Read Lengua Sur Salmos 120 Bible Online

Salmos 120 - Lengua Sur bible

Salmos 120

¹Awónmakha chá'a ko'o Wesse' egegkok ekyentaxna enxoho ewáxok, heyátegmowagkok han chá'a.

²Wesse', hewagkas ko'o teyp nepyeseksa énxet'ák apkelmopwancha'a amya'a, cham'a sexéneykha nak chá'a ekmaso.

³¿Háxko sa' etnéssesek kéxegke Wesse' egegkok kélpaqméteykha nak chá'a ekmaso?

⁴¡Elyátak sa' ma'a yágke élmahamta ektémól'a apkelmeykha kempakhakma yapmeyk! ¡Elyetnak sa' ma'a átex élyexwáseykekxa nak élápogwate!

⁵¡Eyóse' nak la'a ko'o sekha nak Mésec megkatnahakxa seyókxa, sekpakxanma nak nepyeseksa m'a énxet'ák Quedar!

⁶Wegqak agko' sekha nepyeseksa m'a apkeltaqnagko nak chá'a meyke ektáhakxa negha;

⁷¡éltennássek agkok chá'a ko'o etnehek meyke ektáhakxa apheykha, keñe chá'a m'a elxének kempakhakma!