Read Lengua Sur Job 26 Bible Online

Job 26 - Lengua Sur bible

Job 26

¹¡Mepasmók apagko' xép ma'a énxet apyelqamap nak, melwagkassók teyp ma'a meyke nak apkelyennaqte!

³¡Apkenagkamchek xép ey'ásegkok ektémakxa nempaqhetcháseykha egmók tén han nélxekmósso m'a mey'áseyak nak aqsok!

⁴¿Yaqsa éltémo etnehek xép appeywa xa ektáha nak? ¿Yaqsa ekteméssesso exchep yaqwayam etnehek appeywa xa ektáha nak?

⁵Apkelpexyennamomchek apkelaye kañók agko' wátsam ekwányam ma'a apkeletsapma, apheykencha'a nak kañe' wátsam ekmattawóneg.

⁶Yáxñakxoho temék apkelányo Dios ma'a takhaxpop, apkelmaheykegkaxa nak apkeletsapma.

⁷Appeykessegkek axta néten Dios meykexa axta makham aqsok, apkexanmeyk axta xapop meykexa aqsok.

⁸Appekkenmeyk axta yegmen ma'a neyseksa yaphope, meyke ekpaqxo m'a yaphope eñama ekyentaxno;

⁹emasseksek chá'a apchápogwate pelten yáhakkasek yaphope;

¹⁰appekkenmeyk axta néxa wátsam ekwányam apkexpánchessama élseyéxma tén han ekyáqtésso exma.

¹¹Aplókek agkok Dios, kalpexyennók chá'a eyeye m'a egkexe élméyak nak néten.

¹²Apyennaqte keñamak apwanmeyáseykekxo wátsam ekwányam; apmopwána aqsok keñamak apchaqhama m'a yegmen askok eklo, cham'a Rahab.

¹³Apwátekhapma keñamak apcháxñáseykekxo néten; apchaqhe apagko' aptemék ma'a yéwa ketók ekxegáneykenxa nak.

¹⁴Cháxa nekha nak aqsok apkelane xa; segyexcháseykha aqsa chá'a m'a nenlegaya nak. ¿Yaqsa awanchek kay'asagkohok ma'a éxtegyawà apagkok ekyennaqte nak?