Read Lengua Sur 1 Crónicas 6 Bible Online

1 Crónicas 6 - Lengua Sur bible

1 Crónicas 6

¹Leví apketchek axta s'e: Guersón, Quehat tén han Merarí.

²Quehat apketchek axta s'e: Amram, Ishar, Hebrón tén han Uziel.

³Amram apketchek axta s'e: Aarón, Moisés tén han María. Aarón apketchek: Nadab, Abihú, Eleazar tén han Itamar.

⁴Finees axta apyáp ma'a Eleazar, keñe axta Abisúa apyáp ma'a Finees,

⁵Abisúa axta apyáp ma'a Buquí, keñe axta Uzí apyáp ma'a Buquí.

⁶Zeraías axta apyáp ma'a Uzí, keñe axta Meraiot apyáp ma'a Zeraías,

⁷Amarías axta apyáp ma'a Meraiot, keñe axta Ahitud apyáp ma'a Amarías,

⁸Sadoc axta apyáp ma'a Ahitub, keñe axta Ahimaas apyáp ma'a Sadoc,

⁹Azarías axta apyáp ma'a Ahimaas, keñe axta Johanán apyáp ma'a Azarías,

¹⁰Azarías axta apyáp ma'a Johanán, apteme axta apkelmaxnéssesso Dios énxet'ák apagkok ma'a tegma appagkanamap apkelane axta Salomón ma'a Jerusalén.

¹¹Amarías axta apyáp ma'a Azarías, keñe axta Ahitub apyáp ma'a Amarías,

¹²Sadoc axta apyáp ma'a Ahitub, keñe axta Salum apyáp ma'a Sadoc,

¹³Hilquías axta apyáp ma'a Salum, keñe axta Azarías apyáp ma'a Hilquías,

¹⁴Seraías axta apyáp ma'a Azarías, keñe axta Josadac apyáp ma'a Seraías.

¹⁵Apmomakpek axta Josadac kélya'assama megkatnahakxa apchókxa', cham'a apkelya'assama axta Wesse' egegkok megkatnahakxa apkelókxa m'a énxet'ák Judá, tén han Jerusalén, apchásenneykekxo axta m'a Nabucodonosor.

¹⁶Keso Leví axta apketchek se'e: Guersón, Quehat tén han Merarí.

¹⁷Guersón axta apketchek se'e: Libní tén han Simí.

¹⁸Quehat axta apketchek se'e: Amram, Ishar, Hebrón tén han Uziel.

¹⁹Merarí axta apketchek se'e: Mahli tén han Musí. Cháxa Leví apketchek axta xa.

²⁰Keso Guersón axta aptawán'ák neptámen apkelánamákpoho s'e: Libní, Jáhat, Zimá, Joah, Idó, Zérah tén han Jeatrai.

²¹

²²Keso Quehat axta aptawán'ák neptámen apkelánamákpoho s'e: Aminadab, Coré, Asir, Elcaná, Ebiasaf, Asir, Táhat, Uriel, Ozías tén han Saúl.

²³

²⁴

²⁵Elcaná axta apketchek se'e: Amasai tén han Ahimot, keñe han Ahimot aptawán'ák neptámen apkelánamákpoho s'e: Elcaná, Sofai, Náhat, Eliab, Jeroham tén han Elcaná.

²⁶

²⁷

²⁸Samuel axta apketchek se'e: Vasní, apketche átnaha apketkok, tén han Abías.

²⁹Keso Merarí axta aptawán'ák neptámen apkelánamákpoho s'e: Mahli, Libní, Simí, Uzá, Simá, Haguías tén han Asaías.

³⁰

³¹Keso énxet'ák apkelmeneykmasso ektáha axta David apkeltémo chá'a elmeneykmaksek ma'a kañe' Wesse' egegkok tegma appagkanamap apagkok, eyeynókxa m'a sekxók axta kélpekkenweykmo yántéseksek ma'a.

³²Elmeneykmaksohok axta chá'a ekpayho nak kélpakxanma apchaqneykekxexa énxet'ák, ekwokmoho apkelana Salomón Wesse' egegkok tegma appagkanamap apagkok ma'a Jerusalén, keñe axta apkellenxanmeykegkoho aqsa makham apkelmeneykmasso m'a aptamheykegkaxa axta chá'a.

³³Keso énxet'ák ektáha axta chá'a apkelxegkesso yetlo apketchek: Quehat aptawán'ák neptámen, cham'a Hemán ektáha axta chá'a apmeneykmasso, Joel axta apketche, cham'a Joel Samuel axta apketche,

³⁴cham'a Samuel, Elcaná axta apketche, cham'a Elcaná, Jeroham axta apketche, cham'a Jeroham, Eliel axta apketche, cham'a Eliel, Tóah axta apketche,

³⁵cham'a Tóah, Suf axta apketche, cham'a Suf, Elcaná axta apketche, cham'a Elcaná, Máhat axta apketche, cham'a Máhat, Amasai axta apketche,

³⁶cham'a Amasai, Elcaná axta apketche, cham'a Elcaná, Joel axta apketche, cham'a Joel, Azarías axta apketche, cham'a Azarías, Sofonías axta apketche,

³⁷cham'a Sofonías, Táhat axta apketche, cham'a Táhat, Asir axta apketche, cham'a Asir, Ebiasaf axta apketche, cham'a Ebiasaf, Coré axta apketche,

³⁸cham'a Coré, Ishar axta apketche, cham'a Ishar, Quehat axta apketche, cham'a Quehat, Leví axta apketche, cham'a Leví, Israel axta apketche.

³⁹Aphegkek axta ekpayhókxa apkelya'assamakxa Hemán ma'a apteme pók Asaf, Berequías axta apketche, cham'a Berequías, Simá axta apketche,

⁴⁰cham'a Simá, Micael axta apketche, cham'a Micael, Baaseías axta apketche, cham'a Baaseías, Malquías axta apketche,

⁴¹cham'a Malquías, Etní axta apketche, cham'a Etní, Zérah axta apketche, cham'a Zérah, Adaías axta apketche,

⁴²cham'a Adaías, Etán axta apketche, cham'a Etán, Zimá axta apketche, cham'a Zimá, Simí axta apketche,

⁴³cham'a Simí, Jáhat axta apketche, cham'a Jáhat, Guersón axta apketche, cham'a Guersón, Leví axta apketche.

⁴⁴Keñe axta m'a ekpayhókxa nak nepsagqalwa Hemán, aphama m'a apteme pók Merarí axta aptawán'ák neptámen: Etán, Quisí axta apketche, cham'a Quisí, Abdí axta apketche, cham'a Abdí, Maluc axta apketche,

⁴⁵cham'a Maluc, Hasabías axta apketche, cham'a Hasabías, Amasías axta apketche, cham'a Amasías, Hilquías axta apketche,

⁴⁶cham'a Hilquías, Amsí axta apketche, cham'a Amsí, Baní axta apketche, cham'a Baní, Sémer axta apketche,

⁴⁷cham'a Sémer, Mahli axta apketche, cham'a Mahli, Musí axta apketche, cham'a Musí, Merarí axta apketche, cham'a Merarí, Leví axta apketche.

⁴⁸Keñe m'a pók Leví aptawán'ák neptámen aptamheykegko apyókxoho apkeltamheykha m'a tegma appagkanamap apagkok nak Dios.

⁴⁹Aarón axta chá'a apwatno m'a aqsok kélmésso naqsa Dios, cham'a néten ekwatnamáxchexa nak chá'a aqsok, keñe han ma'a ekwatnamáxchexa nak aqsok ánek ekmátsa ekpaqneyam éten agkok. Axta han apkeltamheykha m'a Kañe' Ekpagkanamaxchexa agko' nak, yaqwayam etaksek chá'a megkólyaqmagkáseykekxa melya'assáxma m'a énxet'ák Israel, ekhawo ekyókxoho apkeltémókxa axta etnahagkok ma'a Moisés, apteme axta Dios apkeláneykha.

⁵⁰Keso Aarón axta aptawán'ák neptámen apkelánamákpoho s'e: Eleazar, Finees, Abisúa, Buquí, Uzí, Zeraías, Meraiot, Amarías, Ahitub, Sadoc tén han Ahimaas.

⁵¹

⁵²

⁵³

⁵⁴Keso yókxexma apheykegkaxa axta tén han néxa xapop apagkok ma'a Aarón aptawán'ák neptámen. Quehatitas apnámakkok axta chaqhémok apkelxaweykegko m'a

⁵⁵Hebrón, yókxexma nak Judá, yetlo ekyókxoho m'a yókxexma tén han ektaqmelakxa nak pa'at.

⁵⁶Keñe m'a Caleb, Jefuné axta apketche, apxawáya m'a yókxexma apagkok axta m'a tegma apwányam, yetlo m'a tegma apketkók apagkok.

⁵⁷Keñe axta Aarón aptawán'ák neptámen apkelxaweykegko m'a Hebrón, cham'a tegma apwányam negyexánegweykekxexa, tén axta han ma'a tegma apketkók nak Libná, Jatir, Estemoa,

⁵⁸Hilén, Debir, Asán tén han ma'a Bet-semes, tén han ma'a ekyókxoho nak yókxexma, ektaqmelakxa nak pa'at.

⁵⁹

⁶⁰Apkelxaweykegkek axta han tegma apkelyawe apagkok ma'a Benjamín énxet'ák apagkok, cham'a Gueba, Alémet tén han Anatot, yetlo m'a ekyókxoho yókxexma ektaqmelakxa nak pa'at. Trece axta apyókxoho tegma apkelyawe élpehewayam axta apkelxawe m'a Aarón apnámakkok.

⁶¹Keñe axta m'a pók apnámakkok nak Quehat, élpeheweykmo apkelxawéyak ma'a diez tegma apkelyawe apagkok axta m'a Manasés nápakha énxet'ák apagkok,

⁶²keñe axta Guersón aptawán'ák neptámen, cham'a apwánxa axta chá'a apnámakkok apagko', apkelxawágko trece tegma apkelyawe apagkok axta m'a Isacar, Aser tén han Neftalí, keñe han ma'a Manasés axta nápakha énxet'ák apagkok, apkelheykmo axta m'a Basán.

⁶³Tén axta Merarí aptawán'ák neptámen, cham'a apwánxa axta chá'a apnámakkok, élpehewokmo apkelxawéyak doce tegma apkelyawe apagkok axta m'a Rubén, Gad tén han Zabulón énxet'ák apagkok.

⁶⁴Apkelméssegkek axta israelitas Leví aptawán'ák neptámen xa tegma apkelyawe nak, yetlo yókxexma ektaqmelakxa nak pa'at.

⁶⁵Tén axta Judá, Simeón tén han Benjamín énxet'ák apagkok, apkelxaweykegko m'a tegma apkelyawe, cham'a apkelxénákpo exchek, cham'a ekpehewayam axta yaqwayam elxawagkok.

⁶⁶Nápakha quehatitas axta han pehewokmok apkelxawéyak ma'a tegma apkelyawe apagkok axta m'a Efraín énxet'ák apagkok.

⁶⁷Apkelxawáyak axta han ma'a Siquem, tegma apwányam kélyexánegweykekxexa axta chá'a, apyetnama nak ma'a egkexe Efraín, yetlo m'a yókxexma ektaqmelakxa nak pa'at, keñe han ma'a Guézer,

⁶⁸Jocmeam, Bet-horón, Aialón tén han Gat-rimón, yetlo m'a ekyókxoho yókxexma ektaqmelakxa nak pa'at.

⁶⁹

⁷⁰Keñe axta m'a apkeleymomap nak quehatitas apnámakkok kélmeyásegko m'a tegma apkelyawe nak Aner tén han Bileam, apagkok axta m'a Manasés nápakha énxet'ák apagkok, yetlo m'a yókxexma ektaqmelakxa nak pa'at.

⁷¹Keñe axta Guersón aptawán'ák neptámen, cham'a apwánxa axta chá'a apnámakkok, apkelxawágko m'a tegma apwányam nak Golán, apyetnama nak ma'a Basán, keñe han ma'a tegma apwányam nak Astarot, ektáha axta han apagkok ma'a Manasés nápakha énxet'ák apagkok, yetlo m'a yókxexma ektaqmelakxa nak pa'at.

⁷²Kélmeyásegkek axta han ma'a apagkok axta Isacar énxet'ák apagkok, cham'a Quedes, Daberat, Ramot tén han ma'a Anem, xama axta chá'a yetlo m'a yókxexma ektaqmelakxa nak pa'at.

⁷³

⁷⁴Keñe m'a ektáha axta apagkok ma'a Aser énxet'ák apagkok, kélmeyásegko m'a Masal, Abdón, Hucoc tén han Rehob, xama axta chá'a yetlo m'a yókxexma ektaqmelakxa nak pa'at.

⁷⁵

⁷⁶Keñe m'a ektáha axta apagkok Neftalí énxet'ák apagkok, kélmeyásegko Quedes ekpayho nak Galilea, Hamón tén han Quiriataim, xama axta chá'a yetlo m'a yókxexma ektaqmelakxa nak pa'at.

⁷⁷Keñe axta m'a apkeleymomap nak Merarí aptawán'ák neptámen, kélmeyásegko m'a apagkok axta m'a Zabulón énxet'ák apagkok, cham'a Rimón tén han Tabor, xama axta chá'a yetlo m'a yókxexma ektaqmelakxa nak pa'at;

⁷⁸tén han ma'a ektáha axta apagkok Rubén énxet'ák apagkok, ekpayho nak ekteyapmakxa ekhem teyp wátsam Jordán, ekpayho nak Jericó, Béser ekyetnama nak meykexa énxet, Jahas, Cademot tén han Mefáat, xama axta chá'a yetlo m'a yókxexma ektaqmelakxa nak pa'at;

⁷⁹

⁸⁰tén han ma'a ektáha axta apagkok ma'a Gad énxet'ák apagkok, cham'a Ramot Galaad, Mahanaim, Hesbón tén han Jazer, xama axta chá'a yetlo m'a yókxexma ektaqmelakxa nak pa'at.