Read Lengua Sur Salmos 110 Bible Online

Salmos 110 - Lengua Sur bible

Salmos 110

¹Aptáhak Wesse' egegkok apcháneya wesse' ahagkok se'e: “Exa ekpayhókxa nak sélya'assamakxa', ekwokmoho seknegkenchesa kóneg apmagkok ma'a apkelenmexma nak.”

²Esawheyásekxohok sa' xép apteme wesse' apwányam ma'a Wesse' egegkok, eyeynamo m'a Sión. ¡Etne kaxwók apkeláneykha m'a apkelenmexma nak!

³Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

⁴Appenchessek han apteméssesso naqso' ma'a Wesse' egegkok, mopwanchek chá'a epeynchámekxak appeywa: “Xép apteme apkelmaxnéssesso Dios énxet'ák apagkok megkatnégwayam néxa, ekhawo ektémakxa axta aptamheykha Melquisedec.”

⁵Apheyk Wesse' egegkok ekpayhókxa nak xép apkelya'assamakxa; emasséssók sa' apkelwesse'e apkelwányam ma'a aplawa sa';

⁶exének sa' chá'a yaqwánxa kólteméssesek ma'a apyókxoho énxet'ák; ethanchásekxak sa' mók kélhapák; ¡elpáxqátek sa' kélpátek ekyókxoho keso náxop!

⁷Ének sa' yegmen ényé m'a ámay nak, kagkeyásekxak sa' apyennaqte m'a yegmen.