Read Lengua Sur 2 Crónicas 33 Bible Online

2 Crónicas 33 - Lengua Sur bible

2 Crónicas 33

¹Doce apyeyam apagkok axta apkeynamo apteme wesse' apwányam Manasés, cincuenta y cinco apyeyam axta apteme wesse' apwányam ma'a Jerusalén.

²Axta eyke kaleklók apwáxok Wesse' egegkok ektémakxa aqsok apkelane m'a, hakte apkeláneyak axta han ekmaso aptémakxa ekhawo aptamheykegkaxa axta m'a énxet'ák, ektáha axta Wesse' egegkok apkelántekkesso nepyeseksa m'a israelitas:

³apnaqxátekháseykegkokxeyk axta makham kélpeykessamókxa axta aqsok kéláyókxa m'a egkexe nak, apkelyaqnegkáseyak axta m'a Ezequías, apyáp axta; apkeláneságkek axta han kélwatnéssamakxa chá'a aqsok ma'a kéleykmássesso nak Baal, apkelánegkek axta han kéleykmássesso Aserá; apkelpeykessamók axta m'a ekyókxoho aqsok élápogwátéyak nak néten, apkeláyók axta han chá'a,

⁴apkelánegkek axta han élwatnamáxchexa aqsok ma'a Wesse' egegkok tegma appagkanamap apagkok, apxeyenmakxa axta Wesse' egegkok katnehek ekyetnamakxa apwesey meyke néxa m'a Jerusalén.

⁵Apkelánekxeyk axta makham mók élwatnamáxchexa aqsok ma'a ánet apwáxok nak kélhaxtegkesso m'a Wesse' egegkok tegma appagkanamap apagkok, apteméssessek axta han kélwatnéssamakxa chá'a aqsok ma'a ekyókxoho élápogwátéyak nak néten.

⁶Apkelnapmeyk axta han apketchek apkelwatnama m'a ekyapwátegweykenxa nak xapop ma'a Ben-hinom, apkelwóneykha kélhagák axta aptemék, tén han apya'áseykegkoho aqsok ekpowásamaxche', tén han apkeltámésamap aptegye apmopwána, aptekkessegkek axta negásenneykekxa kélhagák, keñe han nenteme nak yohóxma. Asagkók agko' axta aqsok apkelane nápaqtók Wesse' egegkok, axta keñamak aplókassama Wesse' egegkok.

⁷Appekkenchek axta han Dios tegma appagkanamap apagkok ma'a kéleykmássesso apkelane axta aqsok apcháyókxa, apxeyenmakxa axta Dios apkeltennassama David, tén han apketche Salomón, aptéma apkenagkama s'e: “Cháxa tegma appagkanamap apyetna nak Jerusalén, sélyéseykencha'a nak nepyeseksa apyókxoho pók aptémakxa énxet'ák Israel, katnehek sa' ekyetnamakxa sekwesey meyke néxa'.

⁸Malántekkesek sa' chá'a kaxwók israelitas ma'a xapop sekheyáseykegkaxa axta m'a apyapmeyk nano', apkelyahákxoho enxoho, tén han apkelánegko enxoho ekyókxoho m'a séltémókxa nak etnahagkok, keñe han ma'a ekyókxoho nélxekmowásamáxche', tén han segánamakxa séltémókxa nak chá'a etnahagkok, sekmésso axta ko'o eñama m'a Moisés.”

⁹Apkelyetnakhásseykmek axta eyke Manasés ma'a énxet'ák Judá, tén han Jerusalén, apmeyáseykekxeyk axta apkeltémakxa ekmaso, apyánchessesseykmók axta han apkeltémakxa ekmaso, axta kaxnawok ma'a apkeltémakxa axta énxet'ák apmassésseykmo axta Wesse' egegkok apmonye'e m'a israelitas.

¹⁰Appaqhetchessek axta Wesse' egegkok ma'a Manasés yetlo énxet'ák apagkok, axta eyke elyahákxa'.

¹¹Axta keñamak apchahaya Wesse' egegkok ma'a sẽlpextétamo apkelámha apmonye'e apagkok nak wesse' apwányam Asiria, apchásekkessama axta sawo élhaxe apmoma m'a Manasés, apkelpextetegkek axta cadena sawo élyexwase, apyentameykekxeyk axta m'a Babilonia.

¹²Xama axta apwet'a aplegeykegkoho ekmaso, apwóneyha axta Dios Wesse' apagkok, chaqhegkek agko' axta apwáxok aptémakxa nápaqtók ma'a apyapmeyk nano' axta Dios apagkok.

¹³Apkelmaxnakkek axta, appasmeyk axta han ma'a Dios, apleg'ak axta m'a aqsok apkelmaxneyeykha, apcháphásekxeyk axta makham emyekxak ma'a Jerusalén, yaqwayam emekxak makham aptamheykha m'a aptémakxa nak wesse' apwányam. Apya'ásegwokmek axta Manasés Wesse' egegkok apteme Dios.

¹⁴Keñe axta natámen Manasés aphaxtegkesa nepyáwa m'a David Tegma Apwányam apagkok, ekpayho nak taxnegwánxa ekhem ma'a Guihón, yeykhayak axta m'a yegmen ényé nak, weykmók axta m'a ekwesey nak Kelasma Átog Agkok, haxnenchámeykekxeyk axta m'a tegma apwányam Ófel. Netnók agko' axta aptemék apkelane. Apnegkenágkek axta han chá'a sẽlpextétamo apkelámha apmonye'e m'a apyókxoho tegma apkelyawe élyennaqte nak kélhaxtegkáseyak nepyáwa m'a Judá.

¹⁵Apkelántekkessek axta han Wesse' egegkok tegma appagkanamap apagkok ma'a aqsok kéláyókxa éleñama nak mók apkelókxa, tén han kéleykmássesso, tén han ma'a ekyókxoho nak élwatnamáxchexa aqsok, kélpeykessamókxa axta chá'a m'a aqsok kéláyókxa, apkelane axta tegma appagkanamap ma'a egkexe nak, tén han Jerusalén, apkexakhagwokmek axta teyp tegma apwányam.

¹⁶Keñe axta apxátekhásekxo m'a kélwatnéssamakxa axta chá'a aqsok Wesse' egegkok, apnegkenchek axta kélnaqtósso ektekyawa m'a segwetassamo nak sẽlásekheykekxoho, tén han negmésso nak ekxeyenma egwáxok, apkeltamhók axta elpeykeshok Wesse' egegkok ma'a énxet'ák apheykha nak Judá tén han Jerusalén, Dios apagkok nak Israel.

¹⁷Apkelseykekxeyk axta eykhe chá'a aqsok apkelnapma énxet'ák ma'a kélwatnéssamakxa axta chá'a aqsok ma'a aqsok kéláyókxa', Dios Wesse' apagkok axta eyke chá'a apkelméssók.

¹⁸Ektémakxa axta apweynchámeykha Manasés, tén han apkelmaxnagko Dios, keñe han apkelpeywa axta m'a apkellegasso axta Dios appeywa, apkeltennassama axta yetlo apkelxeyenma Wesse' egegkok apwesey, hágkek eknaqtáxésamaxche m'a weykcha'áhak apagkok axta m'a apkelwesse'e apkelwányam axta Israel.

¹⁹Hágkek han eknaqtáxésamaxche ektémakxa axta apheykha Dios appeywa apkellegasso apagkok ma'a apkelmaxnagko axta, tén han kélátegmoweykegkokxa axta, ekxeyenma axta ekyókxoho m'a mey'assáxma, tén han apyenseyam apyetleykha Wesse' egegkok, keñe han apkelánegweykenxa axta chá'a kélpeykessamókxa aqsok kéláyókxa m'a néten egkexe, tén han apnegkenmakxa axta chá'a m'a kéleykmássesso nak Aserá, keñe han ma'a mók aqsok kéleykmássesso, megkaqhamakxa axta makham apwáxok aptémakxa nápaqtók Dios.

²⁰Xama axta apketsapma, kélátawanyegwákxeyk axta m'a kélcheneykekxexa axta pánaqte exnók ma'a nápakha apxagkok apyawe. Tén axta apyaqmagkasa apteme wesse' apwányam ma'a apketche Amón.

²¹Veintidós apyeyam apagkok axta apkeynamo apteme wesse' apwányam Amón, apqánet apyeyam axta apteme wesse' apwányam ma'a Jerusalén.

²²Asagkek axta eyke ektémakxa aqsok apkelane nápaqtók Wesse' egegkok, ekhawo aptémakxa axta m'a Manasés, apyáp axta. Apkelnáhakkassegkek axta chá'a apnaqtósso ekyókxoho kéleykmássesso, apkelane axta m'a Manasés, apyáp axta, apkelpeykessamók axta han.

²³Axta eyke kaqheyk apwáxok aptémakxa nápaqtók Wesse' egegkok, metnama axta m'a Manasés, apyáp axta, apyáncháseykegkók axta aqsa aptémakxa ekmaso.

²⁴Apkeláneykekxeyk axta yaqweykenxa etnéssesek ma'a sẽlpextétamo apkelámha apmonye'e apagkok, apchaqhegkek axta m'a kañe' apxagkok apyawe nak.

²⁵Keñe axta énxet'ák apkelnapa m'a apkeláneykekxa axta yaqweykenxa etnéssesek ma'a wesse' apwányam Amón, tén axta apteméssesa wesse' apwányam ma'a apketche Josías.