Read Lelemi Yohane 21 Bible Online

Yohane 21 - Lelemi bible

Yohane 21

¹Ɔmmɔ kama ni, Yesu ɔ́sɔ údie lɛlɔ ɔ́tina nwuna batɛyane kunwi na Tiberia Ɛpu kudɔ. Na kalɛ na úbalɛ na ndubo bɔsu mɛni.

²Limeyi lɛdi ni, Simon Petro ku Toma ɔni baalɔ Nta Ubi ku Natanael ɔni nási Kana na Galilea kalɔ lɛlɔ ku Sebedeo bebi ku Yesu batɛyane inyɔ babambadi badi benye.

³Amu na Simon Petro ɔ́su-ma ɔnini, “Lísela ntédie kɔbɛ.” Mmɔ kani na ama lɛnɔ básu-nwu banini, “Abu lɛnɔ bɔdubo-ɔ bɔsiaku.” Anwuɔsu bana ƒui béduo ɔkɔlɔ kemmo na bátɔlɔ. Nsu usien umodi ɔmmɔ ni, bétedie kɔbɛ kɔdi.

⁴Amu uwi ɔni na ɔƒɛ ɔ́tu ɔdubo ni, batɛyane bammɔ bánu ukyuli ɔdi ka unye ɛpu kɔtu. Nsu bátati banii Yesu na ɔdi.

⁵Amu na ɔ́kpali-ma ɔnini, “Bakloƒu, bítedie kɔbɛ kɔdi?” Mmɔ na ama bédie kenye banii, “Oowo!”

⁶Amu na ɔ́su-ma ɔnini, “Biwi bina asawu ɔmmɔ na ɔkɔlɔ ɔmmɔ kɔdianu kakɛ. Na bɛdubɔkɛ lɛla lɛdi.” Anwuɔsu béwi asawu ɔmmɔ. Na bátakana-nwu bɔni bɔlɛku, ɔsika bédie kɔbɛ pii.

⁷Amu na ɔtɛyane ɔni na Yesu ɔɔyɔ́ mmɔ ɔ́su Petro ɔnini, “Blɔti na ɔdi!” Ka Simon Petro únu ka ɔtɛyane ɔmmɔ ɔ́su ɔnii Blɔti na ɔdi ni, Petro úti nwuna awu gyɔlɔɔ ɔ́bala lɛlɔ, ɔsika ɔ́da-nwu údie. Na ɔ́ƒulu úduo ntu bɔmmɔ kemmo, na úti úsela Blɔti kudɔ.

⁸Na batɛyane bakladi béti ɔkɔlɔ ɔmmɔ na básia ntu lɛlɔ bébedu ɛpu kɔtu. Na báni asawu ku kɔbɛ kɔmmɔ béboku. Na ɔ́si kesii kani na bédie kɔbɛ kɔmmɔ útédu ɛpu kɔtu ni, útagyu. Ɔ́bla aani lɛgba budie eti anyɔ.

⁹Ka báyu ɔkɔlɔ kemmo bébo kalɔ ni, bánu aƒɛ ogya ɔdi na ɔdaku bɔda. Na kɔbɛ kɔdi kɔsia ogya ɔmmɔ lɛlɔ, na bodobodo ɔdi lɛnɔ use mmɔ.

¹⁰Amu na Yesu ɔ́su-ma ɔnini, “Biti bina kɔbɛ kɔni na bídie ɔƒaani mmɔ kɔdi biboku.”

¹¹Amu na Simon Petro ɔ́kɔ úduo ɔkɔlɔ ɔmmɔ kemmo, na ɔ́da asawu ɔmmɔ na ɔ́ni úbewi ɛpu kɔtu. Na kɔbɛ kubendi kúyi-nwu kemmo tɛtɛɛtɛ. Na kɔbɛ kɔmmɔ ƒui bumomo bɔbla eti atɛ ku ɛtɛ. Nsu ina ka kɔbɛ kɔmmɔ kúmomo lɛni ni, asawu ɔmmɔ útabwɛ.

¹²Ɔmmɔ kama ni, Yesu ɔ́su-ma ɔnini, “Bibo bibadi.” Nsu ɔni na ala amɛni ƒui aalɛ́ ni, ɔdi útakana kayi buse na uye-nwu ɔnii, “Ɔma na adi?” Ɔsika báti ka Blɔti na ɔdi.

¹³Na ka Yesu ɔ́lɔ-ma ɔnii babadi ni, ɔ́kpɛ úde adila ammɔ na úti bodobodo ɔmmɔ na úti úte-ma. Lɛni kani na ɔ́bla kabɛ kammɔ lɛnɔ.

¹⁴Na ɔmɛni ndi kɔtɛdi kɔni na Yesu údie lɛlɔ ɔ́tina nwuna batɛyane ɔni na ɔ́ta ɔ́lɛ kekpine.

¹⁵Uwi ɔni na bádi báwɔlɔ ni, Yesu úye Simon Petro ɔnini, “Simon, Yohane ubi, aayɔ́-mi geen teetulo batɛyane bakladi bamɛni?” Amu na údie kenye ɔnini, “Blɔti, ɛɛn! Awɔ ɔlati agyi ka mɔɔyɔ́-ɔ.” Amu na Yesu ɔ́su-nwu ɔnini, “Taanu mina baƒonubi lɛlɔ.”

¹⁶Ɔmmɔ kama ni, Yesu ɔ́sɔ úye-nwu ɔnini, “Simon, Yohane ubidi, aayɔ́-mi geen?” Na Petro lɛnɔ ɔ́sɔ údie kenye ɔnini, “Blɔti, agyi ka mɔɔyɔ́-ɔ.” Mmɔ ni, Yesu ɔ́sɔ ɔ́su-nwu ɔnini, “Taanu mina baƒonu lɛlɔ.”

¹⁷Kɔtɛdi ni, Yesu ɔ́sɔ úye Petro ɔnini, “Simon, Yohane ubidi, aayɔ́-mi?” Amu ka Yesu ɔ́sɔ úye-nwu kɔtɛdi ɔnii, “Aayɔ́-mi?” ɔsu ni, Petro lɛlɔ lɛ́bla anwu ɔlati kɔnyana, na ɔ́su Yesu ɔnini, “Blɔti, agyi lɛla biala. Na agyi lɛnɔ ka mɔɔyɔ́-ɔ!” Amu na Yesu ɔ́su-nwu ɔnini, “Taanu mina baƒonu lɛlɔ.

¹⁸Mɔɔsu-ɔ litemi geen ka ni, uwi ɔni kemmo na adi ɔnamu ni, aata na aklibi lɛlɔ na esie kesii biala na aayɔ́. Nsu si uwi ɔni na ábi lɛlɔ ni, adubo enu bunene na ukyuli bamba maklibi-ɔ na ɔkpanku-ɔ usienku kesii kani na alawia ka esie.”

¹⁹Lɛla lɛni na Yesu ɔ́su-nwu mɛni ni, bɔtina na ɔda Petro kukpi kɔni udu na ɔdubo bukpi na uti ɔkɔliku Katɔti lɛnyi katɔ. Amu na Yesu ɔ́su-nwu ɔnini, “Taasiaku-mi.”

²⁰Amu ka Petro ɔ́tu únwini ni, ɔ́nu ɔtɛyane ɔni na Yesu ɔɔyɔ́ mmɔ. Anwu ndi ɔtɛyane ɔni nábu úsie Yesu kudɔ uwi ɔdi návi ɔni na baadiku-nwu adila ekplodi na úye Yesu ɔnini, “Blɔti, ɔma ndubo-ɔ kakya bɔkya?”

²¹Anwuɔsu uwi ɔni na Petro ɔ́nu-nwu ni, úye Yesu ɔnini, “Blɔti, na bi ndubo ƒula ɔtɛyane ɔmɛni anwu bɔlɛku?”

²²Amu na Yesu údie kenye na úye-nwu ɔnini, “Si mɔɔyɔ́ nnii anwu ɔsɔ ɔkya ngba wetédu uwi ɔni na masɔ mebo ni, bi nkɛ-ɔ? Awɔ ni, taasiaku-mi.”

²³Ɔmmɔ ɔsu ni, litemi lɛmɛni lígyingya lɛ́vi Yesu basiakune ƒui akɔ ka ɔnii ɔtɛyane ɔmɛni anwu ulekpi. Nsu ɔɔɔdi bɔsu na Yesu ɔ́su ɔnii ulekpi. Mmomu bɔsu na ɔ́su ɔnini, “Si mɔɔyɔ́ nnii anwu ɔsɔ ɔkya ngba wetédu uwi ɔni na masɔ mebo ni, bi nkɛ-ɔ?”

²⁴Ɔtɛyane ɔni lɛlɔ litemi na bɔɔsu mɛni ndi ami ɔni násu ala amɛni. Na línweni-nya líse lɛnɔ. Na baƒɔtaadine ƒui bagyi ka ala ani kenye na muudie mɛni adi litemi geen.

²⁵Na ala pii abambadi akya ani na Yesu ɔ́bla. Na si banii bénweni ala ani ƒui na ɔ́bla bése unwi unwi ni, nka kayawi bekyuli balákɛ lɛku lɛmmɔ kesekɔ.