Read Lengua Sur 2 Reyes 7 Bible Online

2 Reyes 7 - Lengua Sur bible

2 Reyes 7

¹Apchátegmowágkek axta Eliseo: —Yeyxho sa' Wesse' egegkok appeywa. Aptáhak Wesse' egegkok: ‘Saka, sa' kaxhok se'e ekwánxa nak hóra, xama selyaqye aktek élmope sa' kaxwók kélwanchek kólmok siete litros ma'a hótáhap, tén sa' nahan xama selyaqye aktek élmope kélwanchek kólmok quince litros ma'a apho nak hótáhap, cham'a nentaxnamakxa nak Samaria.’

²Apchátegmowágkek axta apyetleykencha'awól'a chá'a wesse' apwányam ma'a Dios appeywa aplegasso: —Elmeykesagkok sa' eykhe Wesse' egegkok átog étkók ma'a néten, megkatnehek sa' eyke xa aptáhakxa nak. Apchátegmowágkek axta Eliseo: —Apaqta'ák apagko' sa' eykhe étak xép xa, metwehek sa' eyke.

³Keñe m'a cuatro énxet'ák ektamhéyak axta negmasse ektepelchamaxche egyempehek, apheykencha'a axta m'a átog nak tegma apwányam, aptáhak axta chá'a apcháneya pók se'e: —¡Chaqhémok negheykencha'a nélhaxanma agmaskok se'e!

⁴Óletsapok han nélmeyákxo enxoho m'a tegma apwányam nak, hakte méko nento m'a; negháha agkok han se'e, agmaskok nahan. Ólmahagkok sa' ma'a apkelpakxeneykegkaxa nak sirios; sa' agkok hẽlnápak, ólweynchamha sa' makham; ẽlnapchek sa' agkok han, méko han ekmaso hakte óletsapok sa'.

⁵Tén axta apkelxega m'a amonyel'a ekyáqtésso, apkelmahágkek axta m'a apkelpakxeneykegkaxa nak sirios; xama axta apkelágketchessekmo m'a, apkelyekpelchágwokmek axta méko énxet ma'a.

⁶Hakte Wesse' egegkok axta apteméssesso m'a sẽlpextétamo nak Siria, yaqwayam ellegak ektémól'a kalxegmak ekxámokma yátnáxeg apkelyenyawasso apkenchesso nak kempakhakma, keñe han yátnáxeg apkelchánte, tén han ma'a ektémól'a sẽlpextétamo apxámokma elxegma'; apkeneykek axta eláneyáha yaqwayam epasmok wesse' apwányam Israel ma'a apkelwesse'e apkelwányam apagkok nak hititas, tén han ma'a apkelwesse'e apkelwányam apagkok nak egipcios, yaqwayam ektamagkok ma'a sirios.

⁷Axta keñamak apkenyahágko axta'a m'a sirios, apkexakkek axta aqsa m'a apkelpakxeneykegkaxa nak, yátnáxeg tén han yámelyeheykok yaqwayam elwagkasakpok teyp.

⁸Xama axta apkelwokmo negmasse ektepelchamaxche egyempehek ektamhéyak ma'a nekhaw'ék nak apkelpakxeneykegkaxa, keñe apkelántaxnegwokmo xama kélpakxanma, aptókagkek axta aptéyak tén han apyenágko m'a apyenéyak; apkelmeyk axta han ma'a sawo élmope élmomnáwa, sawo élyátekto élmomnáwa tén han apáwa, keñe axta apkeltaqháwo apkelpóssákxo. Apkelchexyekmek axta makham apkelántaxnegwa'akto m'a pók kélpakxanma, apkelmeyk axta han aqsok ekhéyak ma'a, keñe apkelpóssákxo makham.

⁹Keñe axta aptáha chá'a apcháneya pók se'e: —Asagkek nentáhakxa'. Sakhem eykhe ansakxak amya'a ektaqmela, nélwanmeyáha eyke aqsa negko'o. Nélhaxneyk sa' agkok kalse', ólxénaxchek sa' nélsexnánémaxche'. Tásek ólmeyekxak kaxwók ma'a tegma apyawe apagkok nak wesse' apwányam tén sa' óltennaksek.

¹⁰Apkelmeyákxeyk axta m'a, keñe apkelwónencha'a m'a apkeltaqmelchesso axta m'a tegma apwányam. Aptáhak axta apkeláneya: —Nélmahágkek xeyk negko'o m'a apkelpakxeneykegkaxa nak sirio, méko excheyke xama enxoho énxet ma'a; manleg'awok elpaqmeyesmakha xama enxoho. Wánxa aqsa apkelyagqa m'a yátnáxeg tén han yámelyeheykok kélnaqtete táma, melhaxyawásegkok han ma'a apkelpakxenéyak nak.

¹¹Yetlókok axta han apkeltennáseyak apheykha axta kañe' wesse' apwányam apxagkok ma'a apkelhaxneykha axta chá'a m'a nentaxnamakxa nak tegma apwányam.

¹²Tén axta apchampákxo néten wesse' apwányam, axta'a axta eykhe aptáha apkeláneya sẽlpextétamo apkelwesse'e apagkok se'e: —Altennaksek sa' ko'o kéxegke apmakókxa nak henteméssesek ma'a sirios. Hakte apkelya'ásegkók néllegágkoho negko'o meyk sẽlnapma, apkelántekkek ma'a apkelpakxeneykegkaxa nak apkelyexánegwokmo m'a yókxexma, ekxéna apkelwáxok nélántepa enxoho negko'o s'e tegma apwányam, keñe hẽlmok elántexek se'e tegma apwányam nak.

¹³Keñe axta xama sẽlpextétamo apkemha apmonye' apagkok aptáha s'e: —Tásek kóláphaksek nápakha énxet'ák ma'a cinco yátnáxeg apkeleymomap nak, yaqwayam sa' agya'asagkohok ektáhakxa'. Sa' agkok etekyawak, essenhan aptekyawa enxoho, kaxhok sa' ektamhágkaxa m'a sentémakxa nak negko'o, nentáha nak israelitas, negheykencha'a nak makham ketók nentekyómakxa'.

¹⁴Apnaqtehetchásekxeyk axta yátnáxeg ánet apkelyenyawasso, keñe wesse' apwányam apkeláphasa m'a apkelpakxeneykegkaxa nak sirios apkeltamho elano'.

¹⁵Apkelyetlókek axta aptamnek sirios ekweykekxoho m'a Jordán, apkelwet'ak axta han chá'a ámay apxámokma apáwa apkexakha m'a sirios, tén han mók aqsok, eñama apkelpekhésso apkenyahéyak. Keñe axta apkeltaqháwo makham ma'a wesse' apwányam apkeláneykha, apkeltennássekxo ekyókxoho ektáhakxa apkelwete.

¹⁶Yetlókok axta apkelánteyapma énxet'ák apkelwokmo aqsok ma'a apkelpakxeneykegkaxa axta m'a sirios. Temék axta m'a aptémakxa axta apxeyenma m'a Wesse' egegkok, xama selyaqye aktek ekmope axta tamhákxak ekyánmaga siete litros ma'a hótáhap; xama selyaqye aktek ekmope axta han tamhákxak ekyánmaga quince litros ma'a apho nak hótáhap.

¹⁷Apkeltamhók axta elanha wesse' apwányam nentaxnamakxa tegma apwányam ma'a apkeláneykha apyetleykencha'awo axta chá'a, apyehegwokmek axta eyke apkenmágkaxa átog ma'a énxet'ák, apkelteyammékxeyk axta keñe apketsapa, aptémakxa axta appeywa m'a Dios appeywa aplegasso, apya'áyekmo axta m'a wesse' apwányam.

¹⁸Temék axta m'a aptémakxa axta Dios appeywa aplegasso apkeltennassama m'a wesse' apwányam nak, apxeyenma axta m'a nentaxnamakxa nak Samaria, peya elmakpok chá'a siete litros hótáhap xama selyaqye aktek ekmope, keñe han quince litros ma'a apho nak hótáhap.

¹⁹Axta aptemék sẽlpextétamo apkemha apmonye' apchátegmoweykegko m'a Dios appeywa aplegasso, elmeykesagkok sa' eykhe Wesse' egegkok átog étkók ma'a néten, megkatnehek eyke xa aptáhakxa nak. Keñe axta aptéma apchátegmoweykegko Eliseo s'e, apaqta'ák apagko' sa' xeyep éta', metwehek sa' eyke.

²⁰Temék axta han, hakte apyegamchek axta énxet'ák ma'a nentaxnamakxa nak tegma apwányam, keñe apkelteyammeykekxo apketsapma.