Read Lengua Sur Nehemías 10 Bible Online

Nehemías 10 - Lengua Sur bible

Nehemías 10

¹Keso énxet'ák apnaqtáxéséyak axta apkelwesey weykcha'áhak se'e: Ko'o Nehemías, Hacalías apketche, sekteme nak séláneykha apchókxa; tén han Sedequías,

²Seraías, Azarías, Jeremías,

³Pashur, Amarías, Malquías,

⁴Hatús, Sebanías, Maluc,

⁵Harim, Meremot, Abdías,

⁶Daniel, Guinetón, Baruc,

⁷Mesulam, Abías, Mijamín,

⁸Maazías, Bilgai, tén han ma'a Semaías. Cháxa aptamhéyak axta apkelmaxnéssesso Dios énxet'ák apagkok xa.

⁹Keñe énxet'ák levitas se'e: Josué, apketche nak Azanías, tén han Binuy aptáwen neptámen nak ma'a Henadad, tén han Cadmiel;

¹⁰tén han ma'a apkelyáxeg'a nak, Sebanías, Hodías, Quelitá, Pelaías, Hanán,

¹¹Micaías, Rehob, Hasabías,

¹²Zacur, Serebías, Sebanías,

¹³Hodías, Baní, tén han ma'a Beninu.

¹⁴Keso apkelámha apmonye'e nak apnámakkok se'e: Parós, Pahat-moab, Elam, Zatú, Baní,

¹⁵Binuy, Azgad, Bebai,

¹⁶Adonías, Bigvai, Adín,

¹⁷Ater, Ezequías, Azur,

¹⁸Hodías, Hasum, Besai,

¹⁹Harif, Anatot, Nebai,

²⁰Magpías, Mesulam, Hezir,

²¹Mesezabel, Sadoc, Jadúa,

²²Pelatías, Hanán, Anaías,

²³Oseas, Hananías, Hasub,

²⁴Halohés, Pilhá, Sobec,

²⁵Rehúm, Hasabná, Maaseías,

²⁶Ahías, Hanán, Anán,

²⁷Maluc, Harim, tén han ma'a Baaná.

²⁸Keñe m'a nápakha énxet'ák, cham'a apkelmaxnéssesso Dios énxet'ák apagkok, tén han ma'a levitas, tén han apkeltaqmelchesso nak átog, tén han ma'a apkelmeneykmasso nak, tén han ma'a apkeltamheykha nak tegma appagkanamap, tén han ma'a apyókxoho énxet'ák ektáha axta apkelánteyapma nepyeseksa énxet'ák ma'a apchókxa nak, yaqwayam enxoho elanagkok ma'a Dios segánamakxa apagkok, yetlo apnaqteyegka'a, cham'a apyókxoho apketchek apkelennay'a tén han kelwán'ák, élmowancha'a nak chá'a élchetámeykha awáxok,

²⁹apkelyepetchákxeyk axta apnámakkok tén han apkelámha apmonye'e apagkok, apxéna naqsók etnahagkok ma'a ektémakxa nak segánamakxa apmésso axta Dios ma'a Moisés, apteme axta apkeláneykha, tén han elanagkok meyke apkelyenseyam ekyókxoho m'a apkeltémókxa nak antéhek, tén han segánamakxa apagkok nak ma'a Wesse' egegkok,

³⁰cháxa keñamak peya nak mólmésagkehek egketchek kelwán'ák yaqwayam etnahagkok apnaqteyegka'a énxet'ák apheykha nak se'e apchókxa nak, móghók sa' nahan negko'o kalmagkok apketchek kelwán'ák nak ma'a egketchek apkelennay'a nak.

³¹Apkelchexyekmek sa' agkok nahan énxet'ák apheykha nak se'e apchókxa nak ekhem sábado elsanták ma'a aqsok apkexeykekxa nak, tén han ma'a mók ektémakxa nak chá'a m'a aqsok ekyexna kélcheneykekxa, mólmehek sa', megkeyxek sa' ma'a ekhem sábado, essenhan ma'a mók ekhem kélessawássessamo nak chá'a; siete apyeyam sa' han chá'a kawomhok manlánéyak néltamheykha namyep, tén han negmassésseyam aqsa chá'a m'a apméyak aqsok nak chá'a egmók.

³²Nenxénchek nahan negko'o aganchásekxak chá'a yókxoho apyeyam cuatro gramos ma'a sawo élmope élmomnáwa nak, yaqwayam enxoho kólyánmagkasek chá'a élánamáxche nentamheykha m'a Dios egagkok nak tegma appagkanamap apagkok:

³³keñe han ma'a kelpasmaga kélpekkenweykekxa nak chá'a aphakxa Wesse' egegkok, tén han ma'a aqsok kélmésso naqsa kélseykekxa nak chá'a yókxoho ekhem ma'a aqsok aktek ekyexna kélcheneykekxa, tén han ma'a aqsok kélnaqtósso kélwatno nak chá'a yókxoho ekhem, tén han kélnapma nak chá'a ekhem sábado, tén han ma'a pelten aphaxnagkok, tén han ma'a mók kélessawássessamo kélpeykessamo nak chá'a Wesse' egegkok; tén han ma'a aqsok kélmésso naqsa mók ektémakxa nak chá'a, tén han kélnaqtósso ektekyawa yaqwayam megkólyaqmagkásekxeyk apkeltémakxa melya'assáxma m'a énxet'ák Israel, tén han ma'a ekyókxoho aqsok kélmeykha nak chá'a kólpeykeshok Wesse' egegkok ma'a Dios nak tegma appagkanamap apagkok.

³⁴Nentawásegkek han negko'o xama aqsok, cham'a apkelmaxnéssesso nak Dios énxet'ák apagkok, tén han levitas, tén han apyókxoho énxet'ák apwánxa enxoho chá'a m'a neghawóxama, yaqwayam ansakxak chá'a yókxoho apyeyam Dios egagkok tegma appagkanamap apagkok ma'a yántapák ekhem ekxénamaxchexa nak chá'a, yaqwayam enxoho agwatnek ma'a Dios Wesse' egegkok nak ekwatnamáxchexa aqsok apagkok, ekhawo ektémakxa nak ektáxésamaxche m'a segánamakxa.

³⁵Nenxénchek han negko'o ólsakxak chá'a yókxoho apyeyam Wesse' egegkok tegma appagkanamap apagkok ma'a émha amonye' ekyexno nak ekyexna negkeneykekxa namyep, tén han ma'a ekyókxoho yámet ekha nak ekyexna.

³⁶Nenxénchek han annaqlakxak chá'a Dios egagkok tegma appagkanamap apagkok ma'a egketchek apmonye'e nélwete nak chá'a, tén han émha amonye' ekpalleyam nak chá'a étkók ma'a weyke nennaqtósso, tén han nepkések, ekhawo ektémakxa nak ektáxésamaxche segánamakxa, nápaqta'awók ma'a apkelmaxnéssesso nak Dios énxet'ák apagkok, apkeltamheykha nak tegma appagkanamap.

³⁷Nenxénchek han negko'o ólsakxak kélxátamakxa nak aqsok Dios egagkok tegma appagkanamap apagkok ma'a nélmésso nak ma'a apkelmaxnéssesso Dios énxet'ák apagkok, cham'a apkemha apmonye' nak nenlane hótáhap, tén han ma'a émha amonye' ekyexna nak ma'a ekyókxoho yámet, tén han émha amonye' nenlane nak ma'a vino, tén han émha amonye' nak nenlane pexmok égmenek, keñe ólsakxések han levitas ma'a ektáhakxa nak chá'a diez nennakxo aqsok negkeneykekxa', hakte cha'a apkelmeykekxa chá'a ektáhakxa nak chá'a diez ekyókxoho aqsok negkeneykekxa' m'a.

³⁸Peyk sa' agkok eyeykhámekxak levitas ma'a ektáhakxa nak chá'a diez aqsok kélcheneykekxa, elyetlók sa' xama apkelmaxnéssesso Dios énxet'ák apagkok Aarón aptáwen neptámen. Keñe sa' levitas elsakxak ma'a kélxátamakxa nak chá'a aqsok ma'a Dios egagkok tegma appagkanamap apagkok, ekwayam nak chá'a diez aqsok kélcheneykekxa, apkelméyak nak chá'a,

³⁹hakte elsakxak sa' israelitas, tén han levitas hótáhap apaktek apnegkenéyak, tén han vino, tén han pexmok égmenek ma'a kélxátamakxa nak chá'a aqsok ekheykegkaxa nak ma'a aqsok kélmeykegkaxa élpagkanamaxche', apkeltamheykegkaxa nak chá'a m'a apkelmaxnéssesso Dios énxet'ák apagkok, tén han apkeltaqmelchesso nak átog, tén han apkelmeneykmasso. Nenxénchek han magyenyewek chá'a m'a Dios egagkok tegma appagkanamap apagkok.