Read Lengua Sur 1 Crónicas 8 Bible Online

1 Crónicas 8 - Lengua Sur bible

1 Crónicas 8

¹Cinco axta apyókxoho apketchek ma'a Benjamín: apwete apmonye' axta m'a Bela; tén axta Asbel; keñe axta Ahrah;

²tén axta Nohá; keñe han Rafá.

³Keso apketchek axta Bela s'e: Adar, Guerá, Abihud,

⁴Abisúa, Naamán, Ahóah,

⁵Guerá, Sefufán tén han Hiram.

⁶Keso Ehud axta apketchek, apkelámha apmonye'e apagkok axta m'a aphawóxama apheykha axta m'a Gueba, kélántekkessama axta kélya'áseykekxo Manáhat:

⁷Naamán, Ahías tén han Guerá, apyáp axta m'a Uzá tén han Ahitud, ektáha axta apnaqlo.

⁸Apweteykekxeyk axta makham pók apketchek Saharaim ma'a yókxexma nak Moab, natámen axta apkexakha m'a apnaqteyegka'a, cham'a Husim tén han Baará.

⁹Keso apketchek ekwete axta m'a kaxwe aptáwa' ekwesey axta Hodes: Jobab, Sibiá, Mesá, Malcam,

¹⁰Jeús, Saquías tén han Mirmá. Cháxa apketchek axta xa, aptamhéyak axta apkelámha apmonye'e m'a nepyeseksa nak aphawóxama.

¹¹Tén ma'a aptáwa' ekwesey axta Husim, ekweteya apqánet étchek, cham'a Abitub tén han Elpáal.

¹²Elpáal axta apketchek se'e: Éber, Misam tén han Sémed, ektáha axta apkelane m'a tegma apkelyawe nak Onó tén han Lod, yetlo m'a tegma apketkók apagkok;

¹³Beriá tén han Sema, apkelámha apmonye'e axta m'a nepyeseksa nak aphawóxama apheykha axta m'a Aialón, ektáha axta apkelántekkesso m'a énxet'ák nanók apheykegkaxa axta m'a Gat;

¹⁴tén han ma'a apkelyáxeg'a Sasac tén han Jeroham.

¹⁵Zebadías, Arad, Ader,

¹⁶Micael, Ispá tén han Johá, cháxa Beriá axta apketchek xa.

¹⁷Zebadías, Mesulam, hizquí, Éber,

¹⁸Ismerai, Izlías tén han Jobab, cháxa Elpáal axta apketchek xa.

¹⁹Jaquim, Zicrí, Zabdí,

²⁰Elienai, Siletai, Eliel,

²¹Adaías, Beraías tén han Simrat, cháxa Simí axta apketchek xa.

²²Ispán, Éber, Eliel,

²³Abdón, Zicrí, Hanán,

²⁴Hananías, Elam, Anatotías,

²⁵Ifdaías tén han Peniel, cháxa Sasac axta apketchek xa.

²⁶Samserai, Seharías, Atalías,

²⁷Jaresías, Elías tén han Zicrí, cháxa Jeroham axta apketchek xa.

²⁸Cháxa apkelámha apmonye'e axta chá'a nepyeseksa aphawóxama, ektáhakxa nak chá'a aptawán'ák apagko', apheykencha'a axta m'a Jerusalén.

²⁹Axta aphak Jehiel ma'a tegma apwányam nak Gabaón, Gabaón axta apyáp. Maacá axta ekwesey aptáwa'.

³⁰Keso apketchek axta s'e: Abdón, apteme axta átnaha apketkok, Sur, Quis, Baal, Ner, Nadab,

³¹Guedor, Ahió, Zéquer

³²tén han Miclot, Simí axta apyáp. Temegkek axta m'a ektémakxa axta apheykha m'a apkelpepma, apheykha axta xamo' ma'a Jerusalén.

³³Quis axta apyáp ma'a Ner, Saúl axta apyáp ma'a Quis, keñe Jonatán apyáp ma'a Saúl, tén han ma'a Malquisúa, Abinadab tén han Es-baal.

³⁴Jonatán axta apketche m'a Merib-baal, apyáp axta m'a Micaías.

³⁵Micaías axta apketchek se'e: Pitón, Mélec, Tarea tén han Ahaz.

³⁶Joadá axta apyáp ma'a Ahaz, keñe Alémet apyáp ma'a Joadá, tén han Azmávet tén han Zimrí; Mosá axta apyáp ma'a Zimrí,

³⁷keñe axta Biná apyáp ma'a Mosá, apyáp axta m'a Rafá, cham'a apyáp axta Elasá, cham'a Elasá, apyáp axta m'a Asel.

³⁸Seis axta apyókxoho apketchek Asel, keso apkelwesey axta s'e: Azricam, Bocrú, Ismael, Searías, Abdías tén han Hanán. Cháxa Asel axta apketchek xa.

³⁹Ésec apyáxeg axta apketchek se'e: Ulam, apteme axta átnaha apketkok; keñe axta aptétéyak Jehús, keñe han Elifélet aptáhakxa axta apqántánxo.

⁴⁰Sẽlpextétamo apkelyennaqte axta han ma'a Ulam apketchek, apmopwancha'a apkelmeykha yágke. Apxámok apagko' axta han ma'a apketchek tén han aptawán'ák, ciento cincuenta axta apyókxoho, Benjamín aptawán'ák neptámen axta xa apyókxoho nak.