Read Lengua Sur Salmos 149 Bible Online

Salmos 149 - Lengua Sur bible

Salmos 149

¹¡Aleluya! Kólmeneykmásses Wesse' egegkok negmeneykmasso axnagkok; kólpeykesho chá'a m'a apchaqneykekxexa nak énxet'ák apkelpéwomo.

²Israelitas, kalpayhekxa kélwáxok, kélteme nak énxet'ák Sión, hakte Dios apteme apkelane kéxegke, tén han Wesse' apwányam kélagkok.

³Kólpeykesho apwesey yetlo kélnéweykha, kólmeneykmásses negmeneykmasso yetlo kélpáwasso arpa, tén han nélaqtáwasso.

⁴Hakte leklamók apwáxok Wesse' egegkok ma'a énxet'ák apagkok; egkések chá'a apkelmallane m'a énxet'ák meleymákpoho, máxa kélnáxegkáseykha chá'a etnéssesek.

⁵Kalpayhekxa kélwáxok kélmallane kéxegke megkólyenyaweykha nak Wesse' egegkok, kólmeneykmés sa' yetlo ekpayheykekxa kélwáxok, megkeyxek sa' kélhágkaxa néten kélyetnamakxa'.

⁶Nágkólésagkoho kólmeneykmássesek Dios, yetlo kélmeykha sókwenaqte ánet ahamtek,

⁷yaqwayam enxoho kólyaqmagkásekxak apteméssessamakxa m'a melya'áseyak nak Dios, tén han kóllegássesagkohok ma'a pók énxet'ák nak,

⁸yaqwayam enxoho kólpextétek ma'a kelwesse'e apkelwányam, keñe han kólpextétek cadena élyentaxno sawo m'a énxet'ák apkelyennaqte nak,

⁹yaqwayam enxoho kóllegássesagkoho', ekhawo ektémakxa nak ektáxésamaxche'. ¡Cháxa yaqwayam sa' katnehek apkelxawéyak eyaqheykha agko' apkelwáxok apyókxoho m'a melyenyaweykha nak chá'a! ¡Aleluya!