Read Lengua Sur 2 Crónicas 15 Bible Online

2 Crónicas 15 - Lengua Sur bible

2 Crónicas 15

¹Aphayak axta apwáxok Dios espíritu apagkok ma'a Azarías, Oded axta apketche,

²apkelanyexakmek axta m'a Asá peya etnehek yának se'e: “¡Kóleyxho sa' sekpeywa, xép tén han ma'a apyókxoho énxet'ák nak Judá, keñe han ma'a Benjamín! Exek sa' chá'a kélnepyeseksa kéxegke Wesse' egegkok, kéltáha enxoho chá'a kélxegexma. Kélchetamchek sa' agkok kéxegke m'a, kólwetekxak sa'; kélyenyókek sa' agkok, eyenyók sa' nahan kéxegke m'a.

³Ahóxók agko' apteme meyke Dios apagkok apmámnaqsoho m'a Israel, tén han meyke apkelmaxnéssesso Dios énxet'ák apagkok yaqwayam elxekmósek chá'a, keñe han meyke kélxekmowáseyak eñama nak Dios.

⁴Apkelwet'ak axta agkok chá'a ekmaso apheykha m'a énxet'ák, elyo'ókxak axta chá'a m'a Wesse' egegkok, Dios nak Israel, yohok axta chá'a éteyekxak apketama enxoho chá'a m'a.

⁵Méko axta xama enxoho ektaqmalma negha m'a nanók axta, apkelmeneykha axta aqsa m'a apyókxoho apheykha nak ma'a ekyókxoho apkelókxa'.

⁶Apnaqtawásamakpekxoho apagko' axta aqsa chá'a aptamheykegko énxet'ák, tén han ma'a tegma apkelyawe apagkok nak, apkelyegwakkassegkek axta Wesse' egegkok apchahaya ekyókxoho mók ektémakxa nak chá'a aqsok élmasagcha'a.

⁷Kéxegke eyke, kólwasqápekxoho sa', nágkólyelqaxche', hakte kólxawak sa' ekyánmaga kéltamheykha.”

⁸Xama axta apleg'a Asá xa amya'a apkeltennasso nak Dios appeywa aplegasso, apyennákxók axta, keñe apmasséssekmo m'a aqsok kéleykmássesso ekmaso agko' nak ekyókxoho m'a kañe' nak Judá, tén han ma'a Benjamín, ekweykekxoho m'a tegma apkelyawe apmakxa axta ekpayho nak meteymog élekhahéyak ma'a Efraín, apkelánekxeyk axta m'a ekwatnamáxchexa nak aqsok Wesse' egegkok nak apagkok, ekyetnama nak ma'a apmonye' nentaxnamakxa nak Wesse' egegkok tegma appagkanamap apagkok.

⁹Tén axta apchánchesákxo apyókxoho m'a énxet'ák Judá, tén han Benjamín, ekweykekxoho m'a mók nekha apkeleñama apheykha axta nepyeseksa, apkeleñama axta m'a Efraín, Manasés tén han Simeón énxet'ák apagkok, apxámok axta israelitas apyepetcheykekxa m'a Asá, ñókxa apwet'a axta aptáha apxegexma m'a Dios Wesse' apagkok.

¹⁰Apchaqnákxeyk axta m'a Jerusalén, ekwokmo axta quince apyeyam apqántánxo pelten apteme wesse' apwányam ma'a Asá,

¹¹apkelnáhakkassek axta han Wesse' egegkok setecientos weyke xa ekhem nak, keñe siete mil ma'a nepkések, apkelyementaméyak axta m'a apkelenmexma.

¹²Tén axta aphésawo mók apkelpaqmeyesma apxéna elchetmok Wesse' egegkok naqsók agko', Dios apagkok axta m'a apyapmeyk nano'.

¹³Apkelxénchek axta han kólaqhekxak chá'a m'a memáheyo nak chá'a ektamok Wesse' egegkok, megkeyxek ma'a apkelwányam essenhan apketkók nak, énxet essenhan kelán'a.

¹⁴Apkelyennaqtésawók axta apkelpeywa apmésa ekmámnaqso' agko' ma'a Wesse' egegkok, yetlo apkelwehéseykha élpayheykekxa apkelwáxok, yetlo apkelpáwasso m'a apkelaqkahasso tén han aqsok kepet'ák.

¹⁵Apyókxoho énxet'ák Judá axta kelpayheykxak apkelwáxok, eñama m'a apteméssesso axta naqsók apkelpeywa, hakte apkelxénchek axta elanagkok naqso' agko', apkelchetamchek axta han Wesse' egegkok yetlo apmáyheykegkoho apagko' elchetmok, apcha'awók axta han apkelwetákxo m'a, apméssek axta han meyke ektáhakxa apheykha yetlo m'a apheykha nak nepyáwa'.

¹⁶Apkelwátéssessegkek axta han ekteme wesse' ekwányam apyáma' Maacá m'a wesse' apwányam Asá, hakte keltémok axta kóllanaksek ma'a kéleykmássesso Aserá. Apkelekkexeykekxeyk axta Asá m'a kéleykmássesso nak, nekha'a étkók axta aptemessásekxa', keñe apkelwatnegweykmo m'a alwáta' nak Cedrón.

¹⁷Axta eykhe kólmassésseykmok Israel ma'a kélpeykessamókxa axta chá'a aqsok kéleykmássesso, cham'a egkexe nak chá'a, axta eyke eyenseykmok mey'ásseyam ma'a Asá,

¹⁸apxátaweykekxeyk axta ekyókxoho sawo élyátekto élmomnáwa tén han sawo élmope élmomnáwa m'a Dios tegma appagkanamap apagkok, apkelpagkanchesso axta chá'a Wesse' egegkok ma'a, tén han ma'a apyáp axta.

¹⁹Axta han kampakhamaxchek ekweykmoho treinta y cinco apyeyam apteme wesse' apwányam ma'a Asá.