Read Lengua Sur Salmos 13 Bible Online

Salmos 13 - Lengua Sur bible

Salmos 13

¹Wesse', ¿háxko sa' ekwánxa kammok megkaxeyenma apwáxok ko'o? ¿Kamaskohok agko' ya sa' ekxeyenma apwáxok ko'o? ¿Háxko sa' ekwánxa katnégwók néxa séxánegkesso ko'o?

²¿Háxko sa' ekwánxa kammok eklegeykegkoho ewáxok, tén han ekyaqhápeykha ewáxok yókxoho ekhem? ¿Háxko sa' ekwánxa kammok setnéssesso mékoho m'a sélenmexma nak?

³Dios Wesse' ahagkok, ¡hélano, heyátegmowák, hewasqakkásekxoho, tén sa' meytnemek ma'a aphagweykemxa nak apkeletsapma!

⁴¡Yaqwayam sa' metnehek elpaqmétek sélenmexma nak: “Meheghawo'!” ¡Yaqwayam sa' megkalpayhekxeyk apkelwáxok setnégwokmoho enxoho exma ekmaso!

⁵May'ásseykmok ko'o m'a ektémakxa nak xép seyásekhayo, payhekxeyk nahan ewáxok, hakte ewagkassek ko'o teyp xép.

⁶¡Anneykmássesek sa' ko'o Wesse' egegkok, eñama ektaqmalma setnéssesakxa'!