Read Lengua Sur Salmos 15 Bible Online

Salmos 15 - Lengua Sur bible

Salmos 15

¹Wesse', ¿yaqsa sa' awanchek kaxek ma'a tegma appagkanamap apagkok nak? ¿yaqsa sa' awanchek kaxek ma'a egkexe apagkok ektaqmalma nak?

²Wánxa m'a énxet apkeláneyo nak aptémakxa ektaqmela, apkeláneyo nak nentémakxa ekpéwomo, apxeyenmo nak amya'a ekmámnaqsoho ekweykmoho kañók agko' apwáxok;

³mexeyenma nak chá'a ekmaso pók, metnéssesseykmoho nak exma ekmaso m'a apxegexma, metaqnagko nak ma'a apha nak ketók apxagkok;

⁴aptaqnagkamo nak ma'a énxet ekpayhawo nak etaqnaweykpok, apcháyo nak chá'a m'a apcháyo nak Wesse' egegkok; apkeláneyo nak chá'a m'a aqsok apxeyenma elána', neyseksa eykhe megkataqmalma ekteyapma aqsok apkelane;

⁵tén han ma'a apmassáseykha nak chá'a pók selyaqye apagkok, meyke apkeltémo eyánmagkasagkok néten; tén han memà nak selyaqye exkak yáneykpok etwássesha apha m'a énxet meyke nak aptémakxa. Énxet apteme nak xa ektáha nak, metyemek sa' chá'a.