Read Lengua Sur 2 Crónicas 17 Bible Online

2 Crónicas 17 - Lengua Sur bible

2 Crónicas 17

¹Josafat axta aptáhak wesse' apwányam apyaqmagkasa m'a apyáp, apwesey axta Asá, yennaqweykmek axta apteme wesse' apwányam Israel.

²Apkekhésseykmek axta sẽlpextétamo m'a apyókxoho tegma apkelyawe élyennaqte nak kélhaxtegkáseyak nepyáwa m'a Judá, tén han apheykegkaxa nak chá'a sẽlpextétamo ekyókxoho m'a kañe' nak Judá, keñe han ma'a tegma apkelyawe nak Efraín, apkelma axta m'a apyáp Asá.

³Appasmomchek axta Wesse' egegkok ma'a Josafat, hakte apyetlamchek axta m'a aptémakxa axta David, apyáp nanók axta, aptémakxa axta m'a sekxók axta. Axta elpeykessamók ma'a mók ektémakxa nak kéleykmássesso Baal,

⁴wánxa axta aqsa apkelpeykessamo m'a Dios apagkok axta m'a apyáp nano', apkeláneya m'a apkeltémókxa nak antéhek, meyke apweheneykekxoho m'a aptamheykegkaxa axta énxet'ák Israel.

⁵Axta keñamak Wesse' egegkok apyennaqtéssessama apteme apkeláneykha m'a apchókxa'. Apyókxoho énxet'ák Judá axta chá'a elsantagkasek aqsok apkelmésso naqsa, xámokmeyk agko' axta aqsok apagkok, tén han apteme ekha kéláyo.

⁶Apyetlamchek axta m'a Wesse' egegkok ámay apagkok, yetlo ekmáheyo agko' apwáxok, apmasséssekmek axta makham kañe' Judá kélpeykessamókxa nak chá'a aqsok kéláyókxa m'a egkexe nak, keñe han ma'a kéleykmássesso nak Aserá.

⁷Apqántánxo apyeyam axta táhak apteme wesse' apwányam, tén axta apkeláphasa m'a apkelásenneykha: cham'a Ben-hail, Abdías, Zacarías, Natanael tén han Micaías, yaqwayam elxekmósek ma'a énxet'ák apheykha nak tegma apkelyawe Judá,

⁸apkelyetlókek axta han ma'a levitas: cham'a Semaías, Netanías, Zebadías, Asael, Semiramot, Jonatán, Adonías, Tobías tén han Tobadonías. Apkelyetlókek axta han ma'a apkelmaxnéssesso Dios énxet'ák apagkok, Elisamá tén han Joram.

⁹Apkeláphássek axta yetlo weykcha'áhak Wesse' egegkok segánamakxa apagkok, yaqwayam elxekmósek ma'a énxet'ák Judá. Apkelweynchámeykha axta apyókxoho tegma apkelyawe Judá xa énxet'ák nak, apkelxekmowáseykegko m'a énxet'ák.

¹⁰Apkeláyók apagko' axta Wesse' egegkok ma'a apyókxoho énxet'ák apheykha nak neyáwa Judá, apcháyak axta elnapakpok ma'a Josafat.

¹¹Weykmók axta apkelsókáseyam aqsok apkelmésso naqsa m'a nápakha filisteos, tén han sawo ekmope élmomnáwa yaqwayam elmések ma'a Josafat, keñe axta énxet'ák árabes apnaqlókassama siete mil setecientos nepkések apkelennay'a, tén han yát'ay apkelennay'awo'.

¹²Yágweykmek agko' axta apteme wesse' apwányam ma'a Josafat. Apkeláneykegkek axta ekyennaqte kélhaxtegkáseyak nepyáwa tegma m'a Judá, tén han tegma apkelyawe kélxátamakxa nak chá'a aqsok,

¹³xámok axta han yókxexma apagkok apagko' ma'a apheykegkaxa nak tegma apkelyawe m'a Judá. Apheyáseykha axta han sẽlpextétamo apagkok megyeye nak elmahagkok eyesagkexa m'a Jerusalén,

¹⁴keso apwánxa axta chá'a apxámokma ektáhakxa nak aphawóxama apxanák se'e: Abná axta apkemha apmonye' nepyeseksa m'a sẽlpextétamo apkelwesse'e nak Judá, yetlo m'a trescientos mil sẽlpextétamo.

¹⁵Tén axta aptétéyak apkemha apmonye' m'a Johanán, yetlo doscientos ochenta mil sẽlpextétamo,

¹⁶tén axta han aptétéyak ma'a Amasías, Zicrí axta apketche, apteme axta apmáheyo apagko' etnéssesha m'a Wesse' egegkok, yetlo m'a doscientos mil sẽlpextétamo megyeye nak elmahagkok eyesagkexa'.

¹⁷Keñe axta nepyeseksa Benjamín aphawóxama apteme apkemha apmonye' m'a Eliadá, kempakhakma yáp megyeye axta emhagkok eyesagkexa', yetlo doscientos mil énxet'ák apkelmeykha nak chá'a yágke, tén han apkeláhakkásamap,

¹⁸tén axta aptétéyak ma'a Jozabad, yetlo ciento ochenta mil énxet'ák appencháseyak nak aptamhágkaxa yaqwayam yempakha'.

¹⁹Cháxa appasmo axta chá'a wesse' apwányam xa, meyke kélyetsáteykekxa m'a apkelhésseyam axta chá'a wesse' apwányam ma'a tegma apkelyawe élyennaqte nak kélhaxtegkáseyak nepyáwa ekyókxoho m'a kañe' Judá.