Read Lengua Sur Salmos 114 Bible Online

Salmos 114 - Lengua Sur bible

Salmos 114

¹Xama axta apkelánteyapma énxet'ák Israel Egipto, apkelánteyapma axta Jacob aptawán'ák neptámen ma'a megkatnahakxa nak apkelókxa,

²aptemegkek axta Wesse' egegkok apkelyéseykha m'a énxet'ák Judá; keñe axta aptéma apagkok ma'a Israel.

³Xama axta ekweteya m'a wátsam ekwányam, yetlómok axta eyaqxegeykegkokxa', tén axta wátsam Jordán ekmassama ényé.

⁴¡Kelnextegeykha axta néten ma'a egkexe ektémól'a nepkések apkelennay'awo, kelnextegeykha axta néten ma'a meteymog élwenaqte aptémól'a nepkések apketkók!

⁵Wátsam ekwányam, ¿yaqsa axta ektéma eyaqxegeykegkokxo? Yegmen Jordán, ¿yaqsa axta ektéma ekmassama ényé?

⁶¿Yaqsa axta ektéma kéxegke egkexe kélnextegeykencha'a néten aptémól'a nepkések apkelennay'awo? ¿Yaqsa axta ektéma kéxegke meteymog élwenaqte kélnextegeykencha'a néten aptémól'a nepkések apketkók?

⁷¡Xapop kalpexyennem nápaqtók Wesse' egegkok, Dios apagkok nak Jacob!

⁸¡Aptemessáseykekxeyk axta ságe m'a meteymog élyawe élámha! ¡Aptemessáseykekxeyk axta ekteyapmakxa yegmen ma'a meteymog nak!