Read Lengua Sur Salmos 142 Bible Online

Salmos 142 - Lengua Sur bible

Salmos 142

¹Ekyennaqtésawók ko'o sekpeywa sekwóneyncha'a Wesse' egegkok, ekyennaqtésawók sekpeywa séltamho kapyóshok hélano'.

²Nápaqtók éltennásak aqsok megkaleklo ewáxok, nápaqtók ekya'assásegwokmok ektémakxa ekyentaxno ewáxok,

³cham'a ekmassa enxoho chá'a sélenmáxexko. Wesse', apya'ásegkok xép ámay ahagkok: cham'a ámay sekpéwomókxa nak chá'a ko'o, élpekkenchessek kelhanma.

⁴Énmexawók axta ko'o m'a ekpayho nak sélya'assamakxa', méko axta sey'awa yaqwayam hepasmok. ¡Méko xama enxoho semasma! ¡Méko xama enxoho ekyetnakhassamo awáxok ko'o!

⁵Wesse', ekwóneyha ko'o exchep, ektáhak seyáneya s'e: “Xép apteme sekyexánegweykekxexa'; xép apteme wánxa ahagkok neyseksa m'a ekyókxoho aqsok ahagkok, neyseksa sekha.”

⁶Yeyxho sekwóneykha ekyennaqte, hakte massék ko'o ekha sekyennaqte. Hemallahanches ko'o nepyeseksa sélenmexma, hakte apmelyeyha'ak ma'a, maxnawok ko'o.

⁷Hemallahanches ko'o seklegeykegkoho, yaqwayam enxoho ko'o alpeykeshok xép. Hewakhegwaták sa' ko'o m'a meyke nak apkeltémakxa', ektaqmela sa' setnéssesakxa exchep.