Read Lelemi Litemi Batɛne 5 Bible Online

Litemi Batɛne 5 - Lelemi bible

Litemi Batɛne 5

¹Limeyi lɛmmɔ ni, Debora ku Abinoam ubidi ɔni baalɔ banii Barak bátu kɔgya kɔmɛni.

²“Israel bagadine bammɔ bágyu bátɔ, na bekyuli bammɔ lɛnɔ bénu kalɔ béti lɛlɔ bákpa na básiaku-ma. Anwuɔsu bɛya na bumwi Unwoti!

³“Amii baga, binu! Amii lɛlɔ badine bise atu. Ndubo ɔnu budie lɛtu kɔgya limwi Unwoti, Israel Katɔti.

⁴“O Unwoti, uwi ɔni na álɛ Seir kalɔ lɛlɔ na ésie ávi Edom kalɔ lɛlɔ ni, kalɔ kákunku na kayaa kénwini na ulɔyɔ únwini ɔnantu ɔ́na.

⁵“Abi ákunku na Unwoti anumi, anwu ɔni ndi Sinai Unwoti, Israel Katɔti.

⁶“Na Anat ubidi Samgar uwi ku Yael uwi ni, bekyuli béni lilu linengudi lɛmmɔ lɛlɔ bɔsia na belusiene baasia lilu lɛni nse gonti gonti lɛlɔ.

⁷Ngba bulie na akpaklɔ lɛma na Israel kenye kébo kalɔ. Úbo kalɔ úti útédu uwi ɔni na ami Debora líbo. Na líbo aani ubi uni úte Israel ƒui.

⁸Si uwi ɔni na Israelƒuɔ báƒuna baƒiɔ bawɔdi ni, kekpo kaadá taalɛ ɔma kabanye. Na lɛtula iye lɛgyumanala lɛdi lilalɛ na bula Israelƒuɔ mpim aavlene bani nkya akɔ

⁹Nsu mina kayi kasia Israelƒuɔ bagabi lɛlɔ ku nkyuli ɛlɛɛ bani néti lɛlɔ béte ƒaa lɛlɔ. Anwuɔsu bɛya na bumwi Unwoti.

¹⁰“Amii bani nlie bapɔnkɔ baƒualadi lɛlɔ na kuntu kuliekɔ kɔni na bíbo bɛda-ma mmɔ lɛlɔ na bɛkɛ lilu lɛlɔ biisié taavi ni, bɛbu ɔmɛni bɛnu.

¹¹Na kɔgya bediene básala na abiɔ atu na beedie kɔgya taasu kalɛ na Unwoti ɔ́di lɛlɔ úte Israelƒuɔ ku bekpone bammɔ kabla. “Mmɔ na Unwoti bekyuli báyu bésie bana ɔma unengudi ɔban kayakun kenye.

¹²Na básu banii, ‘Debora, tɔnku-bu! Debora tɔnku-bu! Na atɔnku-bu ku kɔgya. Awɔ Barak, Abinoam ubidi, ta na eti ƒula bekyuli beƒiedi kɔnakunwi!’

¹³“Ɔmɛni kama ni, banana bani nébu bébo bábanu bana benengu. Na Unwoti bekyuli bakladi básala lɛlɔ ku bana bayikune bébo.

¹⁴Badi bási Eƒraim na kalɔ kani Amalekƒuɔ béli dii. Na Benyamin kɔdua bekyuli lɛnɔ bábasiaku-ma. Na Makir bekpone batɔnkune bébo. Na bani mɔɔda kekpo lɛdi bediene ugyii lɛnɔ bási Sebulon bébo.

¹⁵Na Isakar bagabi básiaku Debora. Na badi lɛnɔ basiaku Barak ku usi bétédu kɔwɛ kemmo. Na Ruben kɔdua ama béle lɛlɔ kemmo inyɔ, anwuɔsu bátati lɛla lɛni babla.

¹⁶Na beeye banii bi ɔsu na básɔ bakya baƒonu bammɔ kudɔ, na beteenu kalɛ baƒonu badane bammɔ bakpali bana bebuo. Sɔsɔ na ɔdi ka Ruben kɔdua béle lɛlɔ kemmo inyɔ. Ɔmɛni ɔsu na bábla kasusu ka belésie.

¹⁷Na Gad kɔdua bélie Yordan ɔƒɛ kanukɔ. Na Dan kɔdua ama básɔ bakya ɔkɔlɔ bonwu ɔmmɔ kemmo. Na Aser kɔdua bélie ɛpu kɔtu, na básɔ bakya ɛpu amadɔ mmɔ.

¹⁸Nsu Sebulon ku Naƒtali béti bana ngba bákya ɔgbankpi kemmo na kekpo kammɔ ɔsu.

¹⁹“Na Taanak kalɔ lɛlɔ baga bébo na bébekpo na Megido Ketu kɔtu. Na Kanaan baga lɛnɔ békpo, nsu bátakana na beti sika ɔƒualadi ɔdi batɔlɔku.

²⁰Ayabi ébekpo na kayaa kemmo uwi ɔni na ákya eesié taavi. Na ási katɔ katɔ ébekpoku Sisera.

²¹Na Kison Ketu kani náƒɔ lɛnyi kukuuku mmɔ kéti-ma kátɔlɔku. Sie anumi, na enye kpakplaa.

²²Amu na bapɔnkɔ bébo na babagyu na baabla kudu.

²³Na Unwoti ɔtu ɔdi úbo na ɔ́su ɔnini, ‘Biwida Meros, na bɛsɔ biwida bekyuli bani nli mmɔ. Ɔsika bétebo bétebebunku Unwoti na bekpo. Nka bɔlɛ na balɛ bebo bebebunku-nwu na bekpo otogyi ɔmmɔ.’

²⁴“Na bite Yael kusɛ kusɛ, anwu ndi Heber ɔni nási Keni ulekudi. Na ɔdi uleku ɔni kuli kɔ́dia kútulo na beleku bani nli kevo ɔtɔ kemmo akɔ.

²⁵Sisera ɔ́su ka utukwɛ ɔɔda-nwu na úte-nwu anyintu na ɔ́ni. Na lɛkyami lɛni mɔɔdia bɔnu kaduɛ kemmo na úti anyi ntu ku ala ƒɛƒɛɛ ɔkya na uti úboku-nwu.

²⁶Na úti kevo liwele ɔkya kɔnu kudeedi na úti lɛtabi lɛnɔ ɔkya kɔnu kunyɔdi na úti ɔ́ƒiɛmi Sisera kelima na kuli kɔ́bwɛ-nwu. Na úbo liwele lɛmmɔ ɔ́lɛ-nwu lɛtukpo.

²⁷Na ɔ́yu úbo uleku ɔmmɔ lɛgba kalɔ, na úbuli ɔtɛ mmɔ kani, na úkpi.

²⁸“Amu na Sisera uni ɔ́kya lili ɔnu nwuna ƒansili, na úye lɛlɔ ɔnini, ‘Bi ɔsu na Sisera bapɔnkɔ kɛɛkɛ bakpɛ kama lɛni? Na bi ɔsu na nwuna bapɔnkɔ lɛnɔ belebo?’

²⁹Na nwuna begblebi ɔnundane ɔdi údie-nwu kenye ɔnini,

³⁰‘Ala kama basiaku na bekpo baƒɔ-nya, na uleku unwi iye beleku inyɔ benye basiaku ukpone unwi. Kɔdi na banii kɔɔdia bɔnu lɛni bete Sisera ka uti ɔda-a limɔ aani ɔga uleku ɔsu.’

³¹“Anwuɔsu, O Unwoti, ƒula bekisine ƒui bayii udu! Nsu bani mɔɔyɔ-ɔ litemi ama ni, bekeye aani ɔƒɛ ɔtu ɔdubo.” Amu na kalɔ kammɔ kakɛ bɔnwuna akwa aavlene sɔɔn.