Read Lengua Sur Génesis 5 Bible Online

Génesis 5 - Lengua Sur bible

Génesis 5

¹Keso apkelwesey axta Adán aptawán'ák neptámen se'e: Xama axta apkeláneya énxet ma'a Dios, apkeláneyak axta m'a aphawo aptémakxa nak;

²apkenna' tén han kelán'a, keñe axta apkeltamho kataqmelhok ekheykha. Apteméssessek axta apwesey énxet Dios ma'a sekxók axta apkeláneya.

³Ciento treinta apyeyam apagkok axta temék Adán, apteyeykmo m'a apketche, apteméssessama axta apwesey Set, aphawók apagko' axta han ma'a.

⁴Aphegkek axta makham Adán ochocientos apyeyam natámen xa, keñe axta apkelweteykekxo makham mók apketchek apkelennay'a, tén han kelwán'ák.

⁵Novecientos treinta apyeyam axta han weykmok apha, keñe apketsapa.

⁶Ciento cinco apyeyam apagkok axta temék Set, apteyeykmo m'a apketche Enós.

⁷Aphegkek axta makham ochocientos siete apyeyam Set natámen xa, tén axta apkelweteykekxo makham mók apketchek apkelennay'a, tén han kelwán'ák.

⁸Novecientos doce apyeyam axta han weykmok apha, keñe apketsapa.

⁹Noventa apyeyam apagkok axta temék Enós, apteyeykmo m'a apketche Cainán.

¹⁰Aphegkek axta makham ochocientos quince apyeyam Enós natámen xa, tén axta apkelweteykekxo makham mók apketchek apkelennay'a, tén han kelwán'ák.

¹¹Novecientos cinco apyeyam axta han weykmok apha, keñe apketsapa.

¹²Setenta apyeyam apagkok axta temék Cainán, apteyeykmo m'a apketche Mahalalel.

¹³Aphegkek axta makham ochocientos cuarenta apyeyam Cainán natámen xa, tén axta apkelweteykekxo makham mók apketchek apkelennay'a, tén han kelwán'ák.

¹⁴Novecientos diez apyeyam axta han weykmok apha, keñe apketsapa.

¹⁵Sesenta y cinco apyeyam apagkok axta temék Mahalalel, apteyeykmo m'a apketche Jéred.

¹⁶Aphegkek axta makham ochocientos treinta apyeyam Mahalalel natámen xa, tén axta apkelweteykekxo makham mók apketchek, apkelennay'a tén han kelwán'ák.

¹⁷Ochocientos noventa y cinco apyeyam axta weykmok apha, keñe apketsapa.

¹⁸Ciento sesenta y dos apyeyam apagkok axta temék Jéred, apteyeykmo m'a apketche Henoc.

¹⁹Aphegkek axta makham ochocientos apyeyam Jéred natámen xa, tén axta apkelweteykekxo makham mók apketchek, apkelennay'a tén han kelwán'ák.

²⁰Novecientos sesenta y dos apyeyam axta weykmok apha, keñe apketsapa.

²¹Sesenta y cinco apyeyam axta temék Henoc, apteyeykmo m'a apketche Matusalén.

²²Aptemegkek axta chá'a Henoc neyseksa apha m'a ektémakxa axta chá'a apmopmenyého m'a Dios. Aphegkek axta makham trescientos apyeyam Henoc, natámen axta aptéyam ma'a Matusalén, tén axta apkelweteykekxo makham mók apketchek apkelennay'a, tén han kelwán'ák;

²³trescientos sesenta y cinco apyeyam axta weykmok apha.

²⁴Xama ekhem axta apxeganakmo Henoc, hakte Dios axta apyentamákxa', eñama apteme chá'a m'a ektémakxa axta apmopmenyého Dios.

²⁵Ciento ochenta y siete apyeyam axta weykmok Matusalén, apteyeykmo m'a apketche Lámec.

²⁶Aphegkek axta makham setecientos ochenta y dos apyeyam Matusalén natámen xa, tén axta apkelweteykekxo makham mók apketchek apkelennay'a tén han kelwán'ák.

²⁷Novecientos sesenta y nueve apyeyam axta weykmok apha, keñe apketsapa.

²⁸Ciento ochenta y dos apyeyam axta weykmok Lámec, apteyeykmo m'a apketche apagko' nak.

²⁹Apteméssessek axta apwesey Noé, tén axta aptáha s'e: “Aptaqnagkamchek axta Wesse' egegkok xapop, kéméxcheyk antemeykha ekyentaxno agko' yaqwayam agkenekxak aqsok, sa' eyke héllókassesek negyampe s'e sakcha'a nak.”

³⁰Aphegkek axta makham quinientos noventa y cinco apyeyam Lámec, natámen axta aptéyam ma'a Noé, tén axta apkelweteykekxo makham mók apketchek apkelennay'a, tén han kelwán'ák.

³¹Setecientos setenta y siete apyeyam axta weykmok apha, keñe apketsapa.

³²Quinientos apyeyam apagkok axta temék Noé, appalleykmo m'a apketchek apqántánxo; Sem Cam tén han Jafet.