Read Lengua Sur Salmos 127 Bible Online

Salmos 127 - Lengua Sur bible

Salmos 127

¹Agkok elanak Wesse' egegkok tegma, kaqhok eltemeykha m'a apkeláneyak nak chá'a tegma; agkok emyáwak Wesse' egegkok ma'a tegma apwányam, kaqhok elanha m'a apkelhaxneykha nak chá'a.

²Kaqhok óghaxchek nentamheykha tén han antók nento néghamaxche nak negwete, apkelmeyásegko enxoho chá'a Dios ma'a apkelásekhayókxa nak, neyseksa apnaqteyenma.

³Wesse' egegkok sempasmo negko'o segméssama nak chá'a egketchek.

⁴Máxa yágke aktek apkelmeykhal'a kempakhakma yáp ma'a egketchek negwete nak chá'a nentáhakxoho egketkok.

⁵¡Apkeleñémo énxet ekxámokma nak yágke aktek apagkok, ektéma nak xa! Mexók sa' chá'a m'a apkelenmexma nak, apkelenmexákxo enxoho chá'a nápaqta'awók ma'a segyekpelchémo nak.