Read Lengua Sur Ester 10 Bible Online

Ester 10 - Lengua Sur bible

Ester 10

¹Apkeltamhók axta enegkenagkok selyaqye wesse' apwányam Asuero m'a énxet'ák apheykha nak makhawók wátsam ekwányam tén han ma'a egkexe étkók neyseksa wátsam ekwányam.

²Yetnegkek axta ektáxésamaxche weykcha'áhak kélnaqtáxessamakxa axta chá'a ekyókxoho ektémakxa apchókxa Media tén han Persia m'a ektémakxa axta chá'a aqsok apkelane yetlo apyennaqte tén han apmopwána, tén han ma'a ektémakxa axta apméssama néten agko' kéláyo m'a Mardoqueo.

³Mardoqueo axta apteme aptétéyak chá'a ektémakxa aptamheykha m'a wesse' apwányam, cham'a judío nak. Énxet ekyawe kéláyo axta aptemék nepyeseksa m'a judíos. Apchásekhayók axta m'a apyókxoho apchókxa xamo', hakte apketagkassegkek axta aqsok ektaqmela m'a énxet'ák apagkok. Apwasqápeykekxók axta apkeltémo etaksek ektaqmalma apheykha m'a appeywomo xamo' nak.