Read Lelemi Yosua 11 Bible Online

Yosua 11 - Lelemi bible

Yosua 11

¹Uwi ɔmmɔ kemmo ni, Hasorƒuɔ Ɔga Yabin únu kalɛ na Yosua ku nwuna bekpone béekpo taadi bekyuli lɛlɔ. Ɔmmɔ ɔsu ɔ́tala bekyuli ɔkya Madonƒuɔ Ɔga Yobab ku Aksa Ɔga ku Simron ɔga.

²Na ɔ́tala batu ɔkya baga bani ƒui nlie abi lɛlɔ na kalɔ kammɔ katɔ kakɛ ku lɛma lɛni nkya Yordan Ketu ɔkwalɛ na Galilea Ɛpu lɛba kada kakɛ ku lɛma lɛni nwi abi kaƒɔna ku lɛma lɛni nkya ɛpu kudɔ na ɔƒɛ kanukɔ na Dor.

³Na ɔ́tala batu bamba na Kanaanƒuɔ bani nlie Yordan Ketu ɔƒɛ katukɔ ku kanukɔ ku Amoriƒuɔ ku Hetiƒuɔ ku Perisiƒuɔ ku Yebusiƒuɔ bani nlie abi eli ku Hewiƒuɔ bani nlie Harmon Kɔbi kaƒɔna na kada kakɛ na Mispa kalɔ lɛlɔ ka bebo na bebebunku-ma na bekpoku Israelƒuɔ.

⁴Na baga bamɛni báta ku bana bekpone. Na bekpone bamɛni bumomo bɔdubɔbla aani ɛpu kɔnwinimi. Na bébo bapɔnkɔ ku bapɔnkɔ kɛɛkɛ pii.

⁵Na baga bamɛni ku bana bekpone báklibi lɛlɔ na bátásala lisu na bábla keliekɔ na Merom Ketudɔ ka bekpoku Israelƒuɔ.

⁶Amu na Unwoti ɔ́su Yosua ɔnini, “Tayia bekyuli bammɔ, ɔsika ndubɔya na bɛdu-ma ƒui asa na wedu kɔnaadi uwi ɔmɛni kemmo. Na lɛla lɛni na bɛdubo bɔbla ndi ka bikulo bana bapɔnkɔ bammɔ lɛgba nti. Na bɛkyula bana bapɔnkɔ kɛɛkɛ lɛmmɔ ƒui.”

⁷Amu na Yosua ku nwuna bekpone bétéyu bekyuli bammɔ batu kɔnakunwi na Merom Ketudɔ mmɔ.

⁸Na Unwoti úti bekyuli bammɔ ɔ́kya Israelƒuɔ enu kemmo na bádu-ma kaduɛ na bani lɛnɔ nékeli ni, babi basiaku-ma bétédu Sidon Bonwu ku Misreƒot-Maim kemmo úti útédu Mispa Kɔwɛ kɔni nkya ɔƒɛ katukɔ. Na bádu-ma laa úti útédu ka bana akɔ ukyuli unwi muedi útebu.

⁹Na Yosua ɔ́bla-ma aani kalɛ na Unwoti úbo-ma ɔda kalɛ. Na ɔ́ƒɛ bapɔnkɔ bammɔ ƒui lɛgba na ɔkyula bana bapɔnkɔ kɛɛkɛ lɛmmɔ ƒui kede kede.

¹⁰Amu na Yosua únwini úsie útékpo na ɔ́di Hasorƒuɔ lɛlɔ na ɔ́du bana ɔga. Na asa na Yosua ɔ́di Hasorƒuɔ lɛlɔ ni, Hasor ndi ɔga unengudi na amadɔ mmɔ ƒui.

¹¹Na bádu ukyuli biala ku lɛla biala mɔɔnwuna. Na bákyula ɔma ɔmmɔ.

¹²Na Yosua úkpo ɔdi lɛma lɛni nkya mmɔ ku bana baga ƒui lɛlɔ. Na ɔ́du ukyuli biala aani kalɛ kani na Mose ɔni ndi Unwoti kabla ɔblane úbo-nwu ɔda kalɛ.

¹³Nsu Israelƒuɔ batakyula lɛma lɛni nkya abi lɛlɔ mmɔ ɔdi biala. Hasor lɛti kani na bákyula.

¹⁴Na Israelƒuɔ béti ala ani náƒɔ kuye ku bana bebuo na béti lɛma lɛmmɔ bábla bana ɔdi. Nsu ukyuli biala na ɔ́kya ɔma ɔmmɔ kemmo ni, bádu-nwu ɔni na ina ukyuli unwi muedi útebu.

¹⁵Na kalɛ na Unwoti úbo Mose ɔni ndi nwuna kabla ɔblane ɔda ni, lɛni kani na Mose lɛnɔ úbo Yosua ɔda. Na Yosua lɛnɔ ɔ́bla ɔ́siaku kalɛ kani na Mose úbo-nwu ɔda ɔmmɔ ɔni na útada útavia ɔda bubo bɔmmɔ bɔdi. Ɔ́bla lɛla biala pɛpɛɛpɛ aani kalɛ na Unwoti úbo Mose ɔda.

¹⁶Na Yosua ku nwuna bekpone békpo báƒɔ kɔlɔ kɔni ƒui nwi ɔ́si katɔ kakɛ utédu kada kakɛ ku kɔlɔ kɔni nwi abi eli ku abi kaƒɔna ku kɔlɔ kɔni nwi Gosen amadɔ ku kɔlɔ kɔkwiidi kɔni nwi kada kakɛ uti usie kɔwɛ kɔni nwi Yordan Ketu.

¹⁷Na ɔ́sɔ ɔ́ƒɔ ɔ́siku Halak abi lɛlɔ ɔ́kɔ úsie Seir úti útédu Baal-Gad ku Lebanon Kɔwɛ na Hermon abi kaƒɔna lɛlɔ ƒui. Na Yosua ku kɔlɔ kɔmɛni baga békpo bétu uwi na úƒie-ma na ɔ́du-ma ƒui kede kede.

¹⁹Na lɛma lɛni nkya amadɔ mmɔ ƒui ɔdi biala útablaku Israelƒuɔ unwi ntu Gibeon ɔma bekyuli bani ndi Hewiƒuɔ. Na lɛma lɛni nátablaku Israelƒuɔ unwi mmɔ ni, Israelƒuɔ békpo bádi-ma lɛlɔ.

²⁰Na Unwoti ɔ́ya na lɛma lɛmmɔ kɔyi kɔ́yu ɔkplu kalɛ na Israelƒuɔ bakɛ kuƒi na bekpoku-ma na bayila-ma udu kede kede ɔni na kɔnyana bɔnu bɔdi buuubo. Na ɔmɛni ndi ɔda ɔni na Unwoti úbo Mose ka ɔbla.

²¹Ɔmmɔ kama ni, Yosua ɔ́sɔ úsie Hebron ku Debir ku Anak na útékpoku Anakƒuɔ bani nli lɛma lɛmmɔ. Na ɔ́di-ma lɛlɔ na ɔ́yila bekyuli bammɔ ku bana lɛma udu ɔ́siku Yuda ku Israel abi eli.

²²Na Anakƒuɔ bammɔ badi básɔ bétebu na Israel kalɔ lɛlɔ amu ntu ɛlɛɛ badi kani nébu belie Gasa ku Gad ku Asdod lɛma kemmo.

²³Ɔmmɔ ɔsu Yosua úkpo ɔ́di kɔlɔ kɔmmɔ ƒui lɛlɔ aani kalɛ kani na Unwoti úbo Mose ɔda. Na Yosua úle kɔlɔ kɔmmɔ úte Israelƒuɔ na bana kaba kenye. Na kɔlɔ kɔmmɔ kúnwini bana kɔdikɔ. Na ɔmmɔ kama ni, Israelƒuɔ bánwuna na básɔ bétekpoku bekyuli badi.