Read Lelemi Yosua 21 Bible Online

Yosua 21 - Lelemi bible

Yosua 21

¹Uwi ɔni na Israelƒuɔ básala bákya Silo na Kanaan ni, Lewiƒuɔ ɔtɔ benengu bébo Katɔti Ɔkpane Eleasar ku Yosua ɔni ndi Nun ubidi ku Israelƒuɔ kaba benengu kudɔ.

²Na básu-ma banini, “Unwoti úbo Mose ɔda ka ni, bete-bu lɛma ku bebuo kadikɔ kɔlɔ na bute bula bebuo.”

³Anwuɔsu kalɛ na Unwoti úbo-ma ɔda mmɔ ɔsu ni, Israelƒuɔ béti lɛma ku kalɔ kani na livo lɛni na bebuo baakun lɛkya béte Lewiƒuɔ bammɔ.

⁴Na ka bátu egulabi bánu ni, Kohat kaduli bekyuli bani ndi Aaron bawɔ na badi Lewiƒuɔ lɛlɔ na ɔ́sia. Na béte-ma lɛma leevu-ɛtɛ básiku Yuda ku Simeon ku Benyamin kaba kemmo.

⁵Na Kohat kaba kakladi kani nébu lɛnɔ bákɛ lɛma leevu lɛni nási Eƒraim ku Dan kaba ku Manase kaba kakɛ kemmo.

⁶Na Gerson bawɔ bákɛ lɛma leevu-ɛtɛ lɛni nási Isakar ku Aser ku Naƒtali kaba ku Manase kaba kakɛ kakladi kani nkya Basan kalɔ lɛlɔ.

⁷Na Marari bawɔ bákɛ lɛma leevu-inyɔ lɛni nási Ruben ku Gad ku Sebulon kaba kemmo.

⁸Anwuɔsu kalɛ na Israelƒuɔ bátu egulabi bánu ni, lɛni kani na béle lɛma lɛmmɔ ku kalɔ kani na livo lɛni bebuo baakun lɛkya béte Lewiƒuɔ bammɔ aani kalɛ na Unwoti úbo-ma ɔda ɔkɛnku Mose lɛlɔ.

⁹Lɛma lɛni nkya Yuda ku Simeon kaba kemmo na béti béte Aaron bawɔ bani nási Kohat adua kemmo, ɔsika bana lɛlɔ na egulabi ani na bátu bánu ásia. Na bekyuli bamɛni badi Lewiƒuɔ.

¹¹Na béte-ma ɔma ku kalɔ kani na bebuo kadikɔ kakya na baalɔ-nwu banii Kiriat-Arba iye Arba na basɔ baalɔ-nwu Hebron. Na Arba ɔmɛni ndi Anak ɔti kuuku.

¹²Nsu mmo bɔni nkya ɔma ɔmmɔ amadɔ ku ana akpaklɔ amu ni, béti béte Kaleb ɔni ndi Yeƒune ubidi ka uti mmɔ ɔbla nwuna kadikɔ.

¹³Anwuɔsu Katɔti ɔkpane Aaron bawɔ ni, béte-ma Hebron ɔni ndi katamikukɔ ɔma ku Libna

¹⁴ku Yatir ku Estemoa

¹⁵ku Holon ku Debir

¹⁶ku Ain ku Yuta ku Bet-Semes ku nina bebuo kɔdikɔ kɔlɔ. Na lɛma lɛmmɔ lɛdi yaalenwi lɛni nási Yuda ku Simeon kaba kemmo.

¹⁷Na Benyamin kaba kemmo béte-ma Gibeon ku Geba

¹⁸ku Anatot ku Almon ku nina bebuo kɔdikɔ kɔlɔ. Na lɛma lɛmmɔ lɛdi ine.

¹⁹Na lɛma ku bebuo kɔdikɔ kɔlɔ kɔni na béte Aaron bawɔ ni, libo lɛma leevu-ɛtɛ.

²⁰Na Lewiƒuɔ bakladi bani nási Kohat ɔtɔ kemmo ama ni, béte-ma lɛma lɛni nkya Eƒraim kaba kemmo.

²¹Na lɛma lɛni béte-ma lɛdi lɛma ine, na ɔdi ndi Sekem ɔni nkya Eƒraim abi lɛlɔ na ɔdi katamikɔ ɔma.

²²Na ɔkladi ndi Geser ku Kibsaim ku Bet-Horon ku nina bebuo kɔdikɔ kɔlɔ.

²³Na ɔ́si Dan kaba béte-ma lɛma ine. Na ani ndi Elteke ku Gibeton

²⁴ku Ayalon ku Gat-Rimon ku nina bebuo kɔdikɔ kɔlɔ.

²⁵Na Manase kaba kakɛ béte-ma lɛma inyɔ na ani ndi Taanak ku Gat-Rimon ku nina bebuo kadikɔ kɔlɔ.

²⁶Na lɛma lɛni béti béte Kohat kaduli bekyuli bakladi lɛdi lɛma leevu ku nina bebuo kɔdikɔ kɔlɔ.

²⁷Na Lewiƒuɔ bamba bani nási Gerson kaba kemmo béte-ma lɛma inyɔ na ɔmii kalɔ kani nkya Manase kaba kakɛ na ani ndi Golan ɔni nkya Basan na ɔdi katamikukɔ ɔma unwi ku Beestra ku nina bebuo kɔdikɔ kɔlɔ.

²⁸Na Isakar kaba kemmo béte-ma lɛma ine, na ani ndi Kision ku Daberat

²⁹ku Yarmut ku En-Ganim ku nina bebuo kɔdikɔ kɔlɔ.

³⁰Na Aser kaba kemmo béte-ma lɛma ine na ani ndi Misal ku Abdon

³¹ku Helkat ku Rehob ku nina bebuo kɔdikɔ kɔlɔ.

³²Na Naƒtali kaba kemmo béte-ma lɛma ɛtɛ. Na ani ndi Kedes ɔni nkya Galilea na ɔdi katamikukɔ ɔma unwi ku Hamot-Dor ku Kartan ku nina bebuo kɔdikɔ kɔlɔ.

³³Na lɛma lɛni nási Gerson adua ammɔ kemmo libo leevu-ɛtɛ ku nina bebuo kɔdikɔ kɔlɔ.

³⁴Na Lewiƒuɔ bakladi bani nási Merari adua kemmo béte-ma lɛma ine na ama ndi Sebulon kaba. Na lɛma lɛmmɔ ndi Yokneam ku Karta

³⁵ku Dimna ku Nahalal ku nina bebuo kadikɔ kɔlɔ.

³⁶Na Ruben kaba kemmo béte-ma lɛma ine, na ani ndi Beser ku Yahas

³⁷ku Kedemot ku Maƒaat ku nina bebuo kɔdikɔ kɔlɔ.

³⁸Na Gad kaba kemmo béte-ma katamikukɔ ɔma ɔni baalɔ banii Ramot ɔni nkya Gilead ku Mahanaim

³⁹ku Hesbon ku Yaser ku nina bebuo kɔdikɔ kɔlɔ.

⁴⁰Anwuɔsu Merari adua bekyuli béte-ma lɛma leevu-inyɔ.

⁴¹Na lɛma lɛni na béte Lewiƒuɔ na lɛkya Israel kalɔ lɛlɔ lɛdi lɛma aavlene-maane ku nina kɔdikɔ kɔlɔ.

⁴²Na ɔma ɔdi biala ubo bebuo kadikɔ kalɔ.

⁴³Anwuɔsu Unwoti úti kɔlɔ kɔni ƒui na úse kenye ka weti wete Israelƒuɔ bati kuuku úte Israelƒuɔ na bételie-ka kemmo.

⁴⁴Na Unwoti ɔ́ya na bákɛ atu bɔyɔ na kalɔ kammɔ ƒui kemmo aani kalɛ na ɔ́su bana bati kuuku úse. Na bana bekisine ƒui bátakana na bénye basiaku-ma. Ɔsika Unwoti ɔlati nékpo úte Israelƒuɔ.

⁴⁵Na linyese biala na Unwoti úse Israelƒuɔ ni, ɔ́di-ni lɛlɔ ƒui pɛpɛɛpɛ.