Read Lelemi Lɛkpa Ulu 22 Bible Online

Lɛkpa Ulu 22 - Lelemi bible

Lɛkpa Ulu 22

¹Si bina kemmo ɔdi ɔ́nu ka ɔnwani ɔmantɛ akɔ iye koƒonu kɔdi ka kɔkɛ kɔɔví na kulati kaduli ulu ni, utanyonu ebuo ɔmmɔ. Mmomu uti-nwu usienku ɔlati.

²Nsu si ebuo ɔmmɔ ɔlati kaduli kágyunku kesii kani na awɔ elie mmɔ iye alanu ebuo ɔmmɔ ɔlati ni, awɔ ɔni nánu ebuo ɔmmɔ ti ebuo ɔmmɔ sienku ƒula kaduli. Na si ebuo ɔlati úbanu ebuo ɔmmɔ na ƒula kaduli ni, na eti nwuna ebuo ete-nwu.

³Lɛni kani na ɔlɛka bɛbla si bɛ́nu ukyuli ɔdi ɔƒlumu iye kɔdi iye lɛla bamba biala lɛni na ƒula ukyulikpana ɔ́yila. Na bitedie ala ammɔ atu.

⁴Na si ƒula ukyulikpana ɔƒlumu iye ɔmantɛ akɔ ɔdi uti etila na ubuli na ulakana bɔta ni, bunku ɔlati ɔmmɔ na bɛtalaku ebuo ɔmmɔ binyene.

⁵Uleku utakya ɔnana awu. Lɛni kani na ɔnana lɛnɔ utakya uleku awu. Na bina Unwoti Katɔti ɔdubukisi ukyuli ɔni ndubɔbla ala ammɔ bene udu.

⁶Si bina akɔ ɔdi útánu aasɛ lɛyu lɛdi na kugyii lili iye ɔ́nu ka lɛyu lɛmmɔ lɛtɛ kalɔ na aasɛ ɔmmɔ ku bebi bakya-nwu kemmo iye ubi avala lɛlɔ ni, teƒie aasɛ ɔmmɔ ku nwuna bebi ƒui tatɔlɔku.

⁷Akana na eƒie bebi bammɔ iye eti avala ammɔ, nsu teƒie uni ɔmmɔ. Si bɛɛbla lɛni ni, bɛdubulie ngba gyɔlɔɔ na keyi kadubɔyɔku-mii.

⁸Na si ɔdi ɔ́tu lɛsa ɔtɔ ɔwɔdi ni, ɔnu ka ɔ́tu lɛsa ɔsangya na ɔ́kuku kalɛ na ɔdi ulánu na lɛsa lili na wekpi na básu banii anwu nádu-nwu.

⁹Ɔdi utava edula lidu inyɔ utakya nwuna adingyii kemo kani na ɔ́tuma kemmo. Si ɔdi ɔ́bla lɛni ni, uuubo kuƒi ka ɔƒɛ edula ammɔ adi iye ude ebi ammɔ adi.

¹⁰Na ɔdi utabala ɔpɔnkɔ ku ɔmantɛ akɔ anwami kɔgba utasala na begulu kalɔ bete-nwu.

¹¹Na ɔdi utakya awu ɔni béti unwo ku koƒonu linwini bédi básala.

¹²Biti linwo lɛni na bébo-ni ekpo wɛlɛ wɛlɛ básala bɛkya bina adi avwi ene ammɔ atu akya.

¹³Na bɛya na buti-nwu bɔnii ɔnana ɔdi úti uleku na kama ɔ́nu ka ɔsɔ ulayɔ uleku ɔmmɔ.

¹⁴Anwuɔsu ɔ́nyi ɔkɔ ɔ́sia uleku ɔmmɔ ka ɔɔɔdi adagyaa asa na úti-nwu.

¹⁵Si ɔ́lɛ lɛni ni, uleku ɔmmɔ bawɔne besie ɔma ɔmmɔ benengu kudɔ na ɔma ɔmmɔ kabanye kesii kani na beelie mmɔ na betédie bana ubi kenye ka uleku ɔmmɔ ɔdi adagyaa asa na ɔnana ɔmmɔ úti-nwu.

¹⁶Ɔmmɔ kama uleku ɔmmɔ ɔti ɔdubɔta unye na kadi akɔ mmɔ, na ɔsu benengu bammɔ ɔnini, “Líti mina ubi ulekubi ɔmɛni líte ɔnana ɔmɛni ka uti-nwu. Na ka bélie blii ni, ɔnii ɔsɔ ulayɔ-nwu.

¹⁷Na kenye kani na ɔnana ɔmmɔ ɔɔdá-nwu ndi ka úti-nwu na ɔɔɔdi adagyaa. Nsu bɛɛnu lɛdiku lɛni lɛlɔ na báka bɔtɛ. Bɛɛnu ubugya ɔni néduo-nwu kemmo mɛni. Ɔmɛni ɔɔtina ka ɔdi adagyaa asa na ɔnana ɔmmɔ úti-nwu.”

¹⁸Si ɔ́lɛ lɛni ni, na ɔma ɔmmɔ benengu bata na bebo ɔnana ɔmmɔ kugyiimi kaduɛ!

¹⁹Na bakya ɔnana ɔmmɔ kayu sika ɔƒualadi antabi akyami bɔkɔku eti anyɔ na beti ala ammɔ bete ulekubi ɔmmɔ ɔti. Ɔsika ɔnana ɔmmɔ úti kɔƒa úboku Israelni uleku lɛlɔ. Na ɔmmɔ kama ɔlɛka belie beteesie aani ɔgya ku ule. Na uwi ɔni na ɔnana ɔmmɔ ɔmu uli ngba ni, uuubo kuƒi kɔdi ka ɔnyonu ulekubi ɔmmɔ.

²⁰Nsu si kenye kani na ɔgyani ɔmmɔ údie ɔdi sɔsɔ ka ulekubi ɔmmɔ ɔɔɔdi adagyaa asa na úti-nwu ni,

²¹na bakpanku ulekubi ɔmmɔ besienku ɔti kaduli na ɔma ɔmmɔ bananabi bebo-nwu atabi badu na ɔti kaduli kayakun kenye. Ɔsika ulekubi ɔmmɔ ɔ́di kɔsɔnɔ uwi ɔni na úlie ɔti kesii na útelie tɔ kɔgya. Na ɔmɛni ɔdi kɔƒa litemi. Na ulu ɔmɛni lɛlɔ na bɛdubɔsia na bɛda likpidi lɛmmɔ udu bidie bina akɔ.

²²Na si bíƒie ɔnana ɔdi ka úsie ɔɔtɛnku ukyuli ɔdi ulekudi ni, bibo ɔnana ku uleku ɔmmɔ bɛdu. Na ulu ɔmɛni lɛlɔ na bɛdubɔsia na bɛda likpidi lɛmmɔ udu bidie bina akɔ.

²³Na si bíƒie ɔnana ɔdi ka úsie ɔɔtɛnku uleku ɔni na bévele-nwu béte ɔnana ɔbamba na ɔma ɔdi kemmo ni,

²⁴na bɛkpanku ɔnana ku uleku ɔmmɔ bisienku ɔma kabanye na bibo bana inyɔ atabi bɛdu. Ɔlɛka badu uleku ɔmmɔ, ɔsika úni na útava útakpali ka babaƒɔ-nwu ina ka ɔma kemmo na bakya uwi ɔni na ɔnana ɔmmɔ ɔnii anwu ku-nwu baatɛ. Na lɛla lɛni ɔsu na ɔlɛka badu ɔnana ɔmmɔ lɛnɔ ndi ka úsie ɔɔtɛnku uleku ɔni bévele béte ukyuli bamba. Na ulu ɔmɛni lɛlɔ na bɛdubɔsia na bɛda likpidi lɛmmɔ udu bidie bina akɔ.

²⁵Na si ɔnana ɔdi útéƒie uleku ɔni na bévele-nwu béte ɔnana bamba na ɔ́yɔ-nwu na alakpiakɔ ni, ɔnana ɔmmɔ kani na ɔlɛka badu.

²⁶Nsu ulekubi ɔmmɔ útalɛka badu-nwu, ɔsika útabla likpidi lɛni námanku kukpi. Na litemi lɛmɛni lise aani kalɛ na ukyuli ɔdi ɔɔsiáku nwuna ukyulikpana na ɔnii uubó-nwu ɔdu.

²⁷Ɔsika uwi ɔni na ɔnana ɔmmɔ ɔkya ɔɔtɛnku-nwu mmɔ ni, ɔ́va ka ukyuli ɔdi úbaƒɔ-nwu. Nsu útakɛ ɔdi.

²⁸Na si ɔnana ɔdi ɔ́nu adagyaa ɔni bétete tɔ kɔgya na úƒie-nwu ɔkya ɔɔtɛnku na bánu-nwu ni,

²⁹ɔlɛka bakya-nwu kayu sika ɔƒualadi antabi akyami bɔkɔku liti ute uleku ɔmmɔ ɔti. Na ɔmmɔ kama uleku ɔmmɔ unwini ɔnana ɔmmɔ ɔgyani. Ɔsika úwi-nwu anumi kalɔ. Na ɔnana ɔmmɔ uuubo kuƒi kɔdi na ɔnyonu ulekubi ɔmmɔ na nwuna ngba emeyi ƒui kemmo.

³⁰Na ɔnana biala ku nwuna ɔti ulekudi ɔdi biala batatɛ. Na si ɔdi ɔ́bla lɛni ni, ɔdi kɔƒa kubendi kute-nwu.