Read Lengua Sur Salmos 137 Bible Online

Salmos 137 - Lengua Sur bible

Salmos 137

¹Negheykha axta chá'a neyáwa wátsam Babilonia néllekxagweykencha'a ekxeyenma egwáxok ma'a Sión.

²Ólchexnagkok axta chá'a arpa egagkok ma'a néten xóxeg, apkelámha axta m'a tegma apwányam nak.

³Axta apkeltémok chá'a ólmeneykmaksek yetlo ekpayheykekxa egwáxok ma'a ektáha axta sennaqleykekxa megkatnahakxa negókxa, sẽlmoma axta negko'o; ¡apkeltémok axta ólmeneykmássesek negmeneykmasso eñama nak Sión!

⁴¡Háxko katnehek negko'o ólmeneykmaksek negmeneykmasso eñama nak Wesse' egegkok, megkatnahakxa negókxa!

⁵Agkok kaxénak ko'o ewáxok xép Jerusalén, ¡kémeyk sa' émek sélya'assamakxa'!

⁶¡Agkok kaxénak ewáxok xép, keypetchekxak sa' epaqpehek ahaxkok, matnéssesa enxoho apmonye' exchep Jerusalén, amonye' m'a ekpeykeseykekxoho nak chá'a ewáxok!

⁷Wesse', kaxénwakxoho apwáxok ma'a edomitas, aptéyeykmo axta m'a Jerusalén, aptéma axta apkelpaqmeyesma s'e: “¡Kóltegkes, kólmasséssem ekweykmoho apowhók!”

⁸¡Babilonia, kólmasséssók sa' xép! ¡Apkeleñémo apteméssesso nak ekpayhawo etnéssesek senteméssessamakxa axta negko'o!

⁹¡Apkeleñémo énxet apkelma nak chá'a xép apketchek, apkelyenhasso nak chá'a meteymog!