Read Lelemi Yosua 13 Bible Online

Yosua 13 - Lelemi bible

Yosua 13

¹Ɔƒɛni Yosua ɔ́ɔbi geen na nwuna akwa lɛnɔ éesie anumi geen. Amu na Unwoti ɔ́su Yosua ɔnini, “Áabi lɛlɔ na ƒula akwa lɛnɔ éesie anumi, nsu kɔlɔ kɔdi kɔmu kɔkya ɔni na ɔlɛka ekpo na eti-ku.

²Na kɔlɔ kɔmmɔ ndi Ƒilistiƒuɔ kɔlɔ ƒui ku Gesurƒuɔ kɔdi ƒui

³úti ɔ́si Sihor Ketu kani nkya Egyipte ɔƒɛ katukɔ úti úsie Ekron ɔmii lɛlɔ na kada kakɛ. Na ɔdi Kanaanƒuɔ kɔlɔ. Na Ƒilistiƒuɔ lɛma ɛlɔ lɛmmɔ ɔlɛka bikpo bɛƒɔ ni. Na lɛma lɛmmɔ ndi Gasa ku Asdod ku Aska ku Gat ku Ekron ku Awin.

⁴Ɔlɛka bikpoku Kanaanƒuɔ ku Me-Araƒuɔ ku kɔlɔ kɔni na Sidonƒuɔ baadi-ku lɛlɔ útédu Aƒek na Amoriƒuɔ ɔmii lɛlɔ

⁵ku Gebalƒuɔ kɔlɔ ku Lebanon kɔlɔ úti úsie ɔƒɛ katukɔ si ási Baal-Gad úti ɔɔyu Hermon Kɔbi lɛlɔ útédu Hamat kakɛ.

⁶“Na bani ƒui nli abi lɛlɔ ɔ́si Lebanon útédu Misreƒot-Maim na badi Sidomƒuɔ ni, ami Unwoti ɔlati ndubo-ma bɔbɔku bute Israelƒuɔ. Na lɛla lɛni kani na ɔlɛka abla ndi ka ele kɔlɔ kɔmmɔ ete Israelƒuɔ aani kalɛ kani na líbo-ɔ ɔda nnii bla.

⁷Na ele kɔlɔ kɔmmɔ ete Israel kaba yaalenwi bakladi bani nebu. Na ele kɔdi ete Manase kaba kakɛ kakladi. Na bana ɔdi biala ɔkɛ nwuna kadikɔ.”

⁸Na kalɔ kani nkya késie Yordan Ketu ɔƒɛ katukɔ kakɛ ni, Mose ɔni ndi Unwoti kabla ɔblane úle kalɔ kammɔ úte Ruben kaba ku Gad kaba ku Manase kaba bekyuli kakɛ kani nébu.

⁹Na bana lɛmii lisie lítédu Aroer ɔni ntɛ útédu Arnon Kɔwɛ kemmo ku ɔma ubendi ɔni nkya kɔwɛ kɔmmɔ ntɛ ku kɔbi lili kalɔ kani nwi ƒiaa ɔ́si Medeba laa útédu Dibon

¹⁰ku lɛma lɛni ndi Amoriƒuɔ ɔga ɔni baalɔ Sihon ɔni nádi lɛga na Hesbon úti útédu Amonƒuɔ ɔmii lɛlɔ.

¹¹Na Gilead kalɔ ku Gesur kalɔ ku Maakat kalɔ ku Hermon abi ƒui ku Basan kalɔ ƒui úti útédu Salka lɛnɔ ubunku.

¹²Na Ɔga Og ɔni ɔdi bablani bekplodi kemmo unwi na ɔ́di lɛga na Basan kɔlɔ ƒui. Na ɔga ɔmɛni úlie Astarot ku Edrei ɔ́di lɛga. Na ama ndi bekyuli bani na Mose úkpo na ɔ́di-ma lɛlɔ na ɔ́bɔku-ma mmɔ.

¹³Nsu Gesurƒuɔ ku Maakatƒuɔ ama ni, Israelƒuɔ bátabɔku-ma na bamu beli Israel úti úbedu ɔmwi.

¹⁴Nsu Lewi kaba aka ni, Mose útete-ma kalɔ kammɔ kadi. Ɔsika akpala ani na bekyuli beeti taakyula teete Israelƒuɔ Unwoti ni, ana kemmo na baakɛ bana kadikɔ aani kalɛ na Unwoti Katɔti ɔ́su úse.

¹⁵Na uwi ɔmmɔ ni, Mose úte Ruben kaba bekyuli kalɔ kakɛ kadi ka béti ka babla bana kadikɔ.

¹⁶Na kalɔ kammɔ kási Aroer ɔni ntɛ úsie Arnon Kɔwɛ kemmo ku ɔma ɔni nkya kɔwɛ kɔmmɔ ntɛ ku abi eli ku kalɔ kani nwi ƒiaa na kásia Medeba.

¹⁷Na kadanku Hesbon ku Dibon ku Bamot-Baal ku Bet-Baal-Meon,

¹⁸ku Yahas ku Kedemot ku Meƒaat

¹⁹ku Kiristaim ku Sibma ku Seret-Sahar ɔni na uwi kɔbi lili,

²⁰na kɔdanku Bet-Peor ku Pisga Kɔbi kalɔ ku Bet-Yesimot.

²¹Na lɛma lɛmɛni nwi kɔbi eli kalɔ kani nwi ƒiaa mmɔ lɛlɔ ku Amoriƒuɔ Ɔga Sihon ɔni nádi lɛga na Hesbon. Anwu na Mose úkpo na ɔ́di-nwu lɛlɔ ku Midian baga ku Ewi ku Rekem ku Sur ku Hur ku Reba beleku baga bani nási Sihon na béli kalɔ kammɔ lɛlɔ.

²²Na bekyuli bani na Israelƒuɔ bádu ndi Bileam ɔni na uubó like na ɔdi Beor ubidi.

²³Na Rubenƒuɔ bammɔ ɔmii ndi Yordan Ketu. Na ɔmɛni ndi kadikɔ nte Rubenƒuɔ. Na béle lɛma lɛmmɔ bete bana kaduli bekyuli.

²⁴Amu na Mose úti kalɔ kadi úte Gadƒuɔ ka béti-ka babla bana kadikɔ.

²⁵Na kalɔ kammɔ ɔmii ndi Yaser ku lɛma lɛni nkya Gilead ku Amonƒuɔ kalɔ kakɛ úti útédu Aroer ɔni nde Raba.

²⁶Na ɔ́si Hesbon útédu Ramat-Mispa ku Betonim na ɔ́si Mahanaim úti útédu Debir ɔmii lɛlɔ.

²⁷Ɔkɛ Yordan Ketu kɔwɛ kɔmmɔ kemmo ku Bet-Haram ku Bat-Nimra ku Sukot ku Saƒon ɔni ndi Hesbon Ɔga Sihon kalɔ kakladi. Na Yordan Ketu ndi ɔmii úti útédu ɛpu kada kakɛ na Galilea Ɛpu úti ɔ́via úsie Yordan ɔƒɛ katukɔ.

²⁸Na lɛma ku akpaklɔ amɛni ndi Gadƒuɔ kadikɔ na béle lɛma ku akpaklɔ ammɔ béte bana kaduli bekyuli.

²⁹Ɔmmɔ kama ni, Mose úti kalɔ kakɛ kadi úte Manase kaba bekyuli kakɛ kenwi ka béti mmɔ bábla bana kadikɔ.

³⁰Na kalɔ kammɔ kewi kétédu Mahanaim na ɔkɛ Basan na ɔdanku lɛma liti ku leevu lɛni na Yair úkpo ɔdi-ma lɛlɔ na Basan kalɔ kemmo mmɔ. Na kalɔ kemodi kammɔ ƒui lɛlɔ na Ɔga Og utaadi.

³¹Na Gilead kakɛ ku Astarot ku Edrei ɔni ndi Ɔga Og lɛma lɛni nkya Basan aka na béti béte Makir kaduli bekyuli kakɛ kenwi. Na Makir ɔmɛni ɔ́si Manase kaba kemmo.

³²Lɛni na Mose úti kadikɔ kɔlɔ kɔni nkya Yordan Ketu kɔwɛ na Yeriko ɔƒɛ katukɔ úte Israelƒuɔ uwi ɔni na ɔ́kya Moab kalɔ lɛlɔ.

³³Nsu Mose útéte Lewiƒuɔ kalɔ kadi. Na bɔsu na ɔ́su-ma ka bana kadikɔ ndi akpala ani na beeti taakpa teete Israelƒuɔ Unwoti Katɔti.