Read Lengua Sur Salmos 16 Bible Online

Salmos 16 - Lengua Sur bible

Salmos 16

¹¡Dios ahagkok, hetaqmelches ko'o, hakte eyásenneykekxeyk ko'o exchep, ektémakxa nak xép sentaqmelchesso!

²Ektáhak ko'o seyáneya exchep se'e: “Xép Wesse' ahagkok, éñamakxa ekyókxoho aqsok ahagkok; méko aghéshok xép.”

³Kalyeyha'ak ma'a aqsok kéláyókxa nak apchókxa, etnehek chá'a elxének ma'a ekleklamo nak chá'a apkelwáxok elyetlakxa',

⁴cham'a apxámáseyak nak chá'a aqsok apcháyókxa, apkelyetleykekxa nak chá'a yetlo melyenseyam. ¡Mapasmekxeyk ko'o m'a apkelánéyak nak aqsok apkelnapma! ¡Maxének xama enxoho élwesey m'a aqsok apkeláyókxa!

⁵Wesse', xép apwánxa apagkok segkésso aqsok eyeyméxchexa; apyánchessamók xép segkésso seyemleykekxoho, xép apmeykha sekyennaqte.

⁶Xapop ektaqmalma agko' ko'o epayhémók sekxawe; ¡Keltásók agko' aqsok sepayhémo nak sélxaweykekxa!

⁷Alpeykeshok sa' ko'o Wesse' egegkok, epaqhetchesek chá'a ewáxok axta'a hélxekmósagkok.

⁸Malwátéssemek chá'a ko'o ekxéneykha ewáxok Wesse' egegkok, aphegkek ko'o neheykha' ekpayho sélya'assamakxa', méko kawának hetegkesek.

⁹Cháxa keñamak eyátseykencha'a nak ko'o ewáxok, tén han ekpayheykekxo ewáxok. Méko sa' chá'a katnehek ekyókxoho sekyókxa,

¹⁰hakte megyohok sa' axnamok ma'a apkelmaheykegkaxa nak chá'a apkeletsapma, ¡megyohok sa' axnamok kañe' máxek ko'o sektáha nak xép apkeláneykha meyenyaweykha!

¹¹Hexekmósek sa' ko'o exchep ma'a ámay ekyennaqte nak egnények agyetlakxa'. Yetnegkek ekpayheykekxa egwáxok ma'a aphakxa nak xép, tén han ekmátsa egwáxok meyke néxa m'a nekhók aphakxa nak xép.