Read Lengua Sur Salmos 111 Bible Online

Salmos 111 - Lengua Sur bible

Salmos 111

¹¡Aleluya! Alpeykeshok sa' chá'a ko'o Wesse' egegkok ekweykmoho kañók agko' ewáxok, apchaqnákxexa enxoho chá'a m'a énxet'ák meyke nak apkeltémakxa, cham'a apyókxoho énxet'ák nak.

²Élyawa agko' ma'a aqsok apkelane nak Wesse' egegkok, eltamhok chá'a elya'ásegwók ma'a apkelmopmenyého nak chá'a.

³Keltásek ma'a aqsok apkelane nak, éleymáxkoho nahan, megkamassegwomek aptémakxa ekpéwomo.

⁴Apkeláneyak aqsok sempelakkasso nak agweta' megkalwagqánamaxche'. Wesse' egegkok apteme ektaqmeleykha apwáxok henlano', tén han apmopyósa henlano';

⁵elmésagkok chá'a aptéyak ma'a énxet'ák ektáha nak chá'a apcháyo; ¡megkalwánaqmék han chá'a m'a ekhémo mók apkelpaqhetchásamákpoho nak!

⁶Apxekmóssegkek énxet'ák apagkok ekyennaqte m'a aqsok apkelane, apméssama m'a xapop apagkok axta m'a pók énxet'ák nak.

⁷Péwók ma'a aqsok apkelane nak, naqso' nahan; payhawók magya'ássók ma'a segánamakxa apagkok nak,

⁸megkamassegwomek han, apkeláneyak axta ekmámnaqsoho agko', tén han ekpéwomo.

⁹Apkelmallahanchessegkek aqsok ekyentaxno énxet'ák apagkok, apkelánessegkek nahan ekhémo mók nélpaqhetchásamáxkoho apagkok meyke néxa. Dios apteme appagkanamap, tén han apcheymap.

¹⁰Néltamhók agkok antéhek ekyawe negya'áseykegkoho, kéméxcheyk sekxók antéhek negáyo Wesse' egegkok; ektaqmeleykha élchetámeykha apwáxok etnehek ma'a apcháyo nak chá'a. ¡Megkamassegwomek sa' chá'a kélteméssesso apcheymákpoho Dios!