Na si éti-nwu na ánu ka asɔ alayɔ-nwu ni, eeebo kuƒi ka anu-nwu aani ukyuli uyedi na eti-nwu eye. Ɔsika awɔ ku-nwu bɛ́tɛ na ébile-nwu. Anwuɔsu nyonu-nwu na uteesie ƒaa.

¹⁵Bɛya na buti-nwu bɔnii ɔnana ɔdi ɔkya-mii akɔ na ubo beleku inyɔ na ɔdi biala ɔ́ka ɔnanabi bɔwɔ bute-nwu. Na uleku udeedi ɔni náka bɔwɔ ɔdi uleku ɔni na ɔgyani kayi kalayɔ.

¹⁶Na si uwi údu ka ɔgyani ule nwuna akɛla ute nwuna bebi ni, utasu ɔnii uute ubidi ɔnamudi nwuna akɛla utulo ka ɔɔyɔ́ uni teetulo ɔsu na ute ubidi unengudi ala blii suɛ ka ulayɔ uni ɔsu.

¹⁷Mmomu ɔdi ka ule nwuna akɛla kemmo akpa atɛ na uti akpa anyɔ ute ubidi ɔnanabi udeedi ɔmmɔ. Ɔsika ubidi ɔmmɔ nédie ɔti lɛnanabi keyi. Na anwu mbo ɔnanabi udeedi ala bɔdi kuƒi ina ka ɔti ulayɔ uni.

¹⁸Na lɛnɔ ni, bɛya na buti-nwu bɔnii ɔnana ɔdi ɔkya-mii akɔ na ubo ubi atuɔkplune na ɔɔta teenye nwuna bawɔne lɛlɔ. Na ubi ɔmmɔ ulenu bawɔne litemi ina báni-nwu kɔtu.

¹⁹Ubi ɔmmɔ udu bawɔne ni, ɔlɛka beti ubi ɔmmɔ besienku ɔma ɔni kemmo bakya mmɔ benengu anumi na kabanye kesii kani na benengu bammɔ beelie na beye-nwu kenye litemi.

²⁰Na si bawɔne bammɔ béti-nwu bésienku-ma anumi ni, lɛla lɛni na ɔdi ka bawɔne bammɔ basu ndi ɔnini, “Bula ubi ɔmɛni ubo atuɔkplu na ɔɔta teenye-bu lɛlɔ na si bɔ́su-nwu lɛla lɛdi uléti na ubo lɛkantakpi na ɔdi ntɛkpine ubendi.”

²¹Na si bawɔne bammɔ básu ɔmɛni báwɔlɔ ni, ɔma ɔmmɔ bekyuli bebo-nwu atabi bádu. Na ulu ɔmɛni lɛlɔ na bɛdubɔda bekyuli bekpidi bidie bina akɔ. Na ɔmɛni ɔdubɔya na Israelƒuɔ kadi ƒui benu lɛla lɛmɛni, na ukyuli biala ɔdubɔyia na ɔti lɛlɔ bɔda.

²²Si bébo ukyuli bádu ɔkɛnku likpidi lɛni na ɔ́bla na béti ukpine ɔmmɔ báƒala ugyii lɛlɔ ni,

²³utalɛka ukpine ɔmmɔ ɔƒa mmɔ ugye kadi. Ɔlɛka bava-nwu limeyi lɛmmɔ kani. Si ɔɔɔdi lɛni ni, bɛdububile kalɔ kani na bina Unwoti Katɔti úti uute-mii mmɔ. Ɔsika ukyuli ɔni na báƒala-nwu ugyii lɛlɔ ɔdanku Katɔti ewida.