Read Lengua Sur Job 15 Bible Online

Job 15 - Lengua Sur bible

Job 15

¹Metnéssesha aqsa chá'a appeywa yátegmowagkok pók ma'a énxet apya'áseykegkoho nak aqsok, megkések chá'a appeywa ekyennaqte ekho nak éxchahayam;

³mepaqmésmakha aqsa chá'a, memha chá'a m'a appeywa mékoho nak.

⁴Apmasséssekmek eyke exchep ma'a nenteme nak negáyo Dios: ¡apmasséssekmek ma'a nempaqhetchesso nak Dios ekmámnaqsoho!

⁵Mey'assáxma exchep keñamak aptéma appeywa xa ektáha nak, tén han apmeykencha'a chá'a appeywa megkamámnaqsoho.

⁶Megkapayhawok ko'o axének aptémakxa exchep, hakte appeywa apagko' xeyenmak aptémakxa'.

⁷¿Xeyenméya exchep apwáxok aptáha apteyapma apmonye'? ¿Apkenagkamcheya axta exchep exmak ma'a megkalánteyapmakxa axta makham meteymog élekhahéyak?

⁸¿Apxakkók enxeykel'a exchep apkenagkók ey'ásegkok ma'a aqsok ekpowásamaxche' apmáheyo nak elának Dios, essenhan apxakkók apteme apya'áseyak aqsok keso nélwanmégkaxa'?

⁹¿Yaqsa aqsok apya'áseykegkoho exchep magya'ásegko nak negko'o? ¿Yaqsa aqsok apyekpelchémo exchep magyekpelchama nak negko'o?

¹⁰¡Xámok aqsok nélya'ásegwayam, negyeykhásseykmók ma'a apyáp axta exchep!

¹¹¿Apwanyawóya exchep ma'a apmáheyo nak epeykessásekxak apwáxok Dios, tén han nentaqmelchessamo nak nempaqhetchesso exchep?

¹²¿Yaqsa ektáha apcha'awo nak ektaxna apwáxok aplo? ¿Yaqsa ektáha éllawa nak apaqta'ák?

¹³¿Yaqsa ektáha aptaqnawaya nak Dios, tén han memágweykxo appeywa appaqhetchesa?

¹⁴Méko xama énxet eyáxñeyo aptémakxa, tén han ekpéwomo aptémakxa'.

¹⁵Weykmók megyáyo Dios ma'a apkelásenneykha nak, háwe han ektaqmalma apkelányo m'a néten,

¹⁶¡ekyágwánxa agkok ma'a énxet, aptaqnómap, apkeláneyól'a aqsok ekmaso, aptémól'a xama énxet ének yegmen!

¹⁷Yeyxho sa' sekpeywa, altennaksek sa' xép ma'a aqsok sekya'áseyak eñama sekwete,

¹⁸sẽlxekmósso nak ma'a énxet'ák apkelya'áseykegkoho nak aqsok. Apyapmeyk nanók axta keñamak apkeltáméséyak,

¹⁹apxawáya axta xapop, melpaxqamákpo axta m'a apkeleñama nak mók nekha.

²⁰Yaqwátawok apha m'a énxet ekmaso nak aptémakxa, tén han apyennaqteyáseykha nak apyempehek, yentexek katnehek aplegeykegkoho.

²¹Keygwakkasek chá'a eñak ektemegweykmoho exma; apkeneykek agkok chá'a kataqmelákxak apha, ektamagkok chá'a m'a apkelmenyexma nak.

²²Mopwanchek kaxének apwáxok éxánegkesek ekyáqtésso exma: ¡hakte kelhaxneyk sókwenaqte yaqwayam kaqhek!

²³Máma sa' han etawagkok ma'a aphápak; apya'ásegkok peya emassegwók.

²⁴Keygwakkashok agko' sa' ma'a ekyáqtessóxma, kaktamagkok sa' ma'a ekyentaxno apwáxok, tén han ekmaso apha, aptémól'a xama wesse' apwányam ektamagkok apkelenmexma m'a émpakháxchexa'.

²⁵Cháxa ektémakxa énxet aptaqnagko nak chá'a Dios xa, megyeye nak ewanyaha m'a ekha nak Apyennaqte,

²⁶cham'a énxet apcháhakkásamap nak chá'a apcháhakkásamap, méxnésseykekxa nak chá'a ektamagkok ma'a Dios.

²⁷Apchásennamap, élyawe apmáxempenák apmele, tén han élyetlóseyam nápakhaw'ék apmele.

²⁸Nápakha'a apketkók sa' etnekxak ma'a tegma apkelyawe aphamakxa axta chá'a; eltaqmopagkok sa' ma'a tegma nak, meteymog ektaháneykekxa mók sa' etnekxa'.

²⁹Megkawegqók sa' apteme ekxámokma aqsok apagkok, ñohók sa' kalmassegwók aqsok apagkok keso náxop.

³⁰Mopwanchek sa' éxánegkesek ma'a ekyáqtésso exma. Máxa aqsok kélcheneykekxa sa' etnehek, ekwatnamól'a táxa m'a éltektépeykekxa nak, ekpalchessamól'a exnók ma'a éxchahayam.

³¹Nágyásenneykxa aptémakxa nak chá'a apmopwána amya'a, kápekxa katnehek kélyexancháseykha.

³²Emassegwók sa' ektémól'a yámet kalyameyk áwa', megkatépekxék sa' áwa' axnancha'ák.

³³Sa' katnehek ma'a ektémól'a anmen yámet megkamakhetmo nak ekyexna, essenhan olivo yámet ekpalleyam nak exnók.

³⁴Méko sa' katnehek aptawán'ák neptámen ma'a élmasagcha'a nak apkeltémakxa, keñe sa' apxanák kalwatnek táxa, ekxamássesso nak aqsok apagkok apkelxawe chá'a ekyánmaga megyánémap exének ektemegweykmoho exma.

³⁵Kelláneykegkók apkelwáxok ma'a apkeltémakxa ekmaso, aptekkessegkek ma'a ekmaso nentémakxa; wánxa ekxeyenma apkelwáxok chá'a elyexanchesha pók.