Read Lelemi Litemi Batɛne 14 Bible Online

Litemi Batɛne 14 - Lelemi bible

Litemi Batɛne 14

¹Amu na Simson ɔ́vi úsie Timna. Na mmɔ ɔ́nu Ƒilistini ugblebi ɔdi.

²Uwi ɔni na únwini úsie ɔti ku uni kudɔ ni, ɔ́su-ma ɔnini, “Lɛ́nu Ƒilistini ugblebi ɔdi na Timna. Anwuɔsu bitévele-nwu bite-mi na liti-nwu.”

³Na ɔti ku uni béye-nwu banini, “Uleku ɔdi uuubo na ɔɔdia bɔnu na ɔmanku-ɔ na bula ɔtɔ kemmo? Iye ɔdi uuubo na bula kadi akɔ? Bi ɔsu na Ƒilistiƒuɔ bani neeekulo ago mɛni kudɔ na adubusie etéti uleku?” Nsu Simson únye ɔti lɛlɔ na ɔ́su-nwu ɔnini, “Tévele-nwu te-mi. Ɔsika anwu námanku-mi.”

⁴Ɔmɛni ƒui na nwuna bawɔne baagyi ka ala amɛni ƒui ási Unwoti kudɔ. Na Unwoti ɔɔwia kuƒi kɔni na ɔsia na ukpoku Ƒilistiƒuɔ. Ɔsika uwi ɔmmɔ kemmo ni, na Ƒilistiƒuɔ mɔɔdi Israelƒuɔ lɛlɔ.

⁵Na Simson ku ɔti ku uni báta na bésie Timna. Uwi ɔni badaku adingyii kemo kadi nde Timna budu ni, kɔnakunwi gyata ɔkɔdi ɔ́da ɔ́lɛ na ɔ́ƒulu úsie Simson kudɔ.

⁶Mmɔ na Unwoti Kɔyu kúbeduo Simson lɛlɔ kemmo ku ɔyikun, na úƒie gyata ɔmmɔ ɔ́duli aani kalɛ na baaduli ese ubi. Nsu útasu ɔti iye uni lɛla lɛni na ɔ́bla.

⁷Mmɔ na úsie uleku ɔmmɔ kudɔ na báda kɔtɛ, ɔsika nwuna lɛlɔ lɛɛda-nwu kubiti.

⁸Uwi ɔdi kama Simson únwini úsie ɔnii utéti ulekudi ɔmmɔ. Na ka údu kesii kani na ɔ́du gyata ɔmmɔ ni, únwini ɔ́nu gyata ekubi ka ewi mmɔ na banwɛnwɛ bakya-nwu kemmo na uwɔ úyi-nwu kemmo.

⁹Na údie ɔdi na ɔda ɔɔdi na nwuna ulu busie kemmo. Na uwi ɔni na útásiaku nwuna bawɔne ni, úte-ma na ama lɛnɔ bádi ɔdi. Nsu útasu-ma ka gyata ekubi ani nákwi ewi kemmo na údie uwɔ ɔmmɔ.

¹⁰Na Simson ɔti úsie ulekubi ɔmɛni kaduli, na Simson ɔ́ya na bádi limeyi béte ulekudi aani kalɛ na bana ɔdi ɔɔtina ka babla bete uleku utidi.

¹¹Ka Ƒilistiƒuɔ bánu Simson ni, bédie nkyuli avlaatɛ ka betélie-nwu kudɔ.

¹²Amu na Simson ɔ́su bekyuli bammɔ ɔnini, “Ndubo-mii agyolo adi bɔtu bute na lite-mii emeyi maatɛ na emeyi amɛni bɔdi kemmo na bidie-nwu kalɔ. Na si bɛkana agyolo ammɔ kalɔ budie ni, ndubute-mii adi abuni avlaatɛ ku lɛwu lɛbuni avlaatɛ.

¹³Na si bítakana agyolo ammɔ kalɔ budie ni, na amii lɛnɔ bɛdubute-mi adi abuni avlaatɛ ku lɛwu lɛbuni avlaatɛ.” Amu bekyuli bammɔ básu Simson banini, “Tu agyolo ammɔ boku!”

¹⁴Mmɔ Simson úse agyolo amɛni kalɔ ku bɔtu ɔnini, “Ɔdivone kemmo na lɛdila lɛ́si, na ɔlɔkplune kemmo na emini álɛ.” Nsu emeyi atɛ sɔɔn bekyuli bamɛni batakana agyolo amɛni kalɔ budie.

¹⁵Na limeyi linedi lɛlɔ bekyuli bammɔ bésie Simson ulekudi kudɔ na básu-nwu banini, “Tɔlɔ ƒ'ɔgyani na udie agyolo ammɔ kalɔ ɔtina-a na asu-bu. Si ɔɔɔdi lɛni bɔdubo awɔ ku ƒula ɔti kaduli bɔkyula bɔsala.” Na béye ulekubi ɔmmɔ banii, “Munuu buti na éti ɔnanabi ɔmɛni éboku anii ubeyu-bu?”

¹⁶Ɔmɛni ɔsu Simson ulekudi úsie Simson kudɔ na ɔ́da keku, na úƒwimi lɛlɔ útava ɔgyani lɛlɔ, na ɔ́su-nwu ɔnini, “Mɔɔnu geen ka ɔɔɔdi ƒula kayi kemmo na éti aayɔ́-mi. Ɔsika átu agyolo adi éte mina bekyuli, nsu ami amu átasu-mi na edie-nya kalɔ atina-mi.” Amu na Simson ɔ́su-nwu ɔnini, “Agyolo amɛni ni, ńtedie-nya kalɔ ńtatina mina ɔti ku uni muedi. Anwuɔsu bi ɔsu na ɔlɛka lidie-nya kalɔ lɛtina?”

¹⁷Ɔmɛni ɔsu ulekudi ɔmɛni úwulo emeyi maatɛ ani ƒui bakya baadi limeyi mmɔ. Ɔmɛni ɔsu limeyi maatɛdi lɛlɔ Simson údie agyolo amɛni kalɔ ɔ́tina ulekudi, ka únye-nwu lɛlɔ ɔsu. Na ulekudi ɔmɛni úkeli úsie útásu nwuna bekyuli agyolo amɛni kalɔ.

¹⁸Asa na ɔƒɛ ɔdubuduo nwuna lɛyu kemmo limeyi maatɛdi lɛlɔ ni, ɔma ɔmmɔ bekyuli básu Simson banini, “Bi ndubɔyu ɔkplu butulo gyata?” Mmɔ na Simson údie kenye ɔnini, “Si ɔɔɔdi mina ɔmantɛ akɔ na bɛda biinwíni kalɔ ni, nka úti úbedu ɔƒaani ni, bilakana agyolo ammɔ kalɔ budie!”

¹⁹Amu na Unwoti Kɔyu kúbaƒɔ Simson lɛlɔ kemmo ku ɔyikun, na úsie Askelon na útádu bana banana avlaatɛ na úti bana akɛla útéte bekyuli bani nédie agyolo ammɔ kalɔ. Na úti kɔnyi kati kati na ɔ́vi úsie ɔti kaduli.

²⁰Na béti Simson ulekudi béte ɔkpana ɔni bédie béte Simson na nwuna ulekudi ketikɔ.